euskalkultura.eus

euskal diaspora eta kultura

Albisteak rss

Txileko Euskal Abesbatzak Nazaret-eko Andra Maria kapera bisitatu eta meza eskaini dio Balendin Berriotxoari

2010/07/26

Txileko Euskal Abesbatza joan den urtean Elorrion, Balendin Berriotxoaren gorputza gordetzen den
Txileko Euskal Abesbatza joan den urtean Elorrion, Balendin Berriotxoaren gorputza gordetzen den

PUBLIZITATEA

Harreman berezia daukate Txileko Euzko Etxeko Euskal Abesbatzak eta Balendin Berriotxoa santuak eta testuinguru horretan hiriburu txiletarreko gizonezko koral honek bisita egin zion joan den uztailaren 4ean Nazaret-eko Andra Mariaren kaperari, Las Condesko Colon 9090 helbideko komunitatean, eta meza kantatu zuen bertan santu bizkaitarraren omenez. Harreman berezi hori indartu egin zuten euskal-txiletar kantariek joan den urtean Euskal Herrira egin zuten bidaian Elorrio bisitatu eta bertako basilikan, santuaren gorpuzkinak gordetzen diren aldareraino iritsi zirenean. Urtero Balendin Berriotxoaren inguruan meza eta egun bat ospatzen dute Txileko Santiagon korukideek.

Santiago, Txile. Maria Angelica Carrasco eta Ignacio Bastarrica senar-emazteek egiten duten Santiagoko Berriketari albistariak bere azkeneko alean biltzen duenez, hiriburu txiletarreko Euzko Etxearen aterpean bizi den Euskal Abesbatzak joan den uztailaren 4ean bisitatu zuen Nazareteko Andra Mariaren kapera eta meza kantatu eta eskaini zion Balendin Berriotxoari.

Taldea urtero hurreratzen da komunitate honetara eta hamaiketako moduko bat eskaintzen die bertaratzen direnei. Aurtengoan, korukideekin batera, Santiagoko Euzko Etxeko Zuzendaritza Batzordeko kide batzuk ere inguratu ziren et baita euskal elkarteko 'Itxaropen Gaztea' dantza taldeko bi dantzari ere, azken hauek Aurreskua dantzatu zutelarik bildutako jendearen aurrean.

Eguneko pasadizo berezia Euskal Abesbatzak kaperari egindako opari baten inguruan etorri zen, taldea 2009an Euskal Herrian bisitari eta kantari ibili zenean besteak beste Balendin Berriotxoaren gorpuzkinak dauden Elorrioko Basilika bisitatu baitzuen eta bertatik ekarritako santuaren bizitzari buruzko liburu baten doaitza egin zion kaperari.

Balendin Berriotxoa lehenengo santu bizkaitarra da, martiria, Vietnam-go Tonkinen, misiolari zebilela harrapatu eta hil baitzuten fede katolikoa eta ohitura atzerritarrak bertan zabal ez zitezen nahi ez zuten bertakoek.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia