euskalkultura.eus

Caracas, Venezuela. Datorren igande honetan, abuztuak 2, Caracaseko Eusko Etxeak hilabetero lehenengo igandearekin batera egin ohi duen hildako bazkide eta lagunen aldeko meza egingo du, kasu honetan Juan Calvo eta Juan Boterhorn ekarriko dituela oroimenera.

Aste honetan San Ignazio eguna izanik, Gipuzkoa eta Bizkaiko patroi edo zaindaria bera, igande honetako mezak San Ignazio izaera hartuko du ber denboran. Meza-emale aita Pedro Galdos josulaguna izango da. Funtzio erlijiosoaren ondotik, San Ignazio bazkarirako deia egin du Eusko Etxeak, aldi honetako menu berezia honakoa izango delarik: (atariakoak) Kroketak eta Gazta, krema eta antxoa ogi txigortua; (sarrerak) 'Vuelve a la vida'; (plater nagusia) Arrain xerra bizkaitar erara, Tripakiak, Zerri solomoa ekialde saltsan; (mahaiburukoak) Euskal pastiza, 'Parchita' mousse-a.