euskalkultura.com

euskal diaspora eta kultura

Albisteak rss

Urtero bezala, abuztuan ez da buletina plazaratuko: etxe barruko lanak egiten segituko dugu, irailean itzultzeko

2017/08/04

Euskal festa Argentinako Patagonian

Abuztuan gaude eta azken urteotan bezala, EuskalKultura.com-ek egun batzuk hartuko ditu emititu gabe, irailean indarberrituta itzultzeko. Ohi bezala, buletina ez emititu arren, etxe barruan lanean segituko dugu, handia baita gurea bezalako ekimen batean egin behar diren eta ikusten ez diren gauzek kentzen diguten denbora. Abuztuan, baina, munduan --geldoago Ipar Hemisferioan, uda baita, eta Hego Hemisferioan ere neguko oporraldia ere hor dela-- segituko dute euskal ekitaldi eta jarduerek Diaspora osoan...

Gehiago irakurri...


Idahoko Boise hiriburuak gogoz eta beropean ospatu ditu bertako euskal komunitateko zaindari den San Inazio Jaiak

2017/08/03

Azken urteotan sendotzen eta zabaltzen ari dira loturak Idaho eta Euskal Herriaren artean

Asko dira munduan San Inazio bere zaindari gisa ohoratuz urtero uztailaren 31ko eguna modu berezian ospatzen duten euskal etxe eta komunitateak. Horien artean badira mende pasatxoko tradizioa jasotzen dutenak, Argentinan-eta, ahaztu gabe konparazio Mexiko Hiriko Colegio de las Vizcaínas, 1732an sortutako eskola euskal mexikarra. egiazki eta ofizialki Colegio de San Ignacio de Loyola izena duen erakundea. Gaurkoan, baina, Estatu Batuetara, Boise aldera joko dugu, bertako San Inazio (sic) festak hemen islatzeko.

Gehiago irakurri...


Buffaloko (Wyoming) 2017ko NABO Biltzar Nagusi eta Euskal Festaren kronika iruditan (2)

2017/08/03

Hona Ipar Ameriketako 2017ko euskal festa nagusiaren kronika iruditan. Lehenengo partearen ondoren, bigarren eta azken emanaldia da gaurkoa. Gogoratu elkarretaratzea uztailaren 20-24an egin zela Wyoming estatuko Buffalo herrian. NABOren urteko Biltzar Nagusiaz gain, asteburuak Estatu Batuko hainbat herri eta estatutako euskaldunak bildu zituen, partaide gisa, baita artista, musikari, dantzari eta kirolariak, euskal kulturaren arlo desberdinen erakusgarri. Arrakasta polita.

Gehiago irakurri...


Buffaloko (Wyoming) 2017ko NABO Biltzar Nagusi eta Euskal Festaren kronika iruditan (1)

2017/08/03

NABOko Biltzar Nagusia Wyoming-en, Buffalo ondoko mendietako kabina batean (argazkia EuskalKultura.com)

Ez zen besterik espero, eta halaxe atera da pasa den uztailean NABOren 2017ko Biltzar Nagusi eta Euskal Festa: gogoangarri, Estatu Batuetako gainerako herri eta estatuetako euskaldunek ondo gogoan baitzeukaten duela sei urte Buffalon bertan egin zen 2011eko Biltzar Nagusia, eta orduan ere buffalotarrek --euskaldunek zein ez-euskaldunek-- bisitari eta partaide guztiei eman zieten ongietorri eta harrera bero eta arras abegikorra.

Gehiago irakurri...


Michel Etcheverry Argentinan arituko da azaroan kantari, San Nicolas, Buenos Aires eta Gral. Las Heras-en

2017/08/03

Michel Etcheverry eta Joseba Asiron Iruñean pasa diren sanferminetan

Michel Etcheverry kantari heletarra Argentinara ari da helduden azaroan eta, beteak beste, aurten San Nicolas herrian egingo den Euskal Aste Nazionalean hartuko du parte. Bidaia berean, Buenos Aires hiriburuan eta General Las Herasen ere kantatuko du. Beste euskal etxeren bat interesatua bada, kontaktatzen ahal du kantariarekin, bi asteko bidaia argentinarrean egunen bat adosteko aukerarik balego. Jean-Louis Bergara akordeoilaria eta Beñat Chaubadindeguy atabalariarekin arituko da kantari baxenabartarra.

