euskalkultura.eus

2011/11/01 - Lima, Peru

Kanpoko Euskal Gizataldeen V. Mundu-Batzarrak une bat hartu zuen azaroaren 2an Victor Ortuzar laguna, Limako Euskal Etxeko lehendakaria, gogoratzeko, hain zuzen ere bezperan hil baitzen Peruko hiriburuan. Euskal elkarte limatarreko lehendakariorde Raul Noblecillak hitz gozoak izan zituen Batzarrera bildutakoen aurrean harek egindako lana eta utzitako arrastoa goraipatu eta laudatzeko.

Victor Ortuzar 2011eko azaroaren 1ean hilo da Liman, herrialdean hainbat urtez bizi ostean. Bilbon jaioa zen, 1939ko irailaren 11ean, eta itsas merkataritza gizona zen, hala ibilia zen mundu osoan, Limara 22 urterekin iritsi zen lehen aldikoz. Gero segituko zuen han-hemenka eta besteak beste Euskadin, Estatu Batuetan, Madrilen eta Afrikan aritu zen, 1980ean behin-betirako Perura etorri arte, bertan arrantzu-negozioan ibili eta eraikuntza alorreko enpresari ere izan zelarik.

Limako Euskal Etxeko egungo lehendakari, 1986an Limako Euskal Etxea sortu zutenetako bat izan zen. Marta Perez Gonzalezekin ezkondua, hiru aitaren aita zen, Victor, Juan Carlos eta Ignacio. Goian Bego.


(argazkia, Limako Euskal Etxea-Deia)