Hemen zaude: Hasiera Noticias Internauten ekarpenek emango diote segida Jon Arretxe idazlea sarean idazten hasi den lehen euskal wikinobelari

Internauten ekarpenek emango diote segida Jon Arretxe idazlea sarean idazten hasi den lehen euskal wikinobelari

2006/04/26

Astelehen honetaz geroztik sarean da wikinobela, Deustuko Unibertsitateko Filosofia eta Letretako Fakultateak bultzatutako ekimena. Wikipedia entziklopedia irekiaren ereduari jarraiki wikinobela jendearen ekarpenekin idazten den eleberria da. Oraingoan hiru wikinobela jarri dituzte sarean, euskaraz, gaztelaniaz eta ingelesez, bakoitzaren hasierako lerroak idazle ezagun batek idatzi dituelarik. Euskarazkoak 'Burdinbidez' izenburua du, eta Jon Arretxe bidaiari eta idazle basauriarrak hasi du. Dagoeneko 3.000 bisitari bildu ditu proiektuak.

Deustuko Unibertsitateak jarri du sarean wikinobela ekimena, hiru idazle ezagun laguntzaile hartuta. Jon Arretxe basauritarrak euskarazkoari ekin dio, 'Burdinbidez' eleberriaren lehen lerroak idatziz. Espido Freire idazle bilbotarra da ingelesezko wikinobelaren lehen idazlea, Time runs away izenburua eman diolarik. Azkenik Juan José Millas valentziarrak hartu du gaztelerazko eleberri birtuala hasteko enkargua, Vidas prodigiosas izenburupean. Astelehen honetatik eta uztailaren 24a arte interneteko erabiltzaileek eleberri hauen idazkuntza prozesuan parte hartu ahal izango dute, erregistratu eta beraien ekarpenak idatziz.

Ekimenaren arduradunek agertu dutenez, wikinobela talde sorkuntzarako gune ireki, eleanitz eta ez-lineala da, interneteko erabiltzaileen parte hartzea eta ekarpena behar-beharrezkoak dituena. Eleberriak, garatzen doazen ahala irakur daitezke besterik gabe, edo nahi izanez gero norberak bere lerroak gehitu ditzake. Proiektuak harrera ona eduki du eta bere lehenengo egunetan 3.000 bisitatik gora jaso ditu webguneak.


Lotura interesgarriak

Wikinobela, euskarazko lehen eleberri birtuala
www.wikinovela.org

Jon Arretxeren bibliografia
Literaturaren Zubitegian

'Zaldi Ero idazleekin', euskal idazleen argazkien webgunea
www.armiarma.com-en
Komentarioa gehitu

Komentario bat gehitu zenezake formularioa betata

(Beharrezkoa)
Esaiguzu zure izena
(Beharrezkoa)
(Derrigorrezkoa)
(Derrigorrezkoa)
(Beharrezkoa)
Erantzun galderari aurrera jarraitzeko:

Zenbat dira hiru gehi bi? (idatzi zenbakiekin)

Internauten ekarpenek emango diote segida Jon Arretxe idazlea sarean idazten hasi den lehen euskal wikinobelari

Jon Arretxe idazle basauriarrak eman dio hasiera euskarazko lehen wikinobelari (Zaldi Ero argazkia)

E-postaz harpidetu albisteetara

bisita