91. urteurrena ospatu eta Zuzendari Batzordea berritu du Comodoro Rivadaviako Euskal Echea Elkarteak

91. urteurrena ospatu eta Zuzendari Batzordea berritu du Comodoro Rivadaviako Euskal Echea Elkarteak

Hamalau urteko agintaldiaren ostean, eta euskal etxearen Biltzar Orokorraren baitan, elkartearen zuzendaritzaren lekukoa pasatu die Antoni Baztan-ek Hector Baztan lehendakari eta Graciela Fernandez lehendakariorde berriei. Agintaritza berritzea, erakundearen 91. urteurrena baino aste batzuk lehenago burutu zen Patagonia argentinarrean jardunbide handikoa den euskal etxe honetan. Batzorde berria hautatu izana eta lekukoa hartzea ospatzeko, otordu bat partekatu zuten elkartearen egoitzan, besteak beste partaide zirela agintari ohi eta berriak, dantzariak eta lagunak oro har.

Gehiago Irakurri…

Hainbat jende bildu zen asteburuan Los Banos-era bertako euskal etxearen 50. urteurrena ospatzera (I)

Hainbat jende bildu zen asteburuan Los Banos-era bertako euskal etxearen 50. urteurrena ospatzera (I)

2014/05/21

Arrakastaz ospatu zuen joan den asteburuan Los Banoseko euskal etxe kaliforniarrak elkartea sortu zeneko 50. urteurrena. Normalean igandekoa izan ohi den bere urteroko festak bi egun hartu ditu aurten eta jendeak egoki erantzun zuen larunbat eta igandean Los Banoseko azokalekura biltzeko egindako deia. "NABOren biltzar eta festa nagusia datorren astean izanik Bakersfield-en, beldurren bat bagenuen, baina, egiari zor, gure usteak gainditu egin dira eta jende andana ederra bildu zaigu eta urtebetetze festa polita ospatu dugu", aitortu dio EuskalKultura.com-i elkarteko lehendakari Amador Zabalbeascoak. Hona festaren argazki kronika.

Gehiago Irakurri…

Euskal etxeetako euskara ikasleak partaide, Gabriel Arestiren "Harri eta Herri" irakurriko dute bihar Arriagan

Euskal etxeetako euskara ikasleak partaide, Gabriel Arestiren "Harri eta Herri" irakurriko dute bihar Arriagan

Bihar hasiko da Bilboko Arriaga antzokian 7. Klasikoen Irakurketa, Gabriel Arestiren "Harri eta Herri" poesia liburua ardatz. Etenik gabeko saio izango da, urtero bezala eta goizeko zortzietatik arratsaldeko zortziak bitartean ehundaka lagun igoko dira antzokiko taulagainera, idazle bilbotarraren maixulaneko hitzak ahotan. Munduko 21 euskal etxetako euskara ikasleek ere bat egingo dute ekimenarekin eta Arriagako pantaila erraldoian ikusi ahalko dira, aldez aurretik grabatuta, eurei egokitu zaizkien pasarteen irakurketak.

Gehiago Irakurri…

Hator Hona 2014ko gazteen zerrenda eta egitaraua plazaratu ditu Necocheako Zahar Alai taldeak

Hator Hona 2014ko gazteen zerrenda eta egitaraua plazaratu ditu Necocheako Zahar Alai taldeak

Iaz Euskal Herrian burutu zen edizioaren ostean, Atlantikoaren alde honetara bueltatuko da aurten Necocheako Euzko Etxeak, eta zehatzago bertako Zahar Alai dantzari taldeak antolatutako Hator Hona programa. Euskal Hwerriko bederatzi gazteren eskutik, hainbat klase eta tailer eskainiko zaizkie hiru astetan zehar euskal etxeko kideei eta oro har komunitate osoari ere. Eskolak emateaz gain, erakundearen ohiko ospakizunetan ere hartuko dute parte bisitariek. Aurtengo behin behineko datak, uztailaren 17tik abuztuaren 10era.

Gehiago Irakurri…

Tolosako Denak Bat Euskal Etxeak 60. urteurreneko jaialdi handia egingo du heldu den asteburuan

Tolosako Denak Bat Euskal Etxeak 60. urteurreneko jaialdi handia egingo du heldu den asteburuan

2014/05/19

Festa handia ari dira prestatzen asteburuan Frantziako Tolosan, Denak Bat elkartearen egoitzan. Euskal Etxeak 60. urteurrena betetzen du aurten eta lehenengoz Euskal Jaialdia egin eta euskal kultura hiriko kaleetara ateratzea deliberatu du. Jarduerak ostiralean abiatuko dira, euskal mitologiari buruzko hitzaldi batekin eta "Bilbao: Lauxeta, tiros y besos" antzezlanarekin. Asteburuan, dantza, euskara ikastaroak, pilota, ipuin kontalariak, pandero lantegia eta hainbat gauza gehiago!

Gehiago Irakurri…

Dani Oiarbide irakaslea arduradun hasi dira La Platako Unibertsitateko 2014ko euskara klaseak

Dani Oiarbide irakaslea arduradun hasi dira La Platako Unibertsitateko 2014ko euskara klaseak

Eusko Jaurlaritzako Etxepare Euskal Institutuak eta La Platako Unibertsitate Nazionalak sinatutako lankidetza hitzarmenaren baitan garatzen da Euskara eta Euskal Kultura Irakurletza. Proiektua arrakastatsua izan da hasieratik eta Euskal Herriko hizkuntza eta kultura ezagutzeko grina duten hainbat ikasle biltzen ditu, gaur egun, euskara mailaren arabera, kurtso ezberdinetan banatuta. Irakurletzako 2014ko aktibitateak maiatzaren lehenengo astean hasi dira irakasle berriaren iristearekin batera, eta abendu arte luzatuko dira. EuskalKultura.com Dani Oiarbide irakurle berriarekin solastu da bere jardunbide, asmoak eta lehenengo inpresioak jakiteko.

Gehiago Irakurri…

Nekatuta baina kontent heldu ziren helmugara Bordele-Bilbao martxako zikloturistak

Nekatuta baina kontent heldu ziren helmugara Bordele-Bilbao martxako zikloturistak

Hiru egun pedalei jo eta ke eragiten ibili eta gero, Bilbora heldu ziren larunbatean Bordeleko Euskal Etxeak antolatu duen bizikleta martxako partehartzaileak. Nekatuta, noski, baina pozik bidean egindako lagun berriengatik eta ikusitako paisaia ederrengatik: Aquitaniako lautada eta dunetatik Euskal Herriko bihurgunez beteriko kostako errepideetara eta mendietara. Antolatzaileak pozik agertu ziren esperientziarekin eta txirrindulariek hurrengo hitzordua jarri zuten: bi urte barru berriz ere egingo dute bide, baina oraingoan Bilbotik Bordelera!

Gehiago Irakurri…

‘Bake-eserlekua’ inauguratu du Arrecifesko euskal etxeak Gernikako haritzaren kimuaren magalean

‘Bake-eserlekua’ inauguratu du Arrecifesko euskal etxeak Gernikako haritzaren kimuaren magalean

Inaugurazio ekitaldia Gernikako Bonbardaketaren 77. Urteurrenaren baitan burutu da eta Euskaldunak Denak Bat-eko kide eta lagunak ez ezik, Udaleko agintariak ere –tartean Julio Suarez alkateordea eta Jorge Eterovich Kontseilu Erabakitzaile Ohoretsuko presidentea – bildu ziren zeremonian. ‘Bake-eserlekua’ Arrecifeseko Mitre Plazan dago, haritzaren enborraren inguruan. Udal ordenantzak adierazten duenez, “Bake-eserlekua munduko kolektibitateen arteko elkartasun eta senidetasunaren ikurra izango da”. Urteurreneko ekitaldiek gauean jarraitu zuen, euskal etxeko egoitzan, bideo eta pintxo afari batekin.

Gehiago Irakurri…

Agur eta hurrena arte: euripean baina dantzaz blai ere amaitu zen ‘Buenos Aires Euskal Herria ospagai’ (eta III)

Agur eta hurrena arte: euripean baina dantzaz blai ere amaitu zen ‘Buenos Aires Euskal Herria ospagai’ (eta III)

Oraindik ez dakigu noiz izango den ‘Buenos Aires Celebra al País Vasco’ jaialdiaren laugarren edizioa –datorren urteko festen egitaraua urte amaierako prestatuko baitu hiriko Udalak– baina aurtengoan eta aurrekoetan parte hartu dutenak egunak zenbatzen egongo dira honezkero dudarik gabe. Oraingoz, eta itxaronaldia leuntzeko, joan den igandeko oroipenak ditugu birpasatzeko. EuskalKultura.com-en artikulu honetan jaiaren azken argazki eta bideo erreportajea.

Gehiago Irakurri… [ Erantzun bat ]

Valentziako Euskaltzaleok elkartearen lehenengo Pintxo Lehiaketak harrera ona izan zuen

Valentziako Euskaltzaleok elkartearen lehenengo Pintxo Lehiaketak harrera ona izan zuen

2014/05/14

Iragan maiatzaren 9an egin zuen Valentziako Euskaltzaleok elkarteak bere aurreneko Pintxo Lehiaketa eta jarduerak harrera ezinhobea izan zuen. Elkarteko arduradunek aditzera eman dutenez, lehiaketak partehartzaile asko bildu zituen eta denak izan ziren lehiakide eta epaile, euren botoekin erabaki baitzen irabazlea. Pintxo sorta zabala dastatu eta gero, boto gehien jaso zituztenak Andreuren mediterranear estiloko pintxoak izan ziren. Zorionak txapeldun!

Gehiago Irakurri…

Error exceptions.KeyError on here/portlet_gaiak/macros/portlet: 'noticias_eu'
 

bisita