Jose Luis Alvarez Enparantza Txillardegi soziolinguista, idazle eta pentsalariaren obra osoa digitalizatu du Jakinek, Gipuzkoako Aldundiaren sinatutako hitzarmenaren ondotik. 55 urtetan argitaratu zuen Txillardegik: lehen argitalpena 1956koa da, eta azkena, 2011koa. Aldundiak emandako datuen arabera, argitaratutako 1.634 idazlan katalogatu dituzte: 40 liburu eta 1.352 artikulu. Aldundiaren arabera, digitalizazioarekin, Txillardegiren obra osoa herritarren eskura dago, "ezagutua, zabaldua, kontsultatua eta ikertua izan dadin".
"Gaitegia zabala du oso: euskara, soziolinguistika, hizkuntza minorizatuak, euskalgintza, hezkuntza, nazio arazoa, sozialismoa, esistentzialismoa eta beste". Txillardegik berak idatzitakoez gainera, haren inguruan idatzitakoak, hari egindako elkarrizketak eta bere liburuen kritikak ere digitalizatu dituzte. Guztira, 1.984 idazlan eta 23.591 orrialde daude digitalizatuta. "Digitalizazio lanak testuen ezagutza, arakatzea, identifikatzea, bilatzea, lortzea, digitalizatzea, txukundu eta zuzentzea, eta thesaurus propio baten araberako, bilatzaile berariazko eta eraginkor batekin hornitzea suposatzen du".
Lagun bati bidali
Komentarioa gehitu
