euskalkultura.com

euskal diaspora eta kultura

Albisteak rss

Txileko Valparaiso eskualdeko ordezkaritza bat Gipuzkoan da, saleroste eta hezkuntza harremanak areagotzeko

2015/05/05

Gipuzkoako diputatu nagusiak eta bere kontseiluko Jon Peli Uriguen eta Garbiñe Errekondok --hurrenez hurren Landa Garapeneko eta Turismo, eta Foru Administrazio eta Funtzio Publikorako diputatuek-- harrera egin zieten atzo Txileko Bosgarren Erregioko ordezkaritza bati. Bosgarren Erregio txiletarrak Valparaiso dauka hiriburu, herrialdeko bigarren hiria eta Txileko Kongresu Nazionalaren egoitza den kostaldeko hiri garrantzitsua.

Gehiago irakurri...


Jatetxeen zerrenda berri batek Eneko Atxaren Azurmendi kokatu du Europako jatetxerik onena legez

2015/05/05

Eneko Atxa Larrabetzuko Azurmendi bere jatetxean lanean (argazkia Pablo Viñas-Deia)

Jakina da gustu kontuetan dena dela zilegi eta jatetxe eta sukaldari onenen zerrendak egiterakoan, gustuak gustu, elkarren artean oso desberdinak izan daitezkeen zerrendak osa daitezkeela. Baina zerbait gertatzen da euskal sukaldaritza eta sukaldariekin zerrenda horietako askotan leku gorenetan agertzen direnean. Atzo plazaratutako zerrenda berri batek Eneko Atxaren Azurmendi jatetxea Europako onena legez kokatu du. Zazpi euskal jatetxe hautatu ditu, orotara, Europako 'top 100'en zerrenda berriak.

Gehiago irakurri...


Lore eskaintza, aurreskua eta Gernikako Arbola kantatzea Montevideon, Gernikako Bonbardaketa gogoratzeko

2015/05/05

Aurreskua dantzatu zuten Montevideoko Eusko Indarrako dantzariek Guernica Plazan Bonbardaketaren 78. urteuirrenean (argazkia Uruguaiko Azken Berriak)

Urtero sasoi honetan gertatu bezala, Gernikako Bonbardaketa gogoan hartu zuen euskal-uruguaitar jende talde batek Montevideoko Guernica Plazan egindako ekitaldi batean, herri bizkaitarraren bonbardaketa kari. Enrique Poittevin FIVUko lehendakariak hitz hunkigarriak zuzendu zizkien bertaratutakoei eta Euskaro eta Haize Hegoa euskal etxeek deiturik bildu ziren lagunei.

Gehiago irakurri...


Idahoko KTVB telebista Euskal Herrian barrena ibili da egunotan, Xanti Alcelay boisetarra gidari (bideoak)

2015/05/04

Saioko aurkezleak, Brian Holmes eta Mark Johnson, zuzeneko konexioa egiten Idahokin Oñatitik (irudia KTVB.com

Uztailean Boisen egingo den Jaialdi festa dela eta, bertako 7. Kanaleko TV talde bat Euskal Herrira etorri eta erreportaje sorta egiten aritu da, idahotarrei euskaldunen sorterria erakusteko. Gidari berezi bat izan dute, Xanti Alcelay, taldeko kamera; aita Oñatikoa du Xantik eta hantxe hasi zuten ibilbidea. Bilbon, Gernikan, Gasteizen eta Donostian izan dira eta, esaterako, Athleticeko jokalariak eta Urkullu lehendakaria elkarrizketatu dituzte, batzuk zein bestea Boisera bilduko direlako uztailean. Ikus bideoak!

Gehiago irakurri...


Rosarioko Zazpirak Bat-ek Aberri Eguna eta Gernikako Bonbardaketa izan zituen gogoan ekintza banatan

2015/05/04

Bonbardaketaren urteurren egunean, Rosarioko Zazpirak Bat euskal etxeak bat egin zuen beste hainbat euskal erakunderekin euskaldunek jasotako erasoa gogoratzeko (argazkia EE)

2015eko elkarretaratzeen egitarauari eman zion hasiera Rosarioko euskal etxeak euskal gizataldearen barnean garrantzi handia duten bi data ospatuz, Aberri Eