euskalkultura.com

euskal diaspora eta kultura

Albisteak rss

Elite Traveller-ek bost euskal jatetxe sartu ditu munduko 100 onenen artean, Eneko Atxa izendatuz 2015eko chef gaztea

2015/04/24

Eneko Atxa munduko 2015eko chef gazte onena hautatu du Elite Traveler aldizkariak

Plazaratu berria du Elite Traveller gastronomia eta bidaia aldizkariak munduko goi jatetxe onenak azpimarratuz ateratzen duen zerrenda. "Munduko 100 goi jatetxe onenen zerrenda"k bost euskal izen baitaratzen ditu bere 2015eko edizioan, lau Euskal Herrian eta bat Mexikon: Azurmendi (3), Mugaritz (28), Biko (36), Martin Berasategui (63) eta Arzak (67). Horrekin batera, aldizkariak Larrabetzuko (Bizkaia) Azurmendi jatetxeko Eneko Atxa izendatzen du munduko chef gazte onena.

Gehiago irakurri...


"Zazpi aldiz elur" antzezlanak Mikel Laboaren musikaz beteko du Castelló-ko Jaume I Unibertsitateko Paraninfoa

2015/04/24

"Zazpi aldiz elur (Mikel Laboa elurretan)" antzezlana (argazkia Tanttaka)

Tanttaka konpainiak "Zazpi aldiz elur (Mikel Laboa elurretan)" antzezlana aurkeztuko du gaur Castelló-ko Jaume Igoa Unibertsitatean. Lan honetan Mikel Laboa euskal kantari eta musikari mitikoaren abestiak, ideiak eta ondarea dira ardatz, Bernardo Atxagaren gidoiarekin. Mireia Gabilondo da zuzendaria.

Gehiago irakurri...


Apirilan zehar eta mota askotako ekitaldietara deituz ospatu da Aberri Eguna Argentinako euskal etxeetan

2015/04/24

Mar del Platan irailaren 12an egin zen Aberri Eguneko ekitaldia (argazkia EE)

Euskal Herriarekiko atxikimendua adierazi dute aurten ere Argentinako hainbat euskal etxek Aberri Eguneko ospakizunen baitan. Proposamenak ugari eta ezberdinak izan dira eta kasu batzuetan euskal egoitzen barruan ospatu den bitartean, beste batzuetan kalean eta komunitateari begirako aktibitateak izan dira. Datozen lerroetan, eta ugari izan diren ekitaldi eta elkarretaratzeen adierazgarri, Aberri Eguneko ospakizun horien irudi hautu batzuk bildu ditugu, gure eskura apiril hastapenetik iritsirik.

Gehiago irakurri...


Bordeleko Euskal Etxea Frantzia naziengatik askatzen lagundu zuen Gernika Batailoiaren omenaldian izan zen

2015/04/23

Francisco Pérez Luzarreta, Gernikako gudarien artean bizirik gelditzen den bakarra; Amaia Ordoki, Kepa Ordoki komandantearen alaba, eta David Mugica, Bordeleko Euskal Etxeko presidentea (argazkia Bordele EE)

Iragan larunbatean, apirilaren 18an, omenaldia egin zieten Pointe de Grave-en 1945an bertan nazien aurka borrokatu zuten euskaldunei. Euskal gudariek Gernika Batailoia osatzen zuten, eta Frantziaren askapenean parte hartu zuten. Urkullu lehendakaria buru, euskal ordezkaritza handi batek parte hartu zuen ekitaldian, eta bertan izan zen ere Bordeleko Euskal Etxea.

Gehiago irakurri...


Pilar Sangroniz Shortsleeve, zientzilari forensea: "DNA eta hatz-markak topatzen saiatzen gara, baina ez gara poliziak"

2015/04/23

Utah-n jaiotako euskalduna, Pilar Sangroniz Shortsleeve kriminalista eta Utah-ko zientzilari forensea da, Zientzilari Burua Utah-ko Zerbitzu Forenseetan (argazkia PS-EuskalKultura.com)

CSIk eta antzeko telesailek berea bezalako ofizioak nabarmendu eta egiten duten ekarpena azaleratzeko balio izan dutela dio. Pilar Sangroniz Shortsleeve Utah-n jaiotako euskalduna da, lanbidez zientzilari forensea eta DNA eta hatz-markak topatu edota identifikatzea bere eguneroko laneko parte du. Besteak beste, gobernadoreak emandako Utah-ko Zientzia eta Teknologia Dominaren jabe da gure solaskidea; lanetik kanpo, txistularia da Utah-ko Triskalariak euskal dantza taldean, hainbat urtez dantza irakasle ere aritu ondoren.

