Blanca Urgell Kultura sailburuak Etxepare Institutua 2010ean ez aktibatzea litekeena dela uste du
Badirudi luzerako doala. Posible da oso Eusko Jaurlaritzaren Euskal Autonomia Erkidegotik kanpoko kultura ekimen guztiak koordinatzeko sortu zen Etxepare Euskal Institutua ez hastea lanean aurten, finkatuta dituen 10 lanpostuak betetzeko prozesua jasaten ari den atzerapenak direla-eta. Hala adierazi du joan den ostegunean erakunde hori bere ardurapean duen Kultura saileko buru den Blanca Urgell-ek. Etxepareren azpiegitura osoa eta gainerako guztiak prest daude, zai zuzendari bat izenda dezaten eta LABek lanpostu deialdiaren aurka aurkeztutako errekurtsoari buruzko epaileen deliberoaren beha baita ere. Duela bi aste, Euskal Erkidegoko Justizia Epaimahai Gorena sozialeko jurisdikzioaren alde erabaki zuen, eta honek areagotu egingo du berriz ere atzerapena.
Echenique: "Euskadiko ordezkari bat ez da enbaxadari bat eta hori asumituz askoz ate gehiago zabalduko dira"
"Lopez-en Jaurlaritzako Kanpo Harremanetarako idazkaritzak argi ikusten du. Euskadi autonomia erkidego bat da, ez estatu bat. Beraz bere lanak kanpoan bere interes ekonomikoak defenditzea baino ez du izan behar. Ikusmolde honek gidatzen du buru duen Guillermo Echeniqueren egitekoa". Hitz hauekin hasten du Noticias taldeko Marta Martin kazetariak Eusko Jaurlaritzako Kanpo Harremanetarako idazkari nagusiarekin joan den igandean igandean argitaratu zuen elkarrizketa.
Argentinan bizi den euskal 'gerlako haur' batek, egun 84 urtekoa, 60 urteko alaba duela atxeman du
Deia egunkariak eman zuen argitara istorioa atzo. Gizona, Manuel Camara galdamestarra, egun 84 urte dituen eta duela 60 urte Argentinan bizi den gerlako euskal haurra, azkeneko urteotan joan da jakiten bazitekeela alaba bat --orain ia 60 urtekoa-- izatea Ingalaterran sortua. Manuel Ingalaterrara eraman zuten 1937an, 12 urte zituela eta bertan beste hainbeste urte eman zituen, 24 urte zituela Argentinara emigratzea erabaki zuen arte. Bera bizi zen etxeko emazteak izan zuen haurra, eta senarrarena balitz bezala hazi zuten, geroztik azken hiru bat urteetan egia plazaratzen joan bada ere.
Salgai da 'Kalea', Kepa Junkerak Ameriketako hainbat kantari eta musikarirekin grabatu duen azken CDa
'Etxea'ren ondotik, 'Kalea' etorri da. Bi hauek dira Kepa Junkeraren azken bi lanen izenburuak, ibak proiektu bereko parte, esan nahi baita munduko hainbat kultura eta herrialdetako kantari famatu euskaraz euskal kantu tradizionalak edo ezagunak kantatzen jartzea xede duen bere proiektu horretako parte. Plazaratu berria den 'Kalea'n, besteak beste Juanes, Pablo Milanés, Lila Downs, Lito Vitale, León Gieco edo Iván Lins bezalako izenak ipini ditu kantari, 23 orotara --82 euren musikariak zenbatuz--, 23 euskal kantu kantatzen. Elkarrizketa Txorierriko Aikor aldizkariari eskaini zion trikitilariak, eta interesgarria zelakoan hona egokitu dugu.
Artikulua Deian: Lopezen gobernuak beheko aldetik doituz berrantolatu du bere nazioarteko sare 'diplomatikoa'
Deia egunkariak Lopez Lehendakariaren gobernuak Kanpo Harremanen alorrean orain artean hartu dituen erabakiak modu kritikoan komentatu ditu joan den igandean, Humberto Uztuetak sinatzen duen artikulu batean. "Euskal exekutiboak aurreko gobernuek zeramaten kanpoko politikarekiko ildo jarraikorra darama bere ordezkaritzen helburu eta funtzioetan. Aldaketa zantzu bakarra egoitza batzuen itxiera da eta berriak zabaltzeko planak errotik moztu izana", dio. Gure irakurleen interesekoa izan daitekeela pentsatuz, linka ekarri dugu datozen lerrroetara.
Iñigo Arruti, Hilton hoteleko zuzendaria: «Istanbulgo mezkiten kantuak Laboa dakarkit gogora»
Txikitatik bizi izan du ostalaritza gertutik. Turismo ikasketak egin, eta egun Istanbulen dago, bost izarreko hotela zuzentzen. Tolosarra da, eta 1994an hasi zen munduan hotelen munduan: Txileko Santiago, Bartzelona, Lisboa, Paris, Madril... 390 langile dauzka orain Istanbulen bere esanetara. Urtzi Urrutikoetxeak eginiko elkarrizketa atzo eman zuen argitara Berria egunkariak.
Lolis Barquin euskal erbesteratuaren bizitza Argentinako La Nacion egunkariak artikulu batera bildu legez
Dolores Barquin Areetan jaio zen. Gerra garaian beste haur asko bezala, etxetik atera behar izan zuen, Belgikan bukatzeko. Bertan familia batek jasoa izan zuen baina ahal bezain laster eta momentu latz askoren ondorioz gurasoek bere seme-alabak Argentinara eramatea lortu zuten. 1942. urtean iritsi zen bertara. Emakume honen istorioa bildu du Jorge Fernandez Diaz kazetariak La Nacion egunkarian. Berak entzun eta Dolores Barquinen bizitzaren bertsioa eman du, hona ekarri duguna.
Euskal artistak proiektu berriak ari dira garatzen Txinan, Judas Arrietak Pekinen zabaldutako estudioa medio
Judas Arrieta hondarribitarrak berriki inauguratu du Pekingo Club LAN-en 'Imagin China' erakusketa. Bertara, berak hiriburu txinatarrean zabaldutako MA Studio-n egondako hamar sortzaileren lanak biltzen dira. Gunea baliagarria zaie artistei errealitate txinatarrean sartzeko eta bide berriak esperimentatzeko. Txinarekiko sarbide gisa, Eusko Jaurlaritzak 'Goazen Txinara' programa abiarazi du Euskadiko artea Txinan ezagutzera eman eta euskal artistak bertakoaz ikas dezaten. Orain, lau gazteren egonaldia diruz lagunduko du gobernuak bertan lan egin dezaten. El Correo egunkarian Zigor Aldamak argitara emaniko artikulua laburbildu dugu datozen lerroetara.
Miguel Sanchez-Ostiz: 'Hemen kultura-aniztasuna gustatzen zaigu, baina soilik agintzen duena gurea denean'
"Gaur egun ziurtasunekin funtzionatzen dugu; ziurtasunetik sinesmenera goaz, fedearen dogmara eta urkoari hori inposatzera", adierazten du, beste hausnarketa batzuen artean, Miguel Sanchez-Ostiz idazleak (Iruñea, 1950), Diario de Noticias egunkariko Paula Echeverría kazetariak egin dion elkarrizketa honetan, bere azken lana den 'Cuaderno boliviano (Alberdania 2008) liburuaren karira. Jarraian gazteleraz eginiko elkarrizketa euskaratu eta laburbiltzen dugu.
Juan Mari Arzak sukaldari donostiarrak Euskal Herritar Unibertsala saria jaso zuen atzo Gasteizen
Ibarretxe lehendakariak Euskal Herritar Unibertsala saria eman zion Juan Mari Arzak sukaldari donostiarrari atzo iluntzean Gasteizen. Arzak euskal gastronomiaren aurpegi ezagunenetakoa da eta nazioartean lehen mailako lekua eman dion sukaldari taldearen aitzindaria. Epaimahaiak hamasei hautagaien artean aukeratu zuen donostiarra, 'inori itzalik egin gabe Euskadik distira egitea lortu' duela azalduz. 'Euskal sukaldaritzari eman diote saria', esan du bere aldetik Arzakek Hirutxuloko Hitza egunkariak saria jasotzeko bezperan egin dion elkarrizketa honetan.
