Villa Maria, Argentina. Azaroaren 27tik abenduaren 1era luzatu da aurten Cordoba probintzian Villa Mariako Euskal Kultur Astea,. Egunero proposamen ezberdinak eskaini dizkio Euskal Etxeak komunitateari eta guztiak arrakastatsuak gertatu dira oso. Astearen programari hasiera emateko, diabeteari buruzko hitzaldia eman zuen Nuria Reynoso sendagileak Euzko Etxea-ren instalazioetan.
Azaroaren 28an, Mus eta ‘Truco’ txapelketa jokatu zen, jokalari ugarirekin. Txapeldunak Martin Barrenechea eta Leonardo Negrini izan ziren. Programari gastronomia alorreko segida emanez, legatz budina eta arrozesnea nola prestatu irakatsi zuen Maria Luisa Ormazabalburu izan zuen sukaldaritza tailerrean.
Asteko azken bi egunak musikaren eta dantzen erritmoan mugitu ziren. La Platatik propio etorritako Ane Arandia Morgaetxebarriak trikitixa tailerra eman zuen.
Eta 62. Kultur Astea ixteko, Etxeko abesbatzak emanaldi bat eman zuen, bertako dantzariek agur afaria animatu zutelarik.
Lagun bati bidali
Komentarioa gehitu
