euskalkultura.com

euskal diaspora eta kultura

Albisteak rss

Pariseko Euskal Etxea 60. urteurrena ari da ospatzen; gaur, Benito Lertxundi kantariak kontzertua emango du

2016/02/05

Benito Lertxundi kantari oriotarrak kontzertua emango du gaur Le Trainon aretoan

Pariseko Euskal Etxea bere 60. urtebetzea ari da ospatzen aurten, eta makina bat jarduera prestatu ditu horretarako. Iragan asteburuan hasi ziren ospakizunak, eta gaur, esaterako, Benito Lertxundi kantari ezagunak kontzertua emango du Parisen, euskal etxeak gonbidatuta. Bihar Sagardotegi Gaua egingo da eta etzi, igandean, elkarteko konpartsa Pariseko kaleetara aterako da Inauteriak ospatzera.

Gehiago irakurri...

PUBLIZITATEA

Zingirako Euskaldunak Euskal Etxeak antolatutako 2016ko Udalekuaren irudiak, urte osoan gozatzeko

2016/02/05

2016ko Chascomuseko Udalekuan parte hartu zuten neska-mutilak (argazkia Victoria Paulsen)

Urtarrilaren lehenengo egunetan egin bazen ere polita da argazki esanguratsu batzuk eskura izatea, noizean behin, urtea aurrera joan ahala, berriro begiratu ahal izateko. Batez ere ekintzak ondo asko merezi duenean. Euskalkultura.com-en artikulu honetan 2016ko Udalekuaren argazki galeria partekatu dugu gure irakurleekin.

Gehiago irakurri...

PUBLIZITATEA

“Txorizoa da txapelketa honetako nagusi bakar eta anitza, jendeak erabilitako errezeta desberdinei esker”

2016/02/05

Ilusio handiz jarraitzen du John Belzak bere aita eta lagunek, duela berrogei urte, hasitako txorizoaren inguruko jaialdia (Argazkia: J.B.)

Kalifornian euskaldunek txorizoaren inguruan antolatutako elkarretaratze bat da. Izan ere berrogei urte beteko ditu, heldu den asteburuan, Yuba City-ko (Kalifornia, AEB) Txorizo Lehiaketak. Familia eta lagunarteko plana izatetik 250 pertsona baino gehiago biltzen dituen txapelketa izateraino, hainbat fase iragan ditu sukalde norgehiagoka honek, “eta hazten jarraitzen du”, esan dio EuskalKultura.com-i John Belza antolatzaileak.

Gehiago irakurri...

PUBLIZITATEA

Eder Montero bilbotarraren Txikito jatetxeak San Blas kordoien ohitura ekarri du New Yorkeraino

2016/02/04

Txikito jatetxearen logoa

Eder Montero sukaldari bilbotarra arrakastatsu ari da lanean New Yorken eta laugarren jatetxea ireki berri du, bere kide Alex Raijrekin. Udaberrian euskal sukaldaritzari buruzko liburu bat argitaratuko dute, eta bien bitartean, Euskal Herriko ohiturak New Yorken zabaltzen ari dira. Atzo, esaterako, bezeroen artean banatu zituzten San Blas kordoiak, tradizioak dionez, gripe eta katarroetatik babesten dutenak.

Gehiago irakurri...

PUBLIZITATEA

Parte hartu EuskalKultura.com-en zozketan eta etxeratu liburu bat edo Maral, Kalakan edo Xiberoko dantzen CDa

2016/02/04

Lau zozketagaiak: Kalakan eta  Maral-en CDak; Boiseko euskaldunei buruzko liburua; Xiberoko CD bikoitza (argazkia EuskalKultura.com)

Garaiz zabiltza oraindik, baina ez zazu azken egunerako utzi. EuskalKultura.com-ek zozketa berria antolatu du bere irakurleen artean, oraingoan hiru CD eta liburu bat zozketatuz. Lehenengo CDa, Maral talde euskal-argentinarraren azkena da, hainbat euskal kantu tridizional bildurik; bigarrena, Kalakan taldearen azkena; hirugarrena --bi CDko bilduma-- Xiberoko jauziena; eta, azkenik, liburua, ingelesez, Boiseko euskal ondarea aipagai hartzen duena. Parte hartzeko, aski duzu email bidaltzea, beherago adierazten dizkizugun jarraipideak gogoan. Zorte on!

Gehiago irakurri...

PUBLIZITATEA

Baita ere ...

Albiste gehiago...

Jatetxeen gida

Laurak Bat

Buenos Aires, Argentina

Oroimenean

PUBLIZITATEA

Besteek esana

PUBLIZITATEA

Blogak

Azken komentarioak

Euskaletxeak.net

Blogak

prev next

© 2014 BasqueHeritage S.L.

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia