euskalkultura.eus

euskal diaspora eta kultura

Albisteak rss

Mallorcako Euskal Etxeak ekimen ugarirekin amaituko du ekaina: planetariumera bisita, txikien festa, txangoak...

2008/06/19

Mallorcako Artea Euskal Etxeko kideek elkartearen 1o. urteurrena ospatu zuteneko irudia (argazkia Mallorcako Euskal Etxea)
Mallorcako Artea Euskal Etxeko kideek elkartearen 1o. urteurrena ospatu zuteneko irudia (argazkia Mallorcako Euskal Etxea)

PUBLIZITATEA

Mallorkako Artea Euskal Etxeak hilabete aktiboa izaten ari da eta ekaina tenore onean bukatu asmoz hainbat ekitaldi antolatu ditu azken hamabostaldi honetarako ere. Bihar 'Observatori Astronomic de Mallorca'-ra bisita egingo du eta partaideek udako konstelazioei buruzko hitzaldiak entzun ahal izango dituzte, San Juan gauerako prestatzeko asmoz. Etzi gaztetxoek haur festa batekin gozatu ahal izango dute euskal etxearen egoitzan eta hilaren 28an Arteako bazkideak Sollerrera abiatuko dira bertako ondare hidraulikoa ezagutzeko. Ekaineko jarduerei bukaera emanez, hilaren 29an elkarteko II. Igel Txapelketa egingo dute.

Palma, Mallorca. Artea Euskal Etxeko bazkideek bihar Mallorcako Observatori Astronomic-era egin behar duten bidaiaren irteera 19:00etan izango da. Planetariumean, 20:30etan hasita, partaideek urtaroei buruzko astronomia hitzaldi batean parte hartzeko aukera edukiko dute. Ekitaldia ostean, udako solstizioaren ezaugarri batzuk aztertuko dituzte. Bisita 22:30etan amaituko da udako konstelazioei buruzko azalpen batekin. Euskal Etxeko bazkideek doan sartu ahal izango dute.

Etzi Artea Euskal Etxeko gazteen txanda izango da: 18:00etatik aurrera gazteluak, animatzaileak eta askari batekin haur festa ospatuko dute. Bestalde, hilaren 28an Sollerera txangoa egingo dute, bertako ondare hidraulikoa ezagutzeko. Irteera 10:00etan izango da Son Hugoko autobusean. 14:00ak aldera, partaideek Mallorcako herrian geldialdia egingo dute bertako jatetxe batean bazkaltzeko eta jarraian, Museu Balear de Ciències Naturals-era abiatuko dira. Hiribururako itzulera 18:00etan egingo da gutxi gorabehera. Bidaiaren prezioa 15 eurokoa da eta interesa dutenek datorren asteartea baino lehen eman beharko dute izena.

Ekaineko jarduera programarekin amaitzeko Artea Euskal Etxeko arduradunek Igel Txapelketaren bigarren edizioa antolatuko dute hilaren 29an. Jokoan parte hartu nahi dutenek 645135766 (Mari Cruz) edo 617948044 telefonoetara deitu, edo hona idatz dezakete.


Lotura interesgarriak

Mallorkako Artea Euskal Etxea
http://euskaletxeakmallorca.com/



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia