Euskal gizataldeak bat egin du aberri argentinarrarekin Maiatzeko Iraultzaren 204. urteurrenean

Euskal gizataldeak bat egin du aberri argentinarrarekin Maiatzeko Iraultzaren 204. urteurrenean

Maiatzaren 25ean ospatu da Argentina osoan, urtero legez, Maiatzeko Iraultzaren urtemuga. Urtero bezala, hainbat hiritako euskal gizataldeek partaidetza nabaria izan dute ekitaldi ofizialetan eta udalek gonbidaturik ikurrina altxatu dute beste hainbat herritako banderekin batera, txuriurdin argentinarraren lagun. Tauletan, kalean, kabalkadetan eta sukaldaritza standetan… aberri argentinarraren eguna era askotan bizi izan dute pasa den igandean euskal kolektibitatetako ordezkariek.

Gehiago Irakurri…

Puerto Madryngo Etorritakoengatik euskal etxeak egoitza propioa izateko lehenengo urratsa eman du

Puerto Madryngo Etorritakoengatik euskal etxeak egoitza propioa izateko lehenengo urratsa eman du

Bidea ez da laburra izango baina hasita dago jadanik. Joan den astean aurkezpen formala egin du erakundeko lehendakari Andres Elorriagak Puerto Madryngo Udalean, Euskadi Plazaren aurrean dagoen lur eremu bat eskuratzearren. Bestalde, joan den igandean eta Maiatzaren Iraultzaren 204. urteurrena kari, euskal etxeko dantzariek hiriko kabalkadan hartu zutela adierazi digute euskal puertomadryndarrek. Eta plan gehiago: ekainean ‘Madryn Platerean’ jaialdiko Ekoizleen eta Diseinu Azokara, eta irailean, Gizataldeen Jaira bertaratzera gonbidatzen du euskal etxeak.

Gehiago Irakurri…

Alemaniako eskola umeak albokari, Berlingo Euskal Etxearen musika lantegiei esker

Alemaniako eskola umeak albokari, Berlingo Euskal Etxearen musika lantegiei esker

Iragan larunbatean Berlingo Euskal Etxeak hiriburu alemaniarreko eskola baten Udako Festan parte hartu zuen eta bertako ikasleentzako txalaparta eta alboka lantegi bat egin zituen. Neska-mutilek pozik hartu zuten musika tresna ezezagun horiekin jolasteko aukera. Baten batek albokari notaren bat ateratzea lortu zuen eta txalapartarekin haurrak ez ezik, gurasoak eta irakasleak ere animatu ziren, instrumentu arrotzak liluratuta.

Gehiago Irakurri…

Jendetza polita eta giro polit arrakastatsua Bakersfield-en 2014 NABO bilkura eta Euskal Bestan (I)

Jendetza polita eta giro polit arrakastatsua Bakersfield-en 2014 NABO bilkura eta Euskal Bestan (I)

Leku beroa izanik, eguzkiak ez du joan den asteburuan erabat estutu Bakersfield-en. Hiru egunez besteak beste bertako euskal etxearen --Kern County Basque Club izenekoaren-- 70. urteurrena eta NABOren 2014ko Convention edo Biltzar Nagusia ospatu dituen Kaliforniako euskal komunitate honek ehundaka jende bildu ditu Union Street-eko bere egoitzara, giro polit arrakastatsuan, tartean itsasoz bi aldeetako musikariak, dantzariak, pilotariak, muslariak eta bere euskaltasuna pozez elkarbanatu eta bizitzeko prest agertu den gizatalde aktibo eta aurrerakoia.

Gehiago Irakurri…

Bihar arte eman daiteke izena Cañuelasen burutuko den FEVAren 2014ko 1. Tailerrean parte hartzeko

Bihar arte eman daiteke izena Cañuelasen burutuko den FEVAren 2014ko 1. Tailerrean parte hartzeko

Zuzendaritza Batzordea berritu berria, urtean zehar garatuko dituen tailerren zerrenda kaleratu du Euskal Argentinar Erakundeen Federazioak (FEVA). Baliabideak optimizatze aldera, elkarretaratze bakoitzean bost tailer eskainiko dira, tartean dantza, musika, buruzagien trebakuntza, pilota eta sukaldaritzaz, hain zuzen. Lehenengo hitzordua datorren asteburuan izango da, Cañuelasen, eta parte hartzeko izena emateko epea bihar, maiatzaren 27an, bukatuko da. Hurrengoak, berriz, abuztuan eta irailean izango dira Villa Marian eta Macachinen hurrenez hurren.

Gehiago Irakurri…

Baietz taldeak jarri dio musika Kepa Etchandy-ren “Amerikanuak” liburuaren Cordobako aurkezpenari

Baietz taldeak jarri dio musika Kepa Etchandy-ren “Amerikanuak” liburuaren Cordobako aurkezpenari

2014ko aktibitateen egitarauari jarraituz Txiki Eguna ospatuko dute Cordobako Gerora Elkarteko lagunek bihar larunbata hiriko Rivadavia Plazan. Umeei zuzendutako proposamena talde cordobatarrak azken bolada honetan burututako ekitaldi zerrendari gehituko zaio. Izan ere, Kepa Etchandy-ren “Amerikanuak” liburuaren aurkezpena eta Gernikako Bonbardaketaren urteurrena ere gogoratu dituzte Gerorakoek, Txotx!-eko dantzariak eta Baietz musika taldea lagun. Honekin batera, instituzioko zuzendaritza berria jakinarazi digute Cordobako elkarteko arduradunek.

Gehiago Irakurri…

Brasilgo Mugaldeko Euskaldunek bigarren Topaketa eta, aurrenekoz, Pintxo Jaialdia ere ospatu zuten

Brasilgo Mugaldeko Euskaldunek bigarren Topaketa eta, aurrenekoz, Pintxo Jaialdia ere ospatu zuten

Iragan maiatzaren 17an Brasilgo Rio Grande do Sul Euskal Etxeko bazkide eta lagunek estatu honetako Fronteira Oeste edo Mendebaldeko Mugan egin zen euskaldunen topaketara bildu ziren. Hitzorduak bi "amu" nagusi zituen inguruotako euskaldunen ondorengoentzat: batetik, jatorri berdina duten lagunak ezagutzea eta eurekin esperientzia eta informazioa partekatzea; eta, bestetik, Lehenengo Pintxo Jaialdian dastagai izan ziren kutixiekin gozatzea. Topaketa, nola ez, arrakastatsua izan zen!

Gehiago Irakurri…

91. urteurrena ospatu eta Zuzendari Batzordea berritu du Comodoro Rivadaviako Euskal Echea Elkarteak

91. urteurrena ospatu eta Zuzendari Batzordea berritu du Comodoro Rivadaviako Euskal Echea Elkarteak

Hamalau urteko agintaldiaren ostean, eta euskal etxearen Biltzar Orokorraren baitan, elkartearen zuzendaritzaren lekukoa pasatu die Antoni Baztan-ek Hector Baztan lehendakari eta Graciela Fernandez lehendakariorde berriei. Agintaritza berritzea, erakundearen 91. urteurrena baino aste batzuk lehenago burutu zen Patagonia argentinarrean jardunbide handikoa den euskal etxe honetan. Batzorde berria hautatu izana eta lekukoa hartzea ospatzeko, otordu bat partekatu zuten elkartearen egoitzan, besteak beste partaide zirela agintari ohi eta berriak, dantzariak eta lagunak oro har.

Gehiago Irakurri…

Hainbat jende bildu zen asteburuan Los Banos-era bertako euskal etxearen 50. urteurrena ospatzera (I)

Hainbat jende bildu zen asteburuan Los Banos-era bertako euskal etxearen 50. urteurrena ospatzera (I)

2014/05/21

Arrakastaz ospatu zuen joan den asteburuan Los Banoseko euskal etxe kaliforniarrak elkartea sortu zeneko 50. urteurrena. Normalean igandekoa izan ohi den bere urteroko festak bi egun hartu ditu aurten eta jendeak egoki erantzun zuen larunbat eta igandean Los Banoseko azokalekura biltzeko egindako deia. "NABOren biltzar eta festa nagusia datorren astean izanik Bakersfield-en, beldurren bat bagenuen, baina, egiari zor, gure usteak gainditu egin dira eta jende andana ederra bildu zaigu eta urtebetetze festa polita ospatu dugu", aitortu dio EuskalKultura.com-i elkarteko lehendakari Amador Zabalbeascoak. Hona festaren argazki kronika.

Gehiago Irakurri…

Euskal etxeetako euskara ikasleak partaide, Gabriel Arestiren "Harri eta Herri" irakurriko dute bihar Arriagan

Euskal etxeetako euskara ikasleak partaide, Gabriel Arestiren "Harri eta Herri" irakurriko dute bihar Arriagan

Bihar hasiko da Bilboko Arriaga antzokian 7. Klasikoen Irakurketa, Gabriel Arestiren "Harri eta Herri" poesia liburua ardatz. Etenik gabeko saio izango da, urtero bezala eta goizeko zortzietatik arratsaldeko zortziak bitartean ehundaka lagun igoko dira antzokiko taulagainera, idazle bilbotarraren maixulaneko hitzak ahotan. Munduko 21 euskal etxetako euskara ikasleek ere bat egingo dute ekimenarekin eta Arriagako pantaila erraldoian ikusi ahalko dira, aldez aurretik grabatuta, eurei egokitu zaizkien pasarteen irakurketak.

Gehiago Irakurri…

Error exceptions.KeyError on here/portlet_gaiak/macros/portlet: 'noticias_eu'
 

bisita