20. urteurreneko mezan biziarteko kide izendatu zuen Azulgo EEak Hugo Manuel Salaberry apezpikua

20. urteurreneko mezan biziarteko kide izendatu zuen Azulgo EEak Hugo Manuel Salaberry apezpikua

Buenos Aires probintzia argentinar barnealdeko Azul hiriko Gure Txokoa Euskal Etxeak bere hogeigarren urtebetetzea ospatu du aldameneko Rauch eta Olavarria hirietako euskal etxeetako kideak ere bilduz. Urtemugako egitarauaren barruan San Fermin meza ere egin da hiriko Katedralean. Elizkizunaren baitan biziarteko kide izendatu du erakundeak Azulgo apezpikua, Hugo Manuel Salaberry Monsinorea.

Gehiago Irakurri…

Festak eta San Fermin giroa gailendu dira azken egunotan Argentinako euskal eta nafar etxeetan

Festak eta San Fermin giroa gailendu dira azken egunotan Argentinako euskal eta nafar etxeetan

Gero eta sendoagoa da Argentinan sanferminak ospatzeko ohitura. Iruñea zaharraren bihotzean sortzen den olatu gorria Argentinako bazterretara ere iristen da, hiri eta herrietako euskal eta nafar etxeetara. Baina urtero uztailaren 9a (Argentinan jai, bertako Aberri Eguna) barne dela garatzen diren ospakizunetan, Nafarroako festa nagusiak Argentinako koloreei ere uzten die lekutxo bat eta zahato eta buruhandien artean, Independentziaren Egunaren 198. urteurrena ere ekarri da gogora azken egunotan egindako euskal-argentinar elkarretaratzeetan.

Gehiago Irakurri…

Vanesa Arozamena euskal ikerlea Valparaison izan da bertako euskaldunei buruzko lana egiteko

Vanesa Arozamena euskal ikerlea Valparaison izan da bertako euskaldunei buruzko lana egiteko

Vanesa Arozamena euskal filologoa Valparaison izan da, bertako euskal komunitatearen historiari buruz ikertzen. Valparaisoko Euskal Etxea bisitatu zuen ikerlariak eta bertan Rubila Araya Ariztia kazetariarekin elkarrizketatu zen. Araya “Arrojos, dichas y nostalgias: Vascos en el Valparaíso del siglo XX” liburuaren egilea da, eta lan hori ikerketako inspirazio iturri izan du Arozamenak. Ikerlariak, gainera, elkarteko presidente Archibaldo Uriarte eta bertako zenbait bazkide gazte ere elkarrizketatu zituen bere lanerako. Ikerketaren helburua Txileko euskaldunen ondorengoek "euren oroimena eta tradizioak nola mantentzen dituzten" eta "Eusko Etxeak horretan duen eragina aztertzea" da, Arozamenaren esanetan.

Gehiago Irakurri…

AEBeko Euskadiko Ordezkaritzak euskal komunitateari buruzko "Euskal News" albistaria berritu du

AEBeko Euskadiko Ordezkaritzak euskal komunitateari buruzko "Euskal News" albistaria berritu du

2014/07/09

Kalean da "Euskal News" albistari digitalaren azken zenbakia, ekainekoa, eta bertan AEBetako euskal komunitateari buruzko berri sorta zabala bildu du, ingelesez, AEBeko Euskadiren ordezkaritzak. Esaterako, Udaleku 2014, Amaia Arberas sopranoak New Yorken eman zuen azken kantaldia, Bakersfieldeko "Accordion Festival "musika jaialdia edo "Badassque" kamiseten proiektu euskaltzalea (irabazien zati bat euskal etxeetako euskara klaseak laguntzeko izango da). Buletina berritu egin dute aurten eta harpideek doan jasotzen dute e-mail bidez. Izena eman nahi duzu? Jarraian esango dizugu nola.

Gehiago Irakurri…

Opera Klasiko zine ziklo bat jarriko du martxan abuztutik aurrera Rio Cuartoko Gure Ametza Euskal Etxeak

Opera Klasiko zine ziklo bat jarriko du martxan abuztutik aurrera Rio Cuartoko Gure Ametza Euskal Etxeak

Ekitaldia abuztuaren 7an hasiko da Mozarten Don Giovanni-rekin eta azaroaren 27an bukatuko Verdiren La Traviatarekin. Ostegunero gauzatuko da, lau hilabetez, azaroaren amaierara arte. Proposamenari esker DVD formatuan dauden jatorri ezberdinetako operak proiektatuko ditu euskal etxeak. Sarrera libre eta doakoa izango da baina elikagai ez galkorrak eskatuko zaizkio publikoari, hiriko gune komunitarioetara dohaintzan emateko.

Gehiago Irakurri…

Iruñean bor-bor, Diaspora argentinarreko Sanferminetako lehenengo argazkiak datozkigu

Iruñean bor-bor, Diaspora argentinarreko Sanferminetako lehenengo argazkiak datozkigu

Uztail guztietan bezala, gorriz eta zuriz jantzi dira berriro ere Argentinako nafar eta euskal etxeak Sanferminak ospatzeko. Nafarroako ohiturari jarraituz, baina ozeanoaren alde honetan sortutakoari eusteari utzi gabe, txupinazoarekin eta kartoizko zezenekin jaso zuten argentinarrek nafarren jai ospetsuena. Hona hemen, joan den asteburuan gauzatutako ospakizunen isla eta adibidea.

Gehiago Irakurri…

Munduko euskaldunei buruzko dokumental sail batekin abiatu da sarean Eusko Diaspora proiektua

Munduko euskaldunei buruzko dokumental sail batekin abiatu da sarean Eusko Diaspora proiektua

Euskalkultura.com-etik Diasporaren munduan proiektu berri bati ongi etorria eman nahi diogu: Eusko Diaspora, bertako eta zortzigarren probintziako euskaldunen artean zubiak eraikitzeko helburuarekin sortua. Eusko Ikaskuntzaren sostengua du egitasmoak, eta Baionatik, Maialen Zamponik zuzentzen du eusko-diaspora.com webgunea. Bertan ikusgai dira dagoeneko munduko euskaldunei buruzko dokumental saileko aurreneko atalak: Quebec, New York eta Buenos Aires. Audrey Hoc zinemagileak eginak dira, Kanaldude telebistarekin lankidetzan. Diaspora berriari begiratu berria, merezi du bideoak ikustea!

Gehiago Irakurri…

2014ko Sanferminak Argentinako bazterretara ere iritsiko dira hainbat euskal eta nafar etxeren eskutik

2014ko Sanferminak Argentinako bazterretara ere iritsiko dira hainbat euskal eta nafar etxeren eskutik

Festek bertako kutsua ere izango dute erakunde askok jai berean uztailaren 9an oroitzen den Argentinako Independentziaren Eguna ere ospatuko baitute. Nolanahi ere, urtero bezala, aukera ederra izango da euskal eta nafar etxeentzat euren komunitateekin mundu osoan ezagunenetako bat den jaia ospatzeko. Ekitaldiak mota askotakoak izango dira eta gaur hasita astebetez luzatuko dira.

Gehiago Irakurri…

Aurten Diasporan piztuko da Sanferminetako txupinazoa, Londresko "entzierrotik" Brasilgo Sao Firminora

Aurten Diasporan piztuko da Sanferminetako txupinazoa, Londresko "entzierrotik" Brasilgo Sao Firminora

Igande honetan, uztailaren 6an, nazioarteko begirada Iruñeako Udaletxearen plazara zuzenduko da, 2014ko San Fermin festen txupinazoaren zain. Diasporan, aldiz, aurten lehenxeago abiatuko dira jaiak, asteburuan zehar, batez ere larunbatean, egingo baitira santu nafarraren ohorezko ekitaldiak. Londresen, esaterako, London Basque Society elkarteak gertu du dena larunbatean festa "entzierro" eta guzti ospatzeko. Jarraian, nazioartean euskaldunek egingo dituzten San Fermin jaien berri emango dugu (Argentinakoak beste artikulu batean, bihar).

Gehiago Irakurri…

"Erakundearen une bikainean" ospatuko du Buenos Aires hiriko Euskaltzaleak-ek bere 70. urteurrena

"Erakundearen une bikainean" ospatuko du Buenos Aires hiriko Euskaltzaleak-ek bere 70. urteurrena

1944tik da Euskaltzaleak Buenos Airesko euskaltegi eta gau-eskola. Aurten 70 beteko ditu, beraz, langintza horretan, eta urtebetetze-afaria datorren uztailaren 15ean egingo du Balvanera auzoko Lalin Zentroan. Elkarretaratzean, euskaltegiaren jardunbidea erakutsiko duen bideo bat proiektatuko du eta kantu, musika eta dantza saioak eskainiko dituzte etxeko tailerretako kideek. Urtemuga ospatu aurretik, hala ere, zine zikloarekin jarraituko du Euskaltzaleak-ek bihar, ekitaldi berean, segidan, San Fermin ospatuz.

Gehiago Irakurri…

Error exceptions.KeyError on here/portlet_gaiak/macros/portlet: 'noticias_eu'
 

bisita