euskalkultura.com

euskal diaspora eta kultura

Albisteak rss

Jaurlaritzak euskal etxeentzako 2014-2015 ikasturterako euskara ikastaro dirulaguntzak eman ditu argitara

2015/05/26

HABEko zuzendari nagusiaren Ebazpena Euskadiko buletin ofizialean (EHAA-BOPV)

Euskal Herriko Agintaritzaren Aldizkariak (EHAA-BOPV) joan den ostiralean, maiatzaren 22an, eman du argitara HABEko zuzendari nagusiaren Ebazpena, non euskal etxeek ematen dituzten euskara klaseen 2014-2015 ikasturterako dirulaguntzak zehazten dituen, orotara ia 210.000 euroko kopurua banatuz munduko 29 euskal etxe eta euskal etxeen federazio artean, 16 herrialdetan.

Gehiago irakurri...


Sabin Bikandi, txistulari eta danbolin jotzailea: «Ni bizirik nago, eta nire musika garaikidea da»

2015/05/26

Sabin Bikandi (lehenengoa eskuinetik) Kukai taldekoekin Bartzelonan Max sariak hartzeko saioan

Mende erdi bete zuen egun berean, maiatzaren 18an, jaso zuen Espainiako Arte Eszenikoen Max saria Sabin Bikandi txistulari, danbolin jotzaile eta musika sortzaileak (Barakaldo, 1965). Kukai dantza konpainiaren Gelajauziak ikuskizunerako sortu zuen musika, Xabier Erkizia musikariarekin batera. «Oso pozik hartu dut. Kukaikoek, gazteagoek, parranda egin dute eta dantza, nik gutxiago, baina uste genuenaren kontra oso ekitaldi beroa izan zen. Oso ondo hartu gintuzten; ez zen ekitaldi friboloa edo hotza izan». Kukaik ere Max saria eskuratu du lan berberarengatik, artista zerrenda onenaren kategorian. Gorka Erostarbek sinatzen du elkarrizketa Berrian.

Gehiago irakurri...


Paco Casteig eta Bego Illarramendi, Queretaroko euskal bizitza suspertzen: "Hilean behin euskaldunak bildu nahi ditugu"

2015/05/26

Paco Casteig eta Bego Illarramendi sukaldariak, beltzez jantzita, euren jatetxe eta catering enpresaren jarduera batean

Paco Casteig errenteriarrak eta haren emazte Bego Illarramendik jatetxe bat dute Mexikoko Queretaro herrian, "Los Sabores de Paco y Bego" izenekoa. Egunotan hiriko euskal komunitatea suspertu nahian dabiltza, eta horretarako euren lokala bilgune gisa eskaini dute. "Lehen Celayako Arrano Beltza elkartean biltzen ginen, baina Yon de Luisa laguna hil zenez geroztik ohitura galdu da", esan diote EuskalKultura.com-i. Queretararoko jatetxean hilean behin edo euskaldunak elkartzea pentsatu dute, "horrela lokal bat alokatu beharrik ez izateko".

Gehiago irakurri...


Aldaketa garrantzitsuak atzoko hauteskundeetan Hego Euskal Herrian, batez ere Nafarroan

2015/05/25

Diario de Navarra egunkariaren gaurko lehenengo orria, non UPN eta egungo Nafarroako Gobernutik gertu dagoen kazetak ere argi ikusten duen

Hauteskundeak izan ziren atzo Hego Euskal Herrian, udal eta foru erakundeetan, eta herritarren bozkak aldaketa nabariak ekarri zituen, batez ere Nafarroan non inoiz baino sendo eta indartsuago agertu den UPN foru gobernutik kanporatzeko jarrera, zenbakiek lagundua. Aldaketa hori posible da Nafarroan, kasu horretan Uxue Barkos (Geroa Bai) izan daitekeelarik gobernuburu berria, nahiz eta UPN izan den indarrik bozkatuena, baina aski sostengurik gabe Parlamentuan, gobernuari eusteko. Hauteskundeei buruz eta beste gairen bati buruzko iruzkinak datozen lerro hauetan.

Gehiago irakurri...


Literaldia 2015: "Literaturarekin zailagoa da jendea erakartzea, baina ikusi dugu bideak badirela"

2015/05/25

Fermin Muguruza "Black is Beltza" komikiaren aleak sinatzen Euskal Etxeak Rambletan jarri zuen standean (argazkia EuskalEtxeaBCN)

Hamaikagarren Literaldia amaituta, Bartzelonako Euskal Etxeak jaialdiaren balioespen baikorra egin du, inoiz baino jendetsua izan dela azpimarratuz. "Jarduera gutxiago, baina kalitate aldetik oso onak izan ditugu, eta jendearen harrera inoiz baino hobeagoa izan da", esan dio EuskalKultura.com-i elkarteko kultur teknikari Ekaitz Garatek. Azpimarragarriak izan dira Bernardo Atxaga eta Manuel Rivasen arteko solasaldiak, eta Fermin Muguruzaren "Black is Beltza" komikiaren ikusentzunezko irakurketa.

Gehiago irakurri...


Urtebeteko etenaren ostean, ‘Euskaldun Hitza’ Arrecifesko irratsaioa ekainaren 3an itzuliko da, ordutegi berrian

2015/05/25

Laura Nobile eta Mariana Domine 'Euskaldunaren Hitza' irratsaioaren 2011ko denboraldian

Euskaldunak Denak Bat euskal etxe arrecifestarraren baitan sortutako saioak bere zazpigarren denboraldiari ekingo dio ekainean, asteazkenero, arratsaldeko 5etan, Laura Nobile aurkezle. Ohiko formatuarekin, euskal kulturarekin lotura duten hainbat gai hartuko dira ardatz ordubeteko saioak, aurten gainera, ordutegi berrian. “Ezinbestekoa izan da ordutegia aldatzea, Euskal Herritik jarraitzen diguten lagunengatik” azaldu dio Nobilek EuskalKultura.com-i. 

Gehiago irakurri...


Aingeru Etxebarria, sukaldaria: “Ezin diogu edozerri ‘pintxo’ esan, kalitatezkoa behar du, edozerk ez du balio”

2015/05/22

Euskal kultura eta, bereziki, sukaldaritza lau haizetara zabaldu ahal izateak ilusio handia ematen dio Aingeru Etxebarriari (Argazkiak: A.E.)

Sukaldaritza eskola arrakastatsua dauka Bilbon Aingeru Etxebarriak (Getxo, 1978). Horren adibide da, aurreko astean bakarrik, Errusiatik, AEBetatik eta Holandatik heldutako ikasle taldeak eduki izana. Hamar gehi bat sari eta izendapen jaso ditu, horietako asko egiten dituen pintxoei esker, eta Karlos Arguiñano sukaldari ezagunaren babesa dauka. AEBetan hitzaldi eta erakustaldi bira laburra hasiko du gaur Bakersfield-en, CSUB unibertsitatean, herri kaliforniar honek asteburuan biziko dituen Euskal Festei hasiera emanez. “Pasioa transmititzen saiatuko naiz”, esan dio EuskalKultura.com-i.

Gehiago irakurri...


Mitzuli, zure mugikorra itzultzaile automatiko bihurtzen duen doako aplikazio berria

2015/05/22

Mitzuli app itzultzailearen webguneko irudia

Zenbatetan nahi izan diozu norbaiti galdetu hitz bat euskaraz nola esan, baina ez zenuen inor eskura? Edo euskal hitz batek zer esan nahi duen jakin? Orain, zure sakelekoak emango dizu erantzuna, Mitzuli aplikazio berriari esker. IXA taldeko Mikel Artetxe garatzaileak sortu du Android smartphonentzako, eta doakoa da.

Gehiago irakurri...


Tiburcio Bilbao eta Adalberto ‘Potxolo’ Loyola gogoan, Txistulari Eguna ospatu zuen Arrecifeseko euskal etxeak

2015/05/22

Jadanik ez dauden irakasleengandik ikasitakoa zabaldu zuten Marianela Rimini Azarola eta Juan Ignacio Saez gazteek Txistulari Egunean (argazkia EE)

Zortzi urte bete dira Potxolo Loyola hil zenetik, eta bi ekintzarekin omendu zituen Euskaldunak Denak Bat-ek ‘Potxolo’ bera eta euskal etxeetan ikasi, jo eta irakasten duten txistulari guztiak. Loyolaren heriotzaren urteurrenaren egun berean, zeremonia bat egin zuten arrecifestarrek herriko kanposantuan; biharamunean, dantzatuz eta abestuz ospatu zuten, Txistulari Eguna izeneko topaketan.

Gehiago irakurri...


Maipuko Anaitasuna EEak bere historiako garai guztietako kide eta ekintza egileak gogoratuz ospatu du 39. urteurrena

2015/05/21

Maipuko Anaitasuna euskal etxeko kideek erakundearen 39. urtebetetzea ospatu zuten maiatzaren 17an

Hirurogeita hamar lagunentzako bazkari batekin ospatu zuen Anaitasuna erakundeak bere urtebetetzea; jaian, euskal etxea sortu, sendotu eta biziarazten lagundu zuten pertsona guztiak oroitu nahi izan zituen instituzioak, ehunka argazkirekin egindako bideo erakutsiz bertaratutakoei. Datorren urtean beteko dituen 40 urteak behar bezala ospatzeko proposamenak aztertzen hasiko da orain Buenos Aires probintzia argentinarreko euskal etxe hau.

Gehiago irakurri...


© 2014 BasqueHeritage S.L.

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia