euskalkultura.com

euskal diaspora eta kultura

Albisteak rss

"An end to the Basque Conflict?" mintegiaren harrera beroarekin amaitu da aurtengo Manuel Irujo Katedra Liverpooleko Unibertsitatean

2015/03/30

MIntegian parte hartu zuten adituak, tartean Xabier Irujo eta Juan Jose Ibarretxe, eta Etxepare Institutuko Mari Jose Olaziregi

Jakinmina sortu zuen Liverpooleko Unibertsitatean "An end to the Basque Conflict?" mintegiak eta galde erantzunen tartean euskal gatazkari eta Euskal Herriko egoerari buruz luze eta zabal solastu ziren bertan bildutako adituak eta partehartzaileak. Ibarretxe lehendakariaren hitzaldiak, bereziki, entzule asko bildu zituen. Mintegi honekin amaitu dira Manuel Irujo Fellowship Katedrako aurtengo jarduerak.

Gehiago irakurri...


Aberri Eguna ospatzeko, Habanako Euskal Astea antolatu du bertako euskal etxeak euskarari eskainia

2015/03/30

Aberri Egun kubatarraren aurreko edizio bateko irudia (argazkia EuskalKultura.com-HEE)

Datorren igandean Aberri Eguna izango dela-eta --eta euskal festa hau Habanan ospatzea tradizio da dagoeneko hiri kubatarrean-- Habanako Euskal Astea antolatu du Habanako Euskal Etxeak. Ekitaldiak euskara izango dute ardatz eta gaur bertan hasiko dira, euskara ikasleekin egingo den festa batekin. Astea bururatzeko, 250 bat pertsona bilduko dituen Aberri Eguneko elkarretaratzea, euskal musika, hitzak, bertsoak eta giroa nagusi.

Gehiago irakurri...


Abian da 2015eko Euskal Kulturari hitzaldi zikloa Quilmes hiri argentinarreko Pedro Goyena Liburutegian

2015/03/30

Luis Lúquez, Pedro Goyena Liburutegiko presidente Ana Aispuru eta Ariel Ghizzardi programa prestatzen (argazkia Pedro Goyena Liburutegia)

Bigarren urtez jarraian, ateak ireki dizkio Buenos Aires handiko Quilmes hiriko Pedro Goyena Liburutegiak euskal kolektibitateari Euskal Herriaren historiarekin lotura duten hainbat gai plazaratu eta zabaltzeko. 2015eko lehenengo mintzaldia joan den ostiralean izan zen, Luis Lúquez irakaslea hizlari.

Gehiago irakurri...


Euskal Argentina elkarteak bihar eginen du bere urteko Biltzar Nagusia Donibane Garaziko Herriko Etxean

2015/03/27

Euskal Argentina elkartearen aurreko Biltzar Nagusia bat Donibane Garaziko Herriko Etxean (argazkia EuskalKultura.com)

Bihar eginen du Donibane Garazin bere urteko Biltzar Nagusia Euskal Argentina elkarteak. Biltzarra goizeko 9:30etan hasiko da Herriko Etxean. Monika Legarto buru duen elkarteak hondar urteko emaitzak aztertuko ditu, bai ekitaldi zein ekonomia aldetik ere, iaz Txile-Argentina eginiko bidaia arrakastatsua barne. Aipatuko dira baita ere, Argentinarekilako elkarteen bilera Semeac-en, Nantes-ko artxiboen zerrendaketa, El Vasco de la Carretilla filmaren emanaldia maiatzean eta 2015eko Macachingo Euskal Astea. Bukaeran, Gaby Etchebarnek Argentinako bere liburua aurkeztuko du.

Gehiago irakurri...


Valladolideko Gure Txoko elkarteko kideek Donostia eta Durango bisitatu zituzten, urteroko Euskal Herrirako bidaian

2015/03/27

Itziarko Goikola baserri eta gaztategi ederrean izan ziren Valladolideko Gure Txoko elkarteko lagunak (argazkia Valladolid EE)

Tradizio bilakatu da dagoeneko Gure Txoko Euskal Etxeak urtero Euskal Herrira egiten duen bidaia, eta gero eta bazkide gehiagok partehartzen dute bertan. Aurten, martxoaren 21 eta 22an egin zuten osteratxoa, eta Donostia eta Durangoko parajeak bisitatu zituzten. Tartean, nola ez, Euskal Herriko gastronomiaz gozatzeko aukera ere izan zuten.

Gehiago irakurri...


66 bikote tarteko, Miguel Perez eta Agustin Oroz irabazle Gardnerville-ko mus txapelketan iragan larunbatean

2015/03/27

Ezkerretik eskumara, txapelketako irabazleak, bigarrenak eta hirugarren sailkatuak: Miguel Perez, Agustin Oroz, Manuel Villanueva, Tony Campos eta Kristina eta David Alfaro (argazkia Mendiko Euskaldun Kluba)

Martxoa hilabete arraroa da eguraldiari dagokionean Nevadako Gardnerville-n. Elurra mara-mara zein eguzki epela izan daitezke zeruko jabe. Zorionez, bigarrenak eman zien ongi etorria, iragan larunbatean, musean jokatzera bertaratu zirenei. “Esperro bezala, arrakastatsua izan zen txapelketa”, esan dio Becky Sarratea Mendiko Euskal Klubako presidenteak EuskalKultura.com-i. “Eguraldiak lagundu zigun”, gehitu du. Miguel Perez eta Agustin Oroz izan ziren txapeldunak.

Gehiago irakurri...


Haur, gazte zein heldu, Diasporako euskaldunak gogotsu lotu zaizkio Korrikari: Necochea, Berlin, Madril, Liverpool, Medellin... (argazkiak)

2015/03/26

Necocheako nagusiak, beti gazte! Elkarteko helduenek ere parte hartu zuten Necocheako Korrikan. Irudiko Jeronimo 'Cholo' Sagues, esaterako, elkarteko sortzaileetako bat izan zen eta 97 urterekin sasoi betean darrai, jo eta ke euskal kulturaren alde!

Nafarroan sartu da Korrika eta datozen bi egunetan herrialde honetan barrena ibililko da lasterketaren lekukoa. Baina Euskal Herriko mugaz haratago ere zabaldu da azken egunetan euskararen aldeko mezua, esaterako, Argentinako Necochean, Liverpoolen, Madrilen edo Kolonbiako Medellinen. Eta datorren astebururako ere badatoz beste hamaika hitzordu. Jarraian, bideoak eta argazkia sorta.

Gehiago irakurri...


Unai Zaballa Clares: "Ikasleek Illinoisen ez dakite ezer Euskadi edo euskarari buruz, baina somatzen dut interesa"

2015/03/26

Unai Zaballa Clares getxoztarra Illinoisko Estatu Unibertsitateko sortzaileetako bat da (argazkia EuskalKultura.com)

Getxoztarra da Unai Zaballa eta 23 urte dauzka. Deustuko Unibertsitatean Hizkuntz Modernoak ikasi ondoren Illinois-en dago joan den abuztutik hona, Estatu Batuetan, masterra egiten Hizkuntzalaritzan eta aldi berean gaztelania eskolak ematen unibertsitatean bertan. Martxo hasieran, Artaburu Basque Club izeneko euskal kultur elkartearen sortzaileetakoa izan da Illinois State University-n. 

Gehiago irakurri...


Larunbatean egingo da La Platan Korrika; Unibertsitateko euskara klaseak bi aste barru abiatuko dira

2015/03/26

La Platako Korrikaren afixa

19. Korrika larunbatean pasatuko da Argentinako La Platatik, hiriko Moreno Plazatik abiatuta. Parte hartzeko deialdia bertako euskal komunitateari eta euskara eta euskal kultura bezalakoen alde dagoen orori luzatu zaio. La Platako Unibertsitate Nazionaleko (UNLP) Euskara eta Euskal Kultura Irakurletzan euskara ikasteko izena ematera ere gonbidatzen dute La Platan. Epea apirilaren 6an bukatuko da.

Gehiago irakurri...


Euskal gatazka mintzagai bihar Liverpooleko Unibertsitatean, "An end to the Basque Conflict?" mintegian

2015/03/25

Liverpooleko Unibertsitatea

Euskal gaiei leku berezia eskaintzen ari zaie asteotan Liverpooleko Unibertsitatea, bertako Manuel Irujo Fellowship katedrak antolatutako jarduerei esker. Bihar bertan, euskal gatazkaren inguruan mintzatuko dira Euskal Herriko eta nazioarteko adituak, "An end to the Basque Conflict?" mintegiaren baitan. Xabier Irujo (University of,Nevada, Reno) izan da antolatzailea eta partehartzaileen artean Juan Jose Ibarretxe lehendakaria, Agirre Lehendakaria Center-en izenean.

Gehiago irakurri...


© 2014 BasqueHeritage S.L.

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia