euskalkultura.eus

Tres Arroyos, Argentina. Barrow-ko INTA CHEIko parte eta 'Cambio Rural' izeneko programaren baitan, geroztik lan-talde bat sortu duen lehenengo lan-bilera bat egin zen joan den azaroan Tres Arroyosko Hiru Erreka Euskal Etxearen egoitzan, Natalia Cubiatebeherek deiturik eta haren aholku profesionala lagun. Inguruko landa-turismoa suspertu eta komunitateak dauzkan balioak azaleraziz eskaintza eta proposamen berriak sortzea zen Cubiatebeherek euskaldunei aurreratzen zien erronka.

Zortzi hilabete geroago, lehenengo emaitzak hilabete honetarako egin den lehenengo deia argitu dute, izan ere 'Udal interesekoa' izendapena lortzeko bidean den ekimen honek egunpasa berezi baterako deia luzatu du ekainaren 27rako, igandea, Tres Arroyosko historia eta aitzinamenduan pertsona garrantzitsua izan zen Juan Bautista Istilart lapurtarraren inguruan, harek sortu, garatu eta ikutu zituen eta harekin harremanetan egon ziren tokiak bisitatuz bisita gidatu batean eta euskal kulturari lotutako proposamena eginez egun horretan Tres Arroyosera hurreratu nahi duten guztientzat.

'Pampa Euskalduna' eta Istilart: euskal turismoa Argentinan

'Pampa Euskalduna' ekimenak aipatu tour-a proposatzen du igande horretan hirian zehar Istilart euskaldunaren pausoei segituz. Hori egin nahi dutenentzako autobusa Hiru Erreka Euskal Etxearen egoitzatik abiatuko da goizeko 10:30etan, herriko Quimera Viajes agentziak koordinatuta. Eguerdiz bazkaria eskainiko da eta eskaintza argazki-erakusketa bat, euskal dantzen erakustaldia eta Euskal Herriari buruzko proiekzio bat bilduko dituen programarekin osatuko da. Bertaratzen direnen artean bidaia bat zozketatuko da, Quimera Viajes-en eskutik.

Egunpasarako txartelak 65 peso balio titu. Leku kopurua mugatua da. Tiketak Hiru Erreka Euskal Etxean eros daitezke (Sarmiento 387), tel: 02983-421121, horretarako azkeneko eguna ekainaren 18a izango delarik.