Gaur gauean iritsiko dira euskal dantzak 'Mundu Guztia Alta Gracian' jaialdira,  Cordobatarrak-en eskutik

Gaur gauean iritsiko dira euskal dantzak 'Mundu Guztia Alta Gracian' jaialdira, Cordobatarrak-en eskutik

Urteroko hitzorduari hutsik egin gabe, 2014 honetan ere aurkeztuko dira Cordobako Gure Txokoa Euskal Etxeko dantzariak Alta Gracia herriko gizataldeen festara. Izan ere, gizatalde azoken eta kultur turismoaren alorrean Argentinako garrantzitsuenetakoa den ekimena da aurten 27 edizio betetzen ari den hau, Cordoba probintziako Alta Graciako herria antolatzaile. Hitzordua gaur da, otsailak 7, eta mugimendu handiko denboraldi baten hasiera bihurtuko da aurten bere 60. urteurrena ospatuko duen Gure Txokoa-ko gazteentzat. Alta Gracian, gaurko egitaraua gaueko 10etan hasiko da eta Cordobatarrak-ekoek jaiaren bi agertokietan dantzatuko dute beste hainbat kolektibitaterekin batera.

Gehiago Irakurri…

San Nicolaseko Euskal Etxeak Zuzendaritza berritu du, Damian Cebeyk segitzen duelarik lehendakari

San Nicolaseko Euskal Etxeak Zuzendaritza berritu du, Damian Cebeyk segitzen duelarik lehendakari

2014/02/07

Buenos Aires probintzia argentinarreko San Nicolas de los Arroyos-en, bertako Centro Vasco Euzkal Etxea (sic) izeneko euskal etxeak, bere barne araudiaren araberako bozka egin du, elkarteak egin beharreko zuzendaritza berritzea gauza zedin, eta ondorioz Damian Cebey-k segitzen du lehendakari, batzordekide dituela, besteak beste, Manuel Brogliatti, lehendakariorde; Fernando Ocariz, idazkari; Maria de los Angeles Domenech, idazkariorde; Oscar Nestor Ugarte, agiri-idazkaria; Ana Maria Erausquin, diruzain; eta Maria Teresa Arámburu, diruzainorde.

Gehiago Irakurri…

Corpus Christi-ko Eusko Etxeak 'Kontaketa Harrigarrien' bigarren bilduma liburua aurkeztu du

Corpus Christi-ko Eusko Etxeak 'Kontaketa Harrigarrien' bigarren bilduma liburua aurkeztu du

‘46 Kontakizun harrigarri’ izenarekin plazaratu du Corpus Christi-ko Eusko Etxearen baitango Atahualpa Yupanqui liburutegiak 2012 eta 2013ko ‘Kontaketa Harrigarriak’ Literatur Lehiaketen ipuinak batzen dituen liburua. Aurkezpen ekitaldian, eskulan erakusketa eta umorezko antzerki saio llabur bat ere burutu zituzten euskal etxeko kideek. Erakundeak jakinarazi du, bestalde, bere Ohiko Urteko Biltzarra martxoan egingo duela.

Gehiago Irakurri…

San Frantziskoko euskaldunek Klikaren mende erdia eta BCCren 32. urteurrena ospatuko dute

San Frantziskoko euskaldunek Klikaren mende erdia eta BCCren 32. urteurrena ospatuko dute

Datorren otsailaren 15 eta 16ean San Frantziskoko euskal komunitateak hitzordua du Basque Basque Cultural Center-en, elkarte honen 32. urteurrena ospatzeko. Horrez gain, asteburuan zehar San Frantziskoko Klikaren mende erdia ere ospatuko dute eta esker ona agertuko diote urte horietan guztietan inguruotako euskal jaiak alaitu eta girotu dituen taldeari. Asteburuko egitaraua zabala eta oparoa da: musika, dantza, pilota erakustaldiak eta Bizi Emankorra sarien ematea. Aurten sarituak Betty Alzugarai, Maru Curutchet eta Suzanne Elicetche, euskal kulturari eta AEBetako euskal komunitateari eginiko ekarpenagatik.

Gehiago Irakurri…

2013ko literatur lehiaketako sariak eman ditu eta 3. edizioa deitzekotan da Buenos Airesen IEE-CVF

2013ko literatur lehiaketako sariak eman ditu eta 3. edizioa deitzekotan da Buenos Airesen IEE-CVF

'Euskaldun bati gertatutakoa' du izenburu Buenos Aireseko Iparraldeko Euskal Etxeak 2012an lehenengoz antolatu zuen nazioarteko ipuin lehiaketak. Proposamena asko hazi da geroztik eta 2013ko edizioak arrakasta handia lortu zuen, hirurogeitik gora idazle partaide lortuz. Emaitzak ikusita, hirugarren deialdi bati ekiteko asmoa dutela jakinari dute antolatzaileek, abenduan, 2013ko lehiaketaren sari emanaldian adierazi zutenez.

Gehiago Irakurri…

Kotoiaren Lurra Euskal Etxea Chacoko Resistencia hiriaren 136. urteurreneko ekitaldietan partaide

Kotoiaren Lurra Euskal Etxea Chacoko Resistencia hiriaren 136. urteurreneko ekitaldietan partaide

Iragan otsailaren 2an bere sorreraren 136. urteurrena ospatu zuen Chaco probintziako Resistencia hiriak, eta Kotoiaren Lurra Euskal Etxeak festan parte hartu zuen, bertako beste komunitateekin batera. Ekitaldi nagusienetako bat 2 de Febrero parkean egin zen ikuskizuna izan zen eta hor izan ziren euskal etxeko kideak, ikurrinarekin, euskal immigranteen ordezkari. Iñaki Echarri bazkidea izan zen Kotoiaren Lurraren banderaria.

Gehiago Irakurri…

Bartzelonako 2014ko Zinemaldiaren egitaraua aurkeztu da: drama, historia, politika, gastronomia eta gehiago

Bartzelonako 2014ko Zinemaldiaren egitaraua aurkeztu da: drama, historia, politika, gastronomia eta gehiago

Bartzelonako Euskal Etxeak aurkeztu egin ditu jada aurtengo Zinemaldia osatuko duten lanak: urtero legez, film luze zein laburrek eta fikzioak eta dokumentalek osatzen dute elkarteak Kataluniako hiriburura ekarri duen euskal zinearen uzta. Zinemaldia otsailaren 13tik 22ra egingo da eta aurten zine aretoetara jauzi egingo du gainera: saio guzti-guztiak Girona zinematan egingo dira.

Gehiago Irakurri…

Caldwellgo Basque Charities elkarteak milaka dolar bildu ditu beharra dutenei laguntzeko, urteroko Euskal Jaiarekin

Caldwellgo Basque Charities elkarteak milaka dolar bildu ditu beharra dutenei laguntzeko, urteroko Euskal Jaiarekin

AEBetako Idahotik hango bi elkartek egin dituzten euskal jaien berri heldu zaigu: batetik, Caldwellgo Euzkaldunak Basque Charities elkarteak arrakasta handia izan du aurten ere urteroko Basque Charity Dinner, Auction & Dance festarekin. Iragan urtarrilaren 18an egin zen jaiaren 46. edizioa, eta bertan bildutako dirua hirian beharra duten familiei laguntzeko erabiliko da. Bestetik, Mountain Home-n bertako euskal etxearen urteroko jaian hiru euskara irakaslek --Maria Fernandez, Izaskun Kortazar eta Itxaso Cayero-- euskal kanta herrikoien letrak eta esanahia erakutsi zieten elkartekoei, eta kantuan jarri zituzten bertako euskaldunak, giro ederrean.

Gehiago Irakurri…

San Sebastian eguneko danbor hotsak datoz Diasporatik: Mexiko, Quebec, Madril, Caracas...

San Sebastian eguneko danbor hotsak datoz Diasporatik: Mexiko, Quebec, Madril, Caracas...

Igaro dira jada San Sebastian eguna eta Donostiako eta Azpeitiako jai burrunbatsu eta alaiak, baina Diasporatik oraindik ere danborradako argazkiak eta kronikak heltzen ari dira geurera. Mexikon, esaterako, Euskal Etxeko kide eta lagun asko bildu ziren festara, eta afalostean Alfredo Jover Danbor Nagusiaren zuzendaritzapean jo zuten San Sebastian martxa. Quebec-en, aldiz, Euskaldunak elkarteak aurrenekoz ospatu zuen festa, eta arrakasta handiarekin gainera; izan ere, ETBko saio batean ere agertu zen haien jaia. Caracasen eta Madrilen ere giro ederrean ospatu zuten danborrada.

Gehiago Irakurri…

Antioquiako Gure Mendietakoak Euskal Etxeak Olentzeroren lilura erakutsi zien Caldaseko umeei

Antioquiako Gure Mendietakoak Euskal Etxeak Olentzeroren lilura erakutsi zien Caldaseko umeei

Gure Mendietakoak Euskal Etxeak 2013 urteari amaiera eman zion ekitaldi bolondres batekin abenduaren 20an. Elkarteko talde batek Caldas departamentuko mendi-herrixka bat bisitatu zuen eta bertako umeentzako jokoak eta kultur jarduerak antolatu zituen. Olentzerok ere bat egin zuen taldearekin; izan ere, bazkideek Euskal Herriko Gabonetako ohitura eta kondairak azaldu zizkieten txikiei.

Gehiago Irakurri…

Error exceptions.KeyError on here/portlet_gaiak/macros/portlet: 'noticias_eu'
 

bisita