euskalkultura.com

euskal diaspora eta kultura

Albisteak rss

Valentziara eta Tuterara joan dira aurten Diasporaren Gutunen III. Lehiaketako sariak; zorionak partehartzeileei!

2016/02/08

Irabazleen gutunak irakurri zituzten sari emate ekitaldian (argazkia Valentziako Euskaltzaleok)

Iragan ostiralean Valentziako Euskaltzaleok eta Laurak Bat euskal etxeek Diasporaren Gutunen III. Lehiaketaren sariak banatu zituzten, horretarako antolatu zuten literatur afariaren baitan. Aurreneko saria, euskara ikasleena, Rocio Risquez Baezarentzat izan zen, eta bigarren saria, euskaldun osoen mailakoa, Tuterako Amets Oyonek irabazi zuen.

Gehiago irakurri...


Ehundik gora kide eta lagunek ospatu zuten Bahia Blancako Union Vasca Euskal Etxearen 117. urteurrena

2016/02/08

Union Vasca Euskal Etxearen 117. urteurren festa urtarrilaren 29an izan zen, etxeko egoitzan

2016. urteko egutegiari hasiera emateko, ‘Pintxo Eguna’ antolatu zuten bahiablancatarrek euren euskal etxearen urtebetetzea ospatzeko. Proposamenak oso harrera ona izan zuen eta 120 lagun bildu ziren etxeko instalazioetan. Jaia girotzeko, Otxote taldeak euskal kanta tipikoenak abestu zituen Buenos Aires probintziako hego-ekialdean dagoen kostaldeko hiri honetan.

Gehiago irakurri...


Pariseko Euskal Etxea 60. urteurrena ari da ospatzen; gaur, Benito Lertxundi kantariak kontzertua emango du

2016/02/05

Benito Lertxundi kantari oriotarrak kontzertua emango du gaur Le Trainon aretoan

Pariseko Euskal Etxea bere 60. urtebetzea ari da ospatzen aurten, eta makina bat jarduera prestatu ditu horretarako. Iragan asteburuan hasi ziren ospakizunak, eta gaur, esaterako, Benito Lertxundi kantari ezagunak kontzertua emango du Parisen, euskal etxeak gonbidatuta. Bihar Sagardotegi Gaua egingo da eta etzi, igandean, elkarteko konpartsa Pariseko kaleetara aterako da Inauteriak ospatzera.

Gehiago irakurri...


Zingirako Euskaldunak Euskal Etxeak antolatutako 2016ko Udalekuaren irudiak, urte osoan gozatzeko

2016/02/05

2016ko Chascomuseko Udalekuan parte hartu zuten neska-mutilak (argazkia Victoria Paulsen)

Urtarrilaren lehenengo egunetan egin bazen ere polita da argazki esanguratsu batzuk eskura izatea, noizean behin, urtea aurrera joan ahala, berriro begiratu ahal izateko. Batez ere ekintzak ondo asko merezi duenean. Euskalkultura.com-en artikulu honetan 2016ko Udalekuaren argazki galeria partekatu dugu gure irakurleekin.

Gehiago irakurri...


“Txorizoa da txapelketa honetako nagusi bakar eta anitza, jendeak erabilitako errezeta desberdinei esker”

2016/02/05

Ilusio handiz jarraitzen du John Belzak bere aita eta lagunek, duela berrogei urte, hasitako txorizoaren inguruko jaialdia (Argazkia: J.B.)

Kalifornian euskaldunek txorizoaren inguruan antolatutako elkarretaratze bat da. Izan ere berrogei urte beteko ditu, heldu den asteburuan, Yuba City-ko (Kalifornia, AEB) Txorizo Lehiaketak. Familia eta lagunarteko plana izatetik 250 pertsona baino gehiago biltzen dituen txapelketa izateraino, hainbat fase iragan ditu sukalde norgehiagoka honek, “eta hazten jarraitzen du”, esan dio EuskalKultura.com-i John Belza antolatzaileak.

Gehiago irakurri...


Eder Montero bilbotarraren Txikito jatetxeak San Blas kordoien ohitura ekarri du New Yorkeraino

2016/02/04

Txikito jatetxearen logoa

Eder Montero sukaldari bilbotarra arrakastatsu ari da lanean New Yorken eta laugarren jatetxea ireki berri du, bere kide Alex Raijrekin. Udaberrian euskal sukaldaritzari buruzko liburu bat argitaratuko dute, eta bien bitartean, Euskal Herriko ohiturak New Yorken zabaltzen ari dira. Atzo, esaterako, bezeroen artean banatu zituzten San Blas kordoiak, tradizioak dionez, gripe eta katarroetatik babesten dutenak.

Gehiago irakurri...


Parte hartu EuskalKultura.com-en zozketan eta etxeratu liburu bat edo Maral, Kalakan edo Xiberoko dantzen CDa

2016/02/04

Lau zozketagaiak: Kalakan eta  Maral-en CDak; Boiseko euskaldunei buruzko liburua; Xiberoko CD bikoitza (argazkia EuskalKultura.com)

Garaiz zabiltza oraindik, baina ez zazu azken egunerako utzi. EuskalKultura.com-ek zozketa berria antolatu du bere irakurleen artean, oraingoan hiru CD eta liburu bat zozketatuz. Lehenengo CDa, Maral talde euskal-argentinarraren azkena da, hainbat euskal kantu tridizional bildurik; bigarrena, Kalakan taldearen azkena; hirugarrena --bi CDko bilduma-- Xiberoko jauziena; eta, azkenik, liburua, ingelesez, Boiseko euskal ondarea aipagai hartzen duena. Parte hartzeko, aski duzu email bidaltzea, beherago adierazten dizkizugun jarraipideak gogoan. Zorte on!

Gehiago irakurri...


Bertako EEak egindako kudeaketari esker, abian jarri da Saltoko Harriague Upeltegia berreskuratzeko proiektua (eta II)

2016/02/04

Saltoko Harriague Upeltegi eraikin barnearen egungo egoera (argazkia Valeria García Oyarzabal)

U-riharri –Uruguay-Ribes-Harriague– izenarekin aurkeztu zion Ander De la Fuente EUH-UPVko arkitektoak proiektua hiriko gobernuari. Udalak begi onez hartu du proposamena eta Upeltegiaren lur eremuak txukuntzeko ardura hartuko du bere gain, lehenbailehen hasteko hitza ematearekin, gainera. Proiektuak, aztarnen berreskuratzeaz gain, txakolin ekoizpena eta estropada erakusketak egiteko helburua ere badu. "Ondarea ez dugu bakarrik monumentu gisa gorde nahi, bizia eman zion izpiritua ere berreskuratu nahi dugu", azaldu dio EuskalKultura.com-i euskal arkitektoak.

Gehiago irakurri...


"Amama", "Jai Alai Blues" eta gehiago izango dira ikusgai Bartzelonako Euskal Etxearen 11. Zinemaldian

2016/02/03

2016ko Zinemaldia.Cat jaialdiaren kartela

Ostiral honetan hasiko da Bartzelonan Zinemaldia.Cat, Kataluniako euskal zinemaldiaren hamaikagarren edizioa. Euskal Etxeak antolatuta, jaialdiak Euskal Herrikomugak gainditu dituen euskal zinema erakutsiko du: munduan zehar egin diren filmak eta dokumentalak, eta nazioarteko zinemaldietan ikusgai izango direnak. Horien artean, esaterako, Miamiko euskal pilota munduari buruzko "Jai Alai Blues" dokumentala.

Gehiago irakurri...


Superbowl-a baino ordu batzuk lehenago ospatuko dute Miamin I. Herri Kirol Jaialdia, aldarrikapen kutsuarekin

2016/02/03

Indarbetez daude Miamiko Euskal Etxeko kideak, igandean ospatzekoa duten lehenbiziko Herri Kirol Jaialdiaren harira (Irudia: E.K.)

Igande honetan, hilaren 7an, Superbowl igandea da AEBetan, bertako kirol gertakizunik handienaren eguna, eta 50. Superbowl-ak telebista errekorrak haustea espera da. Miamin, ordea, bertako euskaldunek izango dute, egun berean baina hori baino lehen, zer ospatu, euren Lehen Herri Kirol Jaialdia antolatu baitute, Jai Alaiaren inguruan bizi direnen eskubideak aldarrikatzeko neurri batean (estatuko legegileek aztergai daukate egunotan), euskal kulturaz gozatzen duten bitartean.

Gehiago irakurri...


© 2014 BasqueHeritage S.L.

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia