euskalkultura.eus

Leioa, Bizkaia. Domina hori da Filipinetako Errepublikak atzerritar bati ematen dion kondekoraziorik handiena, eta horren bidez UPV-EHUk Euskadi eta Asiako herrialde honen arteko harreman akademikoak sustatzen egindako lana aintzat hartzen du. Izan ere, 2006 eta 2007an UPV-EHUk aldebiko hitzarmenak sinatu zituen Filipinetako lau unibertsitaterekin --Manilako Ateneo Unibertsitatearekin, Nueva Vizcaya Estatuko Unibertsitatearekin, Aldersgate College-ekin eta Saint Mary’s University-rekin-- ikasleen eta irakasleen mugikortasuna sustatzeko. Hitzarmen hauek UPV/EHUren nazioartekotze prozesuan kokatzen dira.

UPV/EHU eta Filipinetako lau unibertsitateen arteko ikasle trukeak aurtengo ikasturtean hasi ziren eta datorrenean jarraituko dute, gradu zein graduondoko ikasketetan. 2008-09 kurtsoan ere irakasle filipinarrak Euskal Herriko Unibertsitatean egonaldiak egiten hasiko direla aurreikusita dago.

[Juan Ignacio Perez EHUko errektorea domina jasotzerakoan]

Euskal aztarna Filipinetan

Bestalde, UPV/EHU Filipinei buruzko ikasketa eta zabaltze lana egiten hasi da hainbat gairi buruz, adibidez, Filipinetan bizitako euskal komunitateari buruz. Ikerketa Letren Fakultatean egiten ari da. Halaber, UPV/EHU antolatzaile eta kolaboratzailea da Andrés de Urdaneta esploratzaile eta erlijioso agustindarraren bosgarren mendeurrenaren inguruan egindako aktibitate batzuetan.

Urdanetak aurkitu eta dokumentatu zuen Filipinetatik Acapulcorako ibilbidea Ozeano Barean zehar, Urdanetaren Ibilbidea edo “tornaviaje” gisa ezagutzen dena. Donostiako XXVII Uda Ikastaroetan, UPV/EHUk Urdaneta 500-Ordiziako Udala Batzordearekin batera ‘Las rutas marítimas en la globalización: el tornaviaje de Urdaneta’. Ikastaroa uztailaren 21, 22 eta 23an egingo da Donostiako Miramar Jauregian eta Ordizian.