euskalkultura.eus

Oporretara joan da Valladolideko Gure Txoko Euskal Etxea, baina udaran ateak itxi baino lehen azken jarduera bat egin zuen ekainean, San Juanetako bazkari bat. Aurretik, koruak ikasturteko azken emanaldia egin zuen Toro hirira egin zuen txangoan. Koruak kantaldia eman zuen Toroko San Julian elizan, eta emanaldiaren ostean bazkaria egin zuten elkarteko bazkideek, inguru horretako ardo ezagunak dastatuz. 

Valladolid, Espainia. Valladolideko Gure Txoko Euskal Etxea oporretan da dagoeneko, baina udarako etenaldia egin aurretik elkartearen azken jardueren berri eman zion EuskalKultura.com-i. Aurreneko jarduera Toro hirira eginiko bisita izan zen, "Edades del hombre" erakusketaren aitzakian. Gure Txokoko koralak kantaldia eskaini zuen Toroko San Julian elizan, eta horren ostean, elkarteko bazkideek bazkaria egin zuten Farola upategian, zonalde honetako ardo ezagunak dastatuz. 

Bestalde, ekainaren 24an elkarteak San Juan Eguna ospatzeko bazkaria egin zuen.