Gehiago irakurri...


Argentinan Euskaraz ekimenaren 25. urteurrena ospatzeko urtea bukatu arteko egitaraua plazaratu du FEVAk

2015/04/23

Argentinan Euskaraz programaren 25. urteurreneko Logo Lehiaketaren diseinu irabazlea

Hamaika ekitaldi egingo dira abendura bitartean herrialdean zehar, euskara irakasle argentinarrak trebatzeko programaren 25. urteurrena ospatzeko. Hitzaldiak, elkarretaratzeak, lehiaketak eta jaiak ere antolatu dira, guztiak euskaraz edo euskararen inguruan. Proposamenak abiatu dira dagoeneko eta FEVAtik biziro animatzen dituzte ikasle eta irakasleak, euskararen alde lan egiten duen jendea eta publiko orokorra jardueretan parte har dezaten. 

Gehiago irakurri...


Bertsoak, Dylan eta Beatlesen doinuekin: "Bertshow" ikuskizuna AEBetan barrena ibiliko da abuztuan

2015/04/22

"Bertshow" ikuskizuneko taldekideak, saio batean (argazkia Bertshow)

Aurtengo uztail eta abuztuan AEBtan barrena ibiliko dira "Bertshow" proiektua osatzen duten 9 bertsolari eta musikariak, euskal etxeetan kontzertuak eta emanaldia eskaintzen. Euskal kultura Diasporari hurbiltzeko asmoa dute, baina ukitu berezi batekin. Hasteko, bertsotan egingo dute, baina kantu anglosaxoiak doinu hartuta (Let it be, Blowing in the wind). Taldea Jaialdin izango da, gero Oesteko kostaldean ibiliko da eta bidaia New Yorken amaituko du. Azken ekitaldiak lotzen ari dira; zure euskal etxean nahi badituzu, adi!

Gehiago irakurri...


Lagun Onak EEa euskara, euskal dantzak eta euskal sukaldaritza zabaltzen Pergaminoko Arte Noche Jaialdian

2015/04/22

Lagun Onak euskal etxeko kideak Pergaminoko Arte Noche delako jaialdian

Kanpoan eta komunitateari begira antolatzen den ekitaldia bere laugarren ediziora iritsi da aurten eta aurrekoetan bezala jendetza bildu zen jaigunera hainbat kultur adierazpenez gozatzera. Euskal etxearen partaidetzari dagokionez, zabala izan zen eta kale mailan zein oholtza gainean Euskal Herriaren ezaugarri alai eta koloretsuenak partekatu zituen publikoarekin. 

Gehiago irakurri...


61. urteurrena ospatu duen Bolivarreko Nafar Etxeak Zuzendaritza Batzordea berrituko du maiatzean

2015/04/22

61. urterren afarian, Zuzendaritza Batzordeko kide batzuk urtebetetze tartaren inguruan (argazkia NE)

130 bat lagun bildu ziren elkartearen urtebetetze jaira, etxeko abesbatzak eta dantza taldeak egunerako prestatutako ikuskizunaz gozatzeko. Orain, eta datorren hilabeteari begira, Zuzendaritza Batzordea berritzeko egingo duten Biltzarra ari dira prestatzen Bolivarreko Nafar Etxeko lagunak: “Garrantzitsua da jende berria eta gaztea erakartzea, erakundearen etorkizuna bermatzeko”, azaltzen dute instituziotik. 

Gehiago irakurri...


AEB eta Kanadako euskaldunak euren nagusien historia jasotzen eta gordetzen hasi dira Memoria Bizia egitasmoarekin

2015/04/21

Rita Etchepare elkarrizketatzen. Ritak 96 urte ditu eta Kaliforniako Patterson herrian jaioa da. Bere esanetan, "elkarrizketa hauek berandu izan baino lehen egin behar dira" (argazkia MemoriaBizia)

Memoria Bizia egitasmoaren helburua zera da: Ameriketara emigratu zuten euskaldunen testigantzak jaso, gorde eta zabaltzea; hau da, komunitatearen historia gordetzea. Horretarako, bolondres taldeak antolatu dira hainbat hirietan, eta hasiak dira dagoeneko euren nagusiei elkarrizketak egiten. Pedro J. Oiarzabal historialariaren esanetan, berebiziko garrantzia du komunitatea bera izatea Diasporaren memoria hau jaso eta kudeatzen duena. 

Gehiago irakurri...


© 2014 BasqueHeritage S.L.

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia