euskalkultura.com

euskal diaspora eta kultura

Albisteak rss

Otsailaren 28an ahituko da FEVAren “Haztearren, gogoeta” jardunaldietan parte hartzeko izena emateko epea

2016/02/12

Cañuelasen egindako 2014ko musika tailerrean, Hugo Andiazabal ongietorria ematen

Aktibitatea martxoaren 12 eta 13an egingo da, Mar del Platako Denak-en, eta euskal etxe bakoitzak bi ordezkari bidal ditzake, erakundearen izenean elkartearen hausnarketak aurkezteko. Gonbite honekin batera, 2016ko egitaraua antolatzeko, partaidetza eta engaiamendua eskatzen dizkie Federazioak herrialdeko euskal etxeei.

Gehiago irakurri...


Eguraldi hotza baina giro beroa Miamiko Euskal Etxearen aurreneko Herri Kirol Jaialdian

2016/02/11

Aizkolariak ekinean Miamiko Herri Kirolen aurreneko jaialdian (argazkia Miami EE)

Miamiko Euskal Etxearen lehendabiziko Herri Kirol Jaialdiak irudi ikusgarriak utzi zizkigun iragan igandean: aizkolariak, harri jasotzaileak, sokatira eta txinga eramatea palmondo artean, hondartza tropikal batean. Festan Miamiko euskaldunez gain, New England eta San Frantziskoko kirolariek ere parte hartu zuten. Jarraian, argazki galeria eder bat.

Gehiago irakurri...


Neuquengo euskal jatorriko lagun talde batek Comahue-ko Euskal Etxea sortzeko ‘afari informatiboa’ egingo du

2016/02/11

Comahueko Euskal Etxea sortzeko aurrekaria: lehenengo barne-bilera prestatzaile 2015eko azaroan (argazkia EuskalKultura.com)

Hitzordua datorren otsailaren 20an izango da Patagonia argentinarreko Neuquen probintzian eta gonbitea bertako hiriburuan eta inguruan euskal sustraiak dituen jendeari. baina batez ere euskal etxeko lagun eta bultzatzaile izan nahi duen edozein pertsonari dago zuzenduta. Lehenengo bilera honetan bildutakoek nondik norakoak, zer nolako erakundea nahi duten adostuko dute. Behin norabidea hartuta, aurkezpen jairako deia egingo dute, martxoaren 26an.

Gehiago irakurri...


"Su zelaiak" eleberriaren irakurraldia Berlingo Etnologia Museoan, Euskal Etxeak antolatuta

2016/02/10

Mikel P. Anza idazleak irakurri zituen bere eleberriko pasarteak Etnologia Museoko taulgainean (argazkia Berlin EE)

Iragan igandean Mikel P. Ansa idazleak "Su zelaiak" eleberriko pasarteak irakurri zituen Berlinen, euskal etxeak antolatutako ekitaldian. Liburuaren gaiaren harira, irakurraldiarekin batera, Lehen Mundu Gerran Alemanian preso egon ziren euskal soldaduei grabatutako 12 kanta hunkigarri izan ziren entzungai irakurraldian tartekaturik.

Gehiago irakurri...


“Saskibaloian jokatzeko itzuli nahi dut Euskal Herrira baina ez litzaidake axolako Ameriketan bizitzea”

2016/02/10

Gutxi jokatuta ere, Portland-en asko ikasi duela adierazi du Zubizarretak; edozelan ere, gusturago dago Idaho-ko Yotes taldean duen rolarekin (Argazkia: A.Z.)

Estatu Batuetan, Aitor Zubizarreta (Azpeitia, 1995) hautatu zuten, aurreko astean, unibertsitate arteko 'Cascade' saskibaloi ligako Asteko Jokalari. 45 puntu egin zituen partida bakar batean eta, horri esker ere, College of Idaho-ko historiako bosgarren anotatzaile onena bihurtu da. Portland-en (Oregon) bi urte gogor igaro ostean, Caldwell-en (Idaho) bizi da orain: “Oso zaila izan zen niretzat, baina orain gustura nabil. Berriz ere jokalari inportatea izaten ari naiz taldean”, esan dio EuskalKultura.com-i.

Gehiago irakurri...


Villa Mariako Euzko Etxeak euskal gizataldearen partaidetza bermatu zuen ‘Mundu guztia Alta Gracian’ jaialdian

2016/02/10

Villa Mariako Euzko Etxea euskal kulturaren ordezkari ‘Mundu guztia Alta Gracian’ Jaialdiaren 29. edizioan

Cordoba probintziako gizatalde jai garrantzitsuenetako bat da ‘Todo el Mundo en Alta Gracia' (Mundu guztia Alta Gracian) jaialdia eta euskal kolektibitatea ezin zen kanpoan geratu. Urtetan zehar, beraz, inguruko euskal etxeetako dantza taldeak txan dakatu izan dira euskal partaidetza bertan bermatzearren. Aurten, hirugarren urtez jarraian, Villa Mariako Jai Alai taldeak hartu du bere gain euskal kulturaren ordezkari izateko ardura. Euzko Etxea-ko dantzari gazte eta helduak desfilean eta taula gainean aritu dira.

Gehiago irakurri...


Etxepare Euskal Institutua irakurle bila dabil Berlingo Freie Unibertsitsatean euskal kultura klaseak emateko

2016/02/09

Berlingo Freie Unibertsitatea

Etxepare Euskal Institutuak deialdi berria ireki du Berlingo Freie Universität unibertsitatean euskara eta euskal kultura irakatsiko duen irakurle bat hautatzeko, 2015-16 ikasturterako, 2016-17 ikasturtera luzatzeko aukerarekin. Eskaerak aurkezteko epea otsailaren 20an amaituko da.

Gehiago irakurri...


Euskal Buruhandiek publikoa liluratu zuten San Martin de los Andes hiriaren urteurren kabalkadan

2016/02/09

San Martin de los Andesko Euskal Txokoa Euskal Etxeko lagunak hiriaren 118. urteurren desfilean

Bigarren urtez jarraian San Martin de los Andesko Euskal Txokoa-ko lagunek hiriaren urteurren desfilean hartu dute parte. Hitzordua aukera paregabea izan da euskal erakunde gaztearentzat herriari bere izaera eta nortasuna erakusteko, aurten gainera, gonbidatu berriekin: Buruhandiek nagusitu ziren desfilean, jendea harrituz eta inauteriak iragarriz.

Gehiago irakurri...


Valentziara eta Tuterara joan dira aurten Diasporaren Gutunen III. Lehiaketako sariak; zorionak partehartzeileei!

2016/02/08

Irabazleen gutunak irakurri zituzten sari emate ekitaldian (argazkia Valentziako Euskaltzaleok)

Iragan ostiralean Valentziako Euskaltzaleok eta Laurak Bat euskal etxeek Diasporaren Gutunen III. Lehiaketaren sariak banatu zituzten, horretarako antolatu zuten literatur afariaren baitan. Aurreneko saria, euskara ikasleena, Rocio Risquez Baezarentzat izan zen, eta bigarren saria, euskaldun osoen mailakoa, Tuterako Amets Oyonek irabazi zuen.

Gehiago irakurri...


Ehundik gora kide eta lagunek ospatu zuten Bahia Blancako Union Vasca Euskal Etxearen 117. urteurrena

2016/02/08

Union Vasca Euskal Etxearen 117. urteurren festa urtarrilaren 29an izan zen, etxeko egoitzan

2016. urteko egutegiari hasiera emateko, ‘Pintxo Eguna’ antolatu zuten bahiablancatarrek euren euskal etxearen urtebetetzea ospatzeko. Proposamenak oso harrera ona izan zuen eta 120 lagun bildu ziren etxeko instalazioetan. Jaia girotzeko, Otxote taldeak euskal kanta tipikoenak abestu zituen Buenos Aires probintziako hego-ekialdean dagoen kostaldeko hiri honetan.

Gehiago irakurri...


© 2014 BasqueHeritage S.L.

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia