euskalkultura.com

euskal diaspora eta kultura

Albisteak rss

Bernardo Atxaga Guadalajarako Liburu Azokan izango da eta Mexiko DFko Euskararen Eguneko ospakizunetan parte hartuko du

2014/11/25

Bernardo Atxaga idazlea (argazkia www.etxepare.eus)

Mexikoko euskal komunitateak gonbidatu berezia izango du aurten Euskararen Nazioarteko Eguneko ospakizunetan: Bernardo Atxaga, egungo euskal idazlerik entzutetsuenetako bat. Atxagan Mexikon izango da datorren astean, Etxepare Euskal Institutuak gonbidatuta, Guadalajarako Liburuaren Nazioarteko Azokan parte hartzeko.

Gehiago irakurri...


Euskaldunen musika, dantza eta koloreak gailen Tandilgo bihotzean, bertako euskal etxearen 65. urteurren jaian

2014/11/25

Joan den azaroaren 22an izan zen Tandilgo Independencia Plazan Gure Etxea-ren 65. urteurren jaialdia (argazkia Ekin Dantzari Taldea)

Hiriko Independentzia Plazan bildu ziren euskal etxeko kideak eta hara bertaratu zen publikoa joan den larunbatean danborradak eta dantzak erakarrita. Ikuskizuna bukatzean, euskal etxean elkartu ziren gonbidatuak erromeriaz gozatzera. Tandilgo Gure Etxea-ren 65. urteurreneko programak datorren astean jarraituko du argazki erakusketa, hitzaldi eta Pilota Txapelketa batekin, egingo diren ekintzetako batzuk aipatzearren. 

Gehiago irakurri...


Koldo San Sebastian kazetariak "Euskal erbestea Ameriketan" liburua aurkeztuko du bihar Baionan

2014/11/24

Euskal errefuxiatuak erbesterako bidean, gerra zibilaren ostean

Eusko Jaurlaritzaren Urazandi bildumaren ale berri bat aurkeztuko dute bihar Baionako Euskal Museoan: "Euskal erbestea Ameriketan" liburua. Koldo San Sebastian idazle, kazetari, telebista ekoizle eta Diasporan adituak idatzi du eta bertan gerra zibilaren ostean Ameriketara erbesteratu ziren euskaldunen esperientzia jasotzen du, Jose Antonio Agirre lehendakariaren gidaritza azpimarratuz. 

Gehiago irakurri...


Sagardik sei jatetxe berri zabalduko ditu 2015ean Shanghai, Mexiko, Bogota, Londres, Praga eta Amsterdamen

2014/11/24

Sagardi taldeak 2008an zabaldu zuen Buenos Airesko Sagardi eta geroztik aurrera darrai bere nazioartetze planekin (argazkia Sagardi)

Mexiko eta Shanghaikoen obrak hasiak dira dagoeneko eta kasu horietan jatetxeak urteko lehenengo seihilekoan zabal daitezke, eta gainerakoak urtea bukatu arte. Beste 24 jatetxeren artean Sagardi taldeak Bartzelonako Euskal Etxea eta Madrilgo Euskal Etxea jatetxeak kudeatzen ditu dagoeneko. Iñaki Lopez de Viñaspre fundatzaile eta presidente duen taldeak 9 bat milioi euro inbertitu eta 240 bat lanpostu sortuko ditu sei jatetxe berriak zabaltzen dituenean. Une honetan 640 langile dauzka mundu osoan.

Gehiago irakurri...


Puerto Madryngo euskal erreferente den Etorritakoengatik euskal etxea egoitza propioa izatetik gero eta hurbilago

2014/11/24

Euskal standean euskal janariaz eta euskal kulturaz gozatu ahal izan ziren bisitariak Topaketa Multikulturalean

Argentinako euskal etxe berrienetako bat izan arren oso urrats nabariak eman ditu Chubut probintziako Puerto Madryngo euskal etxeak sortu zenetik, tartean erakundearen egoitza eraikitzeko lursaila lortzeko kudeaketa. Lursailaren esleipena burutzen den bitartean, ikurrinek eta euskal dantzek zabaltzen dituzte Etorritakoengatik-eko kideek hirian antolatu jaialdiak. 

Gehiago irakurri...


