Bizi-bizi Udaleku: dantzaz, musikaz eta lagunarteaz gozatzen ari dira AEBetako euskal gazteak Elkon

Bizi-bizi Udaleku: dantzaz, musikaz eta lagunarteaz gozatzen ari dira AEBetako euskal gazteak Elkon

Iragan ekainaren 22az geroztik Elkon dira AEBetako euskal komunitateko 65 neska-mutil, NABO euskal etxeen federazioak urtero antolatzen duen Udalekuan. Uztailaren 4a bitartean izango dira bertan, euskal kultura ikasten eta gozatzen: dantza, euskara, txistua, musa, pandero, makila eta pala ikastaroak egiten ari dira eta Udaleku 2014 Facebookeko orrian egunero argitaratzen dituzten argazkietan argi ikusten da ederki pasatzen ari direla. Hona hemen irudi horietako batzuk.

Gehiago Irakurri…

'Madryn Platerean' jaialdian Borja Blazquez-en aholkuak jaso zituzten Etorritakoengatik EEko sukaldariek

'Madryn Platerean' jaialdian Borja Blazquez-en aholkuak jaso zituzten Etorritakoengatik EEko sukaldariek

“Madryn al Plato” (Madryn Platerean) du izena Patagoniako Chubut probintziako Puerto Madryn hiriak antolatzen duen turismoa eta eskualdeko elikagaiak sustatzeko jaialdiak. Ekitaldiaren baitan ekintza ugari garatzen dira, tartean 50etik gora stand biltzen dituen Ekoizleen eta Diseinu Azoka. Etorritakoengatik Euskal Etxea feriako partaide izan da aurten ere, sei pintxo mota ezberdin eskainiz. Antolatzaileen gonbidatu berezi gisa, bestalde, gastronomia eskola eskaini zuen programa barruan Borja Blazquez sukaldari donostiarrak. Buenos Airesen finkatutako sukaldaria, oso famatua da Argentina osoan eta euskal etxeko kideekin bildu eta elkarrizketatu zen.

Gehiago Irakurri…

Programa osagarri bat lagun ireki da Ipar Argentinako Posadas-en 'Euskaldunen Argentina' erakusketa

Programa osagarri bat lagun ireki da Ipar Argentinako Posadas-en 'Euskaldunen Argentina' erakusketa

Argentina eta euskaldunak polito lotzen dituen erakusketarekin batera, hitzaldi programa oparoa eta euskal zinea eskainiko zaizkie hiriko Legebiltzarreko ‘Salón de las Dos Constituciones’ aretora bertaratzen diren lagunei. Argazki erakusketa osatzen duten panelak uztail osoan egongo dira bertan ikusgai, sarrera libre eta doakoa. Erakusketa, Ospitalea, Euskal Kultur Erakundea eta Euskal Argentina elkarteei zor zaie, hona ekartzearen babesle Frantziako Enbaxada, Posadaseko Euskal Jatorri Euskal Etxea, Ekologia Ministerioa eta Probintziako ordezkarien Ganbara izan direlarik. Bestalde, gomitea luzatu du euskal etxeak datorren astelehenerako, bere euskal zine zikloko azken saiorako: Sukalde Kontuak filma emango dute.

Gehiago Irakurri…

Brasilgo euskal komunitatea eta nazioarteko adituak bilduko ditu Brasilgo 1go Euskal Kultura Topaketak

Brasilgo euskal komunitatea eta nazioarteko adituak bilduko ditu Brasilgo 1go Euskal Kultura Topaketak

Uztailaren 4 eta 5ean egingo da Pelotas hirian Brasilgo 1go Euskal Kultura Topaketa, Rio Grande do Sul Euskal Etxeak antolatuta. Mintegiak Brasilgo euskal komunitatearen babes zabala lortu du eta nazioarteko hainbat adituen parte hartzea ere izango du, tartean Juan Jose Ibarretxe lehendakari ohia (Lehendakari Agirre Center-en ordezkari) eta Argentinako euskal komunitateko kide Cesar Arrondo (La Platako Unibertsitatea) eta Jorge Beramendi (Juan de Garay Fundazioa).

Gehiago Irakurri…

San Fermin ospatuko du Zazpiak Bat Vancouverreko Euskal Etxeak, Hume Parkean, uztailaren 5ean

San Fermin ospatuko du Zazpiak Bat Vancouverreko Euskal Etxeak, Hume Parkean, uztailaren 5ean

2014/06/27

Vancouverreko Euskal Etxeak, Kanadako Britainiar Kolunbian, badu dagoeneko zehaztua noiz eta non ospatuko duen aurtengo San Fermin jaia. Uztailaren 5ean izango da, 13:00etan hasita, Hume Park-en. Marmitakoa, txorizoa, eta patata-tortilla ogitartekoak izango dituzte jateko. “Zuriz eta gorriz eta zapi gorriarekin jantzita etorri ohi da jendea”, esan dio Elena Sommer-ek, Euskal Etxeko presidenteak, Euskalkultura.com-i. “Zapiarena nahitaezkoa da, ia”, gehitu du, irri artean.

Gehiago Irakurri…

"Argentina Euskal Herriko Bakearen Alde" ekimenean parte hartzeko deia egin dute Buenos Airesen

"Argentina Euskal Herriko Bakearen Alde" ekimenean parte hartzeko deia egin dute Buenos Airesen

Ekitaldi publikoa azarorako iragarri da, Buenos Aires hiriburuan, helburu jakin batekin: “Euskal Bake Prozesua bultzatzea eta ondorioz, horren bidez, arazo politikoa konpontzea”. 2010ean Mexikon eta aurtengo ekainaren 5ean Uruguaiko Parlamentuan burututako elkarretaratzeak eredu hartuz, Argentinakoan ere izen handiko pertsonaia publikoek parte hartzea aurreikusi da, politika, artea, kirola, hezkuntza eta beste zenbait arlokoek eta baita erakundeek eta euskal gizataldeko ordezkariek ere.

Gehiago Irakurri… [ Erantzun bat ]

Txileko Colectividad Vasca euskal etxeak kantari eta Pintxo Lehiaketa eratuz ospatu du bere 7. urteurrena

Txileko Colectividad Vasca euskal etxeak kantari eta Pintxo Lehiaketa eratuz ospatu du bere 7. urteurrena

2014/06/25

Colectividad Vasca de Chile izeneko euskal etxeak joan den igandean ospatu du bere 7. urteurrena, ospatu ere egoitza duen Las Condes-ko Estadio Español erakundean, bertako Reyes Catolicos aretoan egindako Pintxo Lehiaketa medio. "Pintxo apartak dastatu ditugu eta musika tradizionala, dantzak eta poz handia partekatu dugu, Txileko Colectividad Vascako bazkide eta lagun asko partaide", adierazi dio EuskalKultura.com-i elkarteko presidente Rossana Arza Pizarrok.

Gehiago Irakurri…

Lumila Tellechea, Frank Servat eta Gustavo Irazabal saridun Lapridako Euskal Etxearen 11. Lehiaketan

Lumila Tellechea, Frank Servat eta Gustavo Irazabal saridun Lapridako Euskal Etxearen 11. Lehiaketan

2014/06/25

Lapridako Lagunen Etxea Euskal Etxeak, Buenos Airesko probintzia argentinarrean, joan den igandean eginiko ekitaldian egin zuen zozketa, bere 11. Lehiaketako sariak --zortzi liburu, beste hainbeste irabazlerentzat-- nori banatu erabakitzeko. Izan ere, 226 pertsonak zuzen erantzun dute galdetegia, horietarik 153 haurrak, 42 gazteak eta 31 helduak. Sarituen artean, Lumila Tellechea, Frank Servat eta Gustavo Irazabal, besteak beste.

Gehiago Irakurri…

Zuzeneko euskal musikak kitzikatu ditu garrak Las Herasko Zazpirak Bat EEaren San Juan Gauean

Zuzeneko euskal musikak kitzikatu ditu garrak Las Herasko Zazpirak Bat EEaren San Juan Gauean

Joan den larunbatean ospatu dute San Juan Gaua Buenos Aires probintziako Gral. Las Heraseko Zazpirak Bat-ek. Zeremonian su handia piztu eta sugarretan sorgin itxurako panpina erre zuten euskal etxeko lagunek. Ekitaldia tren geltokiaren ondoko lur esparruan burutu zen eta bertara joan ziren kalejiran, dantzariak, erraldoiak eta buruhandiak, trikitixa eta panderoaren erritmoari jarraituz.

Gehiago Irakurri…

Chascomus izango da 2014ko Neguko Euskara Barnetegiko eta Irakasleen trebakuntza ikastaroko egoitza

Chascomus izango da 2014ko Neguko Euskara Barnetegiko eta Irakasleen trebakuntza ikastaroko egoitza

‘Barnetegia’ edo ikastaro trinkoa uztailaren 19an hasi eta 26an bukatuko da eta formakuntza prozesuan ari diren euskara ikasle/irakasleei dago zuzenduta. Trebakuntza ikastaroak, berriz, dagoeneko euskal etxeetan irakasle ari direnak bilduko ditu eta larunbat eguerditik igande iluntzera arte iraungo du. Bi ekintzak HABE Institutuak sustatzen duen Euskara Munduan proiektuaren baitan burutuko dira, FEVAren babesarekin. Irakasleentzako trebakuntza euskara hutsean emango da eta parte hartzea Federazioan berretsi behar da Federazioan, ostirala aurretik.

Gehiago Irakurri…

Error exceptions.KeyError on here/portlet_gaiak/macros/portlet: 'noticias_eu'
 

bisita