euskalkultura.eus

euskal diaspora eta kultura

Albisteak rss

Uruguaiko euskara ikasleek Montevideon ospatu zuten Euskararen Eguna, jolas, musika eta irri artean

2014/12/16

Lagun asko bildu ziren Montevideoko Centro Euskaro elkartera Euskararen Eguna ospatzera (argazkia uruguaikoazkenberriak.blogspot.com.es)
Lagun asko bildu ziren Montevideoko Centro Euskaro elkartera Euskararen Eguna ospatzera (argazkia uruguaikoazkenberriak.blogspot.com.es)

PUBLIZITATEA

Euskararen Nazioarteko Eguna joko eta irri artean ospatu zuten Uruguaien Montevideo eta San Jose hiriko euskara ikasle eta irakasleek. Centro Euskaro elkartean egin zuten festan 30 bat lagun bildu ziren eta giro bikainean gozatu zuten egunaz. Uruguaiko euskara irakasle Andrea Bellak argazki sorta ederra jarri du "Uruguaiko azken berriak" blogean. Euskaraz idazten du blog hau Andrea euskal-uruguaidarrak, anima zaitezte eta utziozue iruzkinen bat!

Montevideo, Uruguai. Iragan abenduaren 4an ospatu zuen Euskararen Nazioarteko Eguna Uruguaiko euskara ikasle eta irakasle talde zabal batek, hiriburuko Centro Euskaro euskal etxean bildurik. Bertan izan zen ere Enrique Poittevin, FIVU Uruguaiko Euskal Etxeen Federazioko presidentea. Eguna euskara ospatzeko eta praktikatzeko aukera bikaina izan zen eta horretarako jokoak eta jarduerak prestatu zituzten antolatzaileek.

Andrea Bella irakaslearen "Uruguaiko azken berriak" blogetik jaso ditugu jarraian datozen argazkiak. Blogean irudi gehiago dituzue ikusgai eta baita Uruguaiko euskara ikasle eta euskaltzale talde bizi-bizi honen beste ekitaldien berri. Euskaraz idazten du bloga Andreak, eta gure ustez horixe da euskara ospatu eta gozatzeko erarik onena!

 


Argazki galeria



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia