Txalapartaren erritmoek Washington DCko Euskal Etxeak larunbatean ospatu zuen Aberri Eguna edertu zuten

2011/05/10

Haurrak txalapartarekin jolasean (WashingtonEE argazkia)

PUBLIZITATEA

Estatu Batuetako hiriburu federalaren erdialdean dagoen Rock Creek Parkea bilakatu zen Washingtongo Euskal Etxekoen Aberri Eguneko festaren gertaleku, joan den larunbatean, maiatzaren 7an. Bostgarren urtez segidan ospatu du euskal etxe gazte honek Berpizkunde Igandeko euskal abertzaleen festa, euskal musika, janaria eta piknik motako aire libreko elkarretaratze giroan. Kideetako batek txalaparta ere eraman zuen, eta helduek eta bereziki haurrek denbora goxoa pasatu zuten egurrei erritmoak ateratzeko orduan. Kluba txikia bada ere, bazkidegoa handitzeko esperantza daukate elkartekideek: aurten bi familia gehiago lortu dituzte.