Gehiago irakurri...


Garbiñe Iztueta, Etxepareko Euskara Sustatu eta Hedatzeko zuzendaria: «Arrazoi asko daude munduaren begietara euskara interesgarri egiten dutenak»

2017/08/03

Garbiñe Iztueta Goizueta, Etxepare Institutuko Euskara Sustatu eta Hedatzeko zuzendaria (foto Olatz Artola-Tolosako Ataria)

Ingeles eta Alemaniar filologian lizentziatua eta filologia modernoan doktorea den Garbiñe Iztueta Goizuetak (Tolosa, 1972) EHUko irakasle lanak hein handi batean albo batera utzi, eta erronka berri bati heldu zion martxoan. Etxepare Institutuko Euskara Sustatu eta Hedatzeko zuzendaria da. Honako elkarrizketa Olatz Artolak egina dio eta Tolosaldeko Atarian izan da argitaratua.

Gehiago irakurri...


Entre Rios probintziako Victorian bilduko dira lehen aldiz Francisco Eguiazu bergararraren ondorengo argentinarrak

2017/08/02

Juana Segundo Eguiazu eta Manuel Alejo Eguiazu birraitona-amonak

Elkarretaratzea urriaren 14-15eko asteburuan izango da, Victorian kokatu eta bere familia bertan sortu baitzuen Bergaratik Argentinara 1860 urtean etorri zen Francisco Eguiazu Ibarzabalek. Bileraren bultzatzaile nagusia, Franciscoren herenilobetako bat den Sergio Eguiazu da. “Lehenengo topaketa honetan konfiantza hartzen hasi nahi dugu; uste baino Eguiazu gehiago daude Argentinan eta elkar ezagutu nahi dugu; eta gure arbasoen memoria ohoratu”, adierazi dio Sergio Eguiazuk EuskalKultura.com-i.

Gehiago irakurri...


Euskal gazte kooperanteek jarduera ludikoak eta sozialak sustatzen dituzte haur perutarren artean

2017/08/02

Peru-ko Lurigancho-ko gaztetxo talde bat euskal kooperanteekin (argazkia Irekia)

Lurigancho-n (Peru) 3 eta 5 urte bitarteko neska-mutilak mugitzeko trebetasunak estimulatzen dituzte. “Hainbat lan giro eta egoeratara egokitu behar dugu”, diote euskal gazteek. Euskadiko Gazteak Lankidetzan programa Jaurlaritzako Gazteria Zuzendaritzak sustatua da. Jaurlaritzak emaniko datuen arabera, ehun euskal gazte ari dira aurtengo udan parte hartzen Ertamerikan, Asian, Hego Amerikan eta Afrikan garapenerako lankidetza eginkizunetan.

Gehiago irakurri...


Kirmen Uribe Iowako Unibertsitateko International Writing Program-en egonaldia egiteko hautatu dute

2017/08/01

Kirmen Uribe idazlea (Ondarroa, 1970)

Kirmen Uribe idazle euskalduna Iowako unibertsitatean egonaldia egiteko hautatu dute, Etxepare Euskal Institutuaren babesaz, bertan antolatzen den International Writing Program egitasmoaren baitan. Programa honek, mundu osoko idazleak biltzen ditu abuztutik irailera, unibertsitatean programa literarioa antolatuz.

Gehiago irakurri...


Bakersfield Kaliforniatik, bertako aurtengo artzain piknikaz eta euskal artzain historiaz gogoeta egiten du Mattin Etxamendik

2017/08/01

Bakersfield-eko piknikeko irudia, dantzariak ikurrinpean (argazkia ME-Herria)

Aurten ohoratu dugu 80. Artzain Piknika Bakersfield-en. Kaliforniako historian, aspalditik ardia biziki ezagutua izan da eta erran gabe doa harekin batean artzaintza. 1848an Ipar Amerikak Alamoko gudukaren ondotik Mexikoko Santa-Ana jeneralari mendebaldeko zonbait estadu erosi zizkiolarik, Amerikarrak hasi ziren estadu horietarat sartzen eta laster ohartu ziren hemen gaindi gaitzeko lur eremuak hutsik edo bederen abantxu hutsik zaudela.

Gehiago irakurri...


Azken komentarioak

© 2014 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.com

jaurlaritza gipuzkoa bizkaia