Gaur plazaratuko dute Japonian Bernat Etxepareren Linguae Vasconum Primitiae-ren japonierazko edizioa

2014/11/21

Gaur plazaratuko dute Japonian Bernat Etxepareren Linguae Vasconum Primitiae-ren japonierazko edizioa. Japonierazko itzulpena eta edizioaren baitan datozen testu eta iruzkin paratestualak Sho Hagio eta Hiromi Yoshida irakasleek prestatuak dira. Liburuak, Ur Apalategik eginiko aitzin-solasa ere baitaratzen du. Heibonsha argitaletxe ospetsuak plazaratu du eta gaurtik aurrera dago salgai Japoniako liburudendetan.

Gehiago irakurri...


Oreka TX txalapartariek "Nomadak TX" ikuskizuna Buenos Airesen erakutsiko dute, lehen aldiz, abenduaren 14an

2014/11/21

Harkaitz Martinez de San Vicente eta Mikel Ugarte txalapartariak eta Mixel Ducau musikaria, emanaldi batean (argazkia www.txalapart.com)

Asteburuan Indian dira, Delhiko musika jaialdi batean parte hartzen eta handik Argentinarako bidea egingo dute Oreka TX taldeko txalapartariek. Abenduaren 14an emanaldia egingo dute Buenos Airesen eta han lehen aldiz erakutsiko dute Argentinan "Nomadak TX" ikuskizuna. Kontzertuaren oinarrian, txalapartariek munduan zehar egin zuten dokumentala, hainbat herrietako musikariei antzinako musika tresna honen magia erakusten. Silvia Iriondo kantaria izango dute lagun emanaldian eta, horren aurretik, Argentinatik ibiliko diren tartean, euskal etxeetan txalaparta lantegiak emateko prest agertu dira.

Gehiago irakurri...


Euskaldunen sukaldaritza, herri kirolak eta dantza, Barilocheko 35. Gizataldeen jaialdiko erakarpen handienetakoa

2014/11/21

Mendiko Dantzariak: Urtero ordezkatzen dute barilocheko danztariek Euskal Herria hiriko Europar-Argentinar Gizataldeen jaialdian (argazkia Paula Canepa)

Jaia bi asteburutan luzatu zen eta hamabi kolektibitateren musika eta dantza ikuskizunak, jolas eta olgetarako ekintzak eta sukaldaritza eskaintza batu zituen Barilocheko Klub Daniarrean. Euskaldunen plater tipikoak, herri kirolak eta dantzariak jaiaren erakarpen handienetako bat izan ziren aurten ere. 

Gehiago irakurri...


Citroenek DS3 modeloaren sapaia ikurrinarekin pertsonalizatzeko aukera ematen du

2014/11/20

Citroen DS3 modeloa ikurrinarekin pertsonalizatzeko aukera ematen du Citroenek

Citroen auto lantegi frantziarrak ikurrina eta beste zenbait herrialdeen bandera, autoak saltzeko estrategia gisa erabiltzeko aukera ikusi du eta DS3 modeloaren edizio berezi bat egin du. Ikurrinarekin batera beste 8 diseinu dira aukeragarri: Korsikako banderarekin, Okzitaniakoarekin, bretoi, alsaziar... bakoitza Frantziako "erregio" batekoa, dio marka frantsesak. Abertzaletasuna marketing estrategia gisa? Ez hain azkar.

Gehiago irakurri...


Euskal Sukaldaritza Festa egingo dute Bellocq-en abenduaren 6 eta 7an, ‘Cocinero argentinos’ TV saioko kamerak bertan

2014/11/20

Badator Euskal Sukaldaritza Festa 2. edizioa Bellocq herrira

Egitarau oparo batekin plazaratuko da 'Zelaiaren eta itsasoaren artean' izeneko Euskal Sukaldaritza Festaren 2. edizio hau. Bi egunetan zehar mota askotako proposamenak eskainiko dira, hala nola ibilbide turistikoak, jarduera gastronomikoak, dantzaldiak eta Mus Txapelketa ere barne. Parte hartu nahi duteneei voucher bereziak eskaintzen dizkiete Euskal Pampa eta Hiru Erreka erakunde antolatzaileek. "Animatu eta zatoz San Francisco de Bellocq-era hondartza, landa eta euskal giroaz gozatzera", dio gonbiteak.

Gehiago irakurri...


© 2014 BasqueHeritage S.L.

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia