Gaztelaniaz argitaratu da "A death without company", Wyomingo euskal munduan girotutako nobela beltza

Gaztelaniaz argitaratu da "A death without company", Wyomingo euskal munduan girotutako nobela beltza

2013/03/21

Walt Longmire sheriff-a AEBetako nobela beltzeko pertsonaiarik ezagunetarikoa da egun, eta bere istorioetan oinarritutako telebista sailak bigarren sasoia du aurten. Craig Johnson idazleak sortu du Longmire eta dagoeneko bederatzigarren eleberria argitaratu da. Siruela argitaletxeak gaztelaniara itzuli berri du saileko bigarren alea, "A death without company" ("Una muerte solitaria"). Bertan Longmire-ek Mari Baroja euskalamerikarraren heriotza ikertuko du. "Euskaldunak Oesteko parte dira eta nire erantzunkizuna da mundu hau zintzotasunez deskribatzea", azaldu dio idazleak EuskalKultura.com-i.

Gehiago Irakurri…

Kirmen Uriberen "Mussche" eleberria gaztelaniaz argitaratu da, katalanez eta galegoz ere plazaratu berritan

Kirmen Uriberen "Mussche" eleberria gaztelaniaz argitaratu da, katalanez eta galegoz ere plazaratu berritan

2013/03/15

Kirmen Uribe ondarroarraren azken eleberria, "Mussche", hiru hizkuntzatara itzulia izan da aste honetan: katalanez, galegoz eta gaztelaniaz aurkeztu dute Edicions 62, Xerais eta Seix Barral argitaletxeek, hurrenez hurren. Liburua iazko abenduan plazaratu zuen Susa argitaletxeak eta harrera oso ona izan zuen (Durangoko Azokako euskarazko libururik salduenetakoa izan zen). "Lo que mueve el mundo" izenburua hartu du eleberriak gaztelaniaz.

Gehiago Irakurri…

Ingelesez egin den aurreneko euskal literaturaren antologia argitaratu du Center for Basque Studies-ek

Ingelesez egin den aurreneko euskal literaturaren antologia argitaratu du Center for Basque Studies-ek

2013/03/14

AEBetako Nevadako Unibertsitateko Center for Basque Studies nazioarteko ikerketa guneak "Basque Literary History" liburua aurkeztu zuen atzo Donostian. Lan hau euskal literaturari buruz ingelesez idatzi den lehendabiziko antologia da eta Mari Jose Olaziregi Euskal Filologian doktorea eta Etxepare Institutuko Euskararen Sustapenerako zuzendaria izan da edizioaren arduraduna. Berarekin elkarlanean, honako hamabi adituek jorratu dituzte antologiako atalak: Jesús María Lasagabaster, Igone Etxebarria, Joxerra Garzia, Aurelia Arkotxa, Beñat Oyharçabal, Jean Haritschelhar, Lourdes Otaegi, Patri Urkizu, Xabier Altzibar, Xabier Etxaniz, José Manuel López eta Estibalitz Ezkerra.

Gehiago Irakurri…

Atxagaren unibertsoa ikusgai izango da Madrilen, 'Obabakoak' eleberriaren 25. urteurrena dela eta

Atxagaren unibertsoa ikusgai izango da Madrilen, 'Obabakoak' eleberriaren 25. urteurrena dela eta

2013/03/13

Obabakoak eleberriaren 25. urteurrena kari, Madrilgo kulturgune nagusienek Bernardo Atxaga idazlearen unibertsoa erakutsiko dute, martxoaren 20tik apirilaren 7a bitartean eskainiko duten programazio bereziarekin. Hitzaldiak, zinea, antzerki lanak eta Atxagari buruzko ikus-entzunezko baten estreinaldia egingo dira, besteak beste, Centro Dramático Nacional, Casa del Lector eta Matadero Madrid zentroetan, Etxepare Euskal Institutuarekin elkarlanean.

Gehiago Irakurri…

Castillo Suarez, Leire Bilbao eta Itxaro Bordaren poesiak jakinmina piztu zuen Dublinen

Castillo Suarez, Leire Bilbao eta Itxaro Bordaren poesiak jakinmina piztu zuen Dublinen

2013/03/04

"Forked Tongues" izeneko poesia antologiaren argitalpena dela eta, Dublinen izan berri dira Castillo Suarez, Leire Bilbao eta Itxaro Borda olerkariak. Liburuak hiru euskal egileen eta Miren Agur Meaberen poesiak ingelesera itzuli ditu, zenbait galiziar eta kataluniar idazleen lanekin batera. Euskal olerkariak Dublinen izan ziren euren olerkien irakurraldiak eskaintzeko, eta emanaldiek jakinmin handia piztu zuten, eurekin bertan izan zen Mari Jose Olaziregi Etxepare Institutuko Euskara zuzendariaren esanetan.

Gehiago Irakurri…

Joseba Sarrionandiaren “Moroak gara behelaino artean?”en bertsio katalana bihar aurkeztuko da Bartzelonan

Joseba Sarrionandiaren “Moroak gara behelaino artean?”en bertsio katalana bihar aurkeztuko da Bartzelonan

Bihar aurkeztuko da Bartzelonan "Som com moros dins la boira?", Joseba Sarrionandia idazle iurretarraren "Moroak gara behelaino artean?" saiakeraren katalanezko bertsioa, Pol·len argitaletxe katalana argitaldari. Saiakerak Literaturako Euskadi saria lortu zuen 2011ean eta Pol·leni argitaletxekoei interesgarria iruditu zitzaien lana katalanera itzultzea. Aurkezpena bihar larunbata egingo da, Bartzelonako Centre de Cultura Contemporània-n (CCCB).

Gehiago Irakurri…

Etxeparek sarean argitaratu ditu euskal literaturari buruzko bi antologia eta "Katu jendea" ipuina (hirueletan)

Etxeparek sarean argitaratu ditu euskal literaturari buruzko bi antologia eta "Katu jendea" ipuina (hirueletan)

2013/02/19

Etxepare Euskal Institutuak hiru argitalpen aurkeztu zituen atzo prentsaurrean eta gaurtik aurrera eskuragarri jarriko ditu bere webgunean, PDF formatuan. Batetik, Euskal Antologiak Saileko lehen bi aleak, biak ere hirueledunak (euskara, gaztelania, ingelesa): Mikel Ayerberen "Euskal narratiba garaikidea: katalogo bat" eta Jone Arrotajairegik idatzitako "Egungo haur eta gazte literatura: katalogo bat". Bestetik, Eider Rodriguezen "Katu Jendea" ipuina, euskaraz, gaztelaniaz, frantsesez, nederlanderaz eta alemanez Euskal Sortzaileak Sailaren baitan.

Gehiago Irakurri…

Euskal Kultur Erakundeak idazleentzako egonaldi-bekaren 2013ko edizioa deitu du

Euskal Kultur Erakundeak idazleentzako egonaldi-bekaren 2013ko edizioa deitu du

Hirugarren aldikoz, Iparraldeko Euskal Kultur Erakundeak (EKE), CPIE Euskal Itsasbazterrak eta Euskal Idazleen Elkarteak (EIE) beren baliabideak eta gaitasunak bateratzen dituzte gazte literatura egonaldi baten antolatzeko 2013an, Abbadia Eremuan, Hendaian. Egonaldia euskal idazle guztiei zuzendua da eta hilabete luzatuko da, 2013ko urriaren 7etik azaroaren 3a arte. Hautagaitzak aurkezteko epea: 2013ko apirilaren 30a.

Gehiago Irakurri…

Txokoan lan egiteko eskaintza eta nobela beltzari buruzko hitzaldia Bartzelonako Euskal Etxean

Txokoan lan egiteko eskaintza eta nobela beltzari buruzko hitzaldia Bartzelonako Euskal Etxean

Bi berri jakinarazi ditu Bartzelonako Euskal Etxeak: batetik, elkarteak Txokoan behar egiteko lan-eskaintza argitaratu du. Interesdunek kurrikuluma astelehena baino lehen bidali behar dute (datu guztiak jarraian). Bizkor ibili, beraz! Bestetik, datorren asteko asteazkenean nobela beltzari buruzko hitzaldi bat eskainiko dute euskal etxean Jon Arretxe eta Jose Javier Abasolo idazleek. Bartzelonako nobela beltzaren literatur jaialdian --BCNegra-- ari dira parte hartzen, euren azken lanak aurkezteko.

Gehiago Irakurri…

Euskal literaturak jakinmina piztu zuen Guadalajarako Nazioarteko Liburu Azokan

Euskal literaturak jakinmina piztu zuen Guadalajarako Nazioarteko Liburu Azokan

2012/12/10

Harkaitz Cano eta Mikel Ayerbe idazleak bueltan dira Euskal Herrian, azaroaren hondarrean eta abendu hasieran Mexikora egin zuten bidaiaren ostean. Guadalajarako Nazioarteko Azokan eta Mexiko DFko bi unibertsitatetan izan ziren idazleak, euren azken lanak aurkezten, Etxepare Institutuko Euskararen Sustapenerako zuzendari Mari Jose Olaziregi lagun zutela. Institutuak jakinarazi duenez bidaian burututako jarduerak "jendetsuak eta maila literario handikoak" izan dira, "eztabaidetan, editore, idazle, unibertsitari nahiz zernahi irakurlek hartu baitu parte".

Gehiago Irakurri…

Error exceptions.KeyError on here/portlet_gaiak/macros/portlet: 'noticias_eu'
 

bisita