euskalkultura.eus

euskal diaspora eta kultura

Albisteak rss

'Venus-en xarma eztia' izeneko talde-erakusketa zabalduko bihar Mexiko Hiriko Euskal Etxeko galerian

2011/04/04

Mexiko DFko Euskal Etxean bihar zabalduko den erakusketako afixa
Mexiko DFko Euskal Etxean bihar zabalduko den erakusketako afixa

PUBLIZITATEA

Bihar asteartea, apirilaren 5ean, arte erakusketa bat zabalduko dute Mexiko Hiriko Euskal Etxean, 'Venus-en Xarma eztia' izenpean, 'Summa de Talentos'ek deiturik. Erakusketak 43 lan bilduko ditu Euskal Etxeko erakusketa aretora, egile zein belaundi eta estilo diferentetakoak. Margolarien artean, baztandar jatorria duen Lourdes Arretxea ere topa daiteke, euskal jatorrizko pintore mexikarra, duela hilabete gutxidanik euskal etxe mexikarreko lehendakari dena. Inaugurazio ekitaldia bihar 19:30etan izango da Aristoteles 239 kalean, Homero eta Horacio artean, hiriburuko Polanco kolonian.

Mexiko Hiria, Mexiko. Arte erakusketa bihar arratsaldez izango da, eta bertara euskal etxeko bazkide eta lagunekin batera, orohar artean interesa duen publiko orokorrari ere luzatu zaio gonbitea. 'Venus-en xarma eztia' kultur ekintza berrien zikloaren baitan kokatzen da eta sarrera librea du.

Oro har, bederatzi dira lanak erakusgai ipiniko dituzten egileak --Adriano Silva Castañeda, Alejandro Quijano, Javier Padilla, Blanca Charolet, Lourdes Arretxea, Mario Reyes, Adriano Silva Pantoja, Yolanda Quijano eta Bruno Reyes-- eta bakoitzak bere ezaugarri, ikuspuntu, garai eta eskolatik aztertu du Venusen gaia, emaitza zinez desberdinak ekarriz.

Lanak, margolanak zein argazkiak dira, orotara 43, bihartik aurrera ikusgai Mexiko Hiriburuko Euskal Etxeko Arte Galerian.



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia