euskalkultura.eus

New York, AEB. Txikifest izena paratu diote eta bertan txakolinaren berri emango da, esanez, besteak beste, nazioarteko sukaldaritzako hainbat jakirekin uztar daitekela. Definizio bat ematerakoan, txakolina alkohola gutxi daukan ardo zuria dela, udaberriko ardoa, esango da. Ekitaldi honetatik lortuko den dirua, epilepsia gaitzaz arduratzen den FACES erakundea laguntzeko izango da.

Ekimenean parte hartuko dutenek zenbait jatetxetako platerak dastatzeko aukera izango dute. Kolaboratzaile izan dira Co.-ko Jim Lahey, Edi and The Wolf & Seäsonal-ko Wolfgang Ban eta Edi Frauneder, Hurricane Club-ko Craig Koketsu, La Newyorkina-ko Fany Gerson, Lassi-ko Heather Carlucci-Rodriguez, Poole's Downtown Diner-ko Ashley Christensen, Taim/Taim Mobile-ko Einat Admony eta Stefan Nafziger; eta El Quinto Pino-ko nagusi ere badiren Alex Raij eta Eder Montero.

Txakolinari dagokionez, dastagai eskainiko diren etxe eta markak izango dita: Ameztoi, Uriondo, Xarmant, Itsas Mendi, Gorka Izagirre, Gurrutxaga Doniene Gorrondona, Txomin Etxaniz, Berroia, Talai Berri eta Ulacia; eta baita sagardo etxe bat ere, Tolosako Isastegi.

Parte hartu nahi dutenentzat, leku kopuru mugatua dago, beraz merezi du lehen bait lehen izena ematea. Sarrerek 45 dolarreko prezioa daukate eta hemen lor daitezke. Sarrerak eskubide ematen du Txikifest Txakolin edalontzi bat zeureganatzeko eta bertan eskainiko den txakolinak eta janari guztia dastatzeko aukera. Despaña Brand Foods eta Kukuxumusu etxe kolaboratzaileen sariak irabazteko aukera ere egongo da. 

-Artikulua Eder Monteroz New York Times-en, hemen
-Artikulua Eder Monteroz El Correon, hemen