euskalkultura.com

euskal diaspora eta kultura

Albisteak rss

Hilabete eta gutxi falta da Washingtonen euskaldunei eskainitako Folklife Festival itzela has dadin

2016/05/25

Ekitaldia Estatu Batuetako hiriburuaren bihotzaren erdi-erdian garatuko da, ekainaren 29tik uztailaren 4ra eta uztailaren 7tik 10era. Non? Bada, hori: hiriaren bihotzean, aurrean izango baitu, alde batetik, Estatu Batuetako Kapitolioa; eta, atzean, Washington Monument (Obeliskoa), atzean; eta alboetan, AEBetako Arte Galeria Nazionala, batetik, eta, bestetik, Aire eta Espazioaren Smthonian Museo Nazionala. Horien erdian, euskaldunek euren kultura aurkeztuko dute, Smithsonian erakundea antolatzaile.

Gehiago irakurri...


Izenburu berriak plazaratuz, gogor eutsi nahi dio lanari Buenos Airesko Ekin Euskal Argitaletxe historikoak

2016/05/25

Maria Elena Etcheverry, 2016ko Buenos Airesko Liburu Azokako euskal standean

“La Odisea de Xabiertxo. El Último Paquebote” argitaratzearekin iaz hasitako berpizteari eutsiko dio argitaletxeak. Izan ere, Argentinan hogei bat urte argitaratu gabe emanik, iaz hiru titulu, --“Contraviaje. De Nueva York a Gernika pasando por Berlin”, “Martín Ugalde. Cartografías de un Discurso”, eta “Historia de Radio Euskadi”-- plazaratu zituen. Proiektuko zuzendari Maria Elena Etcheverryk EuskalKultura.com-i adierazi dionez “azken urteetan argitalpenetan etenik jasan badugu ere, Ekin Argitaletxeak duen garrantziak jarraipena ematera behartzen gaitu”.

 

Gehiago irakurri...


Atzo inauguratu zen Donostian "Meet the Basque Country", nazioarteko turismoa Euskadira erakartzeko topaketa

2016/05/25

Donostiako Aquariumean egin zen inaugurazioan Mertxe Garmendia (Jaurlaritzako Turismo zuzendaria), Donostiako alkate Eneko Goia eta Basquetourreko zuzendari Arantza Madariaga (argazkia Basquetour)

Nazioarteko 21 herrialdeko bidaia-agentzietako ordezkaritza zabal bat Euskal Herrian da egunotan, "Meet the Basque Country" topaketan parte hartzen. Basquetour-Turismoaren Euskal Agentziak antolatu du topaketa, eta ostirala arte luzatuko da, Euskadi nazioarteko enpresa turistikoen artean ezagutzera emateko asmoz. Donostian inauguratu zen, gaur Gasteizen dira partehartzaileak eta bihar Bilbon amaituko da topaketa.

Gehiago irakurri...


Diaspora eta artea izango ditu hizpide Argitxu Camus historialariak Iruñean "Euskal Diaspora artisten begiradan" erakusketan

2016/05/24

"Euskal Diaspora artisten begiradan" erakusketaren afitxa

Iruñeko Condestable jauregian ikusgai da ekainaren 8a arte "Euskal Diaspora artisten begiradan" erakusketa. Emigrazioaren gaia oinarri hartuta, erakusketak biltzen dituen 21 lanek munduko euskaldunen bizipenei buruzko hausnarketa egiten dute. Horrekin batera, hainbat hitzaldik osatzen dute proposamena. Bihar bertan, Argitxu Camus historialaria izango da Iruñean artea eta Diasporari buruz solasteko.

Gehiago irakurri...


‘DonOstia’ jatetxea Argentinan: mota askotako itsaskiak, euskal erara Mendoza probintziaren bihotzean

2016/05/24

‘DonOstia’ jatetxea, itsasoko zaporeak, Andes mendikatearen oinarrian

‘DonOstia’ jatetxea Mendozako Godoy Cruz herrian dago kokatuta, Mendoza probintzia argentinarrean. Mikel Tena Goicoechea zarauztarraren ardurapean, proposamen oparoa eskaintzen die bere bezeroei; baina dudarik gabe, itsaskiak dira menuko izarrak. “Gure txibierroak Mendozako onenak omen dira”, jakinarazi digu, txantxetan, Goicoechea sukaldariak.

Gehiago irakurri...


Valentziako Euskaltzaleok Euskal Etxeak bere III. Euskaltzaleok Pintxo Lehiaketara deitu du datorren ostiralean

2016/05/24

Ekimen arrakastatsua da eta, gainera, Quart de Poblet-eko (Valentzia) Euskaltzaleok Euskal Etxe gazteko lagunek serius hartzen dute, jateko gauzak hartu behar diren moduan, "libertitzea ere ganoraz egin behar baita". Datorren ostiralean, elkartearen egoitzan, Racó de la Corbellan, elkarte euskaltzaleak bere izena daraman Pintxo Lehiaketaren hirugarren edizioa gauzatuko dute. Pintxoak arratsaldeko 20:00etatik 21:00etara aurkeztu ahal izango dira.

Gehiago irakurri...


Bryan Osoro Diasporako euskaldun eta Utah-ko Euskal Etxeko kideak Everest igo du

2016/05/24

Utah-ko Euskal Etxeko (AEB) lagunek harro abisatu digute bertako kide den Bryan Osorok Everest igo duela joan den igandean, bertako ordutegian, eta ikurriña eta lauburua zeramatzala berarekin, Utah-ko maparekin batera. Albistea Berria egunkariak ere eman du, eta bertako lerroak ekarri ditugu hona. Bryan Osoro, Utah-ko Euskal Etxeko luzaroko bazkide den Larry Osoren semea da, eta aitak eta familiak bezala bihotzean darama etxean --Salt Lake Cityn-- hazitako euskaltasuna.

Gehiago irakurri...


EHUko Euskal Diasporari buruzko ikastaroaren matrikula prezio murriztuan egiteko aukera hil honen amaiera arte

2016/05/23

"El (nuevo) papel de la Diáspora vasca en la Euskadi del siglo XXI" ikastaroa uztailaren 18 eta 19an egingo da Donostian

Aurtengo Euskal Herriko Unibertsitateko Udako Ikastaroek euskal Diasporari eskainitako atal berezia izango dute: gaztelaniaz egingo den "El (nuevo) papel de la Diáspora vasca en la Euskadi del siglo XXI". Ikastaroan euskal Diasporak XXI. mendean duen zeregina aztertuko dute hainbat adituk; tartean, Boiseko Unibertsitateko John Ysursa, Necocheako Xabier Zubillaga, Berlingo Euskal Etxeko Unai Lauzirika; edo Marian  Elorza eta Asier Vallejo, Eusko Jaurlaritzaren izenean. Hil honen amaiera arte, prezio murriztuekin matrikulatzeko aukera dago.

Gehiago irakurri...


Txinan kultura trukean zebilen ikasle talde gasteiztar batek Shanghaiko Euskal Etxea bisitatu du

2016/05/23

Ikasle gasteiztar taldea Shanghaiko euren parekoekin bertara egin berria duten bidaian

Hogeita hamar ikasle eta bi irakaslek osatutako talde gasteiztar bat Txinan ibili da azken hilabetean, Shanghaiko Pinghe Bilingual School delako eskolarekin trukean. Aurretik Gasteiza etorria zen eskola txinatarreko ordezkaritza bat, eta orduan haiek Gasteizen bezala, hemengoak ere bertako kulturan murgildu eta zuzeneko lekukotasun eta kontaktua jasotzeko baliatu dute bidaia. Shanghaiko Euskal Etxearen egoitza ere bisitatu dute, hirian eta Txinan oro har dauden euskal enpresen eta profesionalen lehen eskuko berri bilduz.

Gehiago irakurri...


Hiriaren 152. urteurrenean ezin estimatuzko oparia egin dio Eusko Aterpea Euskal Etxeak Gral. Rodriguez-i

2016/05/23

Eusko Aterpea Euskal Etxeak garrantzi handiko dohaintza egin dio Gral. Rodriguez hiriari bere 152. urteurrenean

Hiriaren historiari lotutako balio handiko hamabi liburu oparitu dizkio Eusko Aterpea Euskal Etxeak Gral. Rodriguezeko Udalari. Liburuak XIX. mendekoak dira --tartean Udaleko lehenengo udal batzar-agiri liburua-- eta dohaintza anonimo baten bidez iritsi ziren Euskal Etxera; orain Bernardo de Irigoyen Udal Museoaren ondare izatera pasatuko dira.

Gehiago irakurri...


© 2014 BasqueHeritage S.L.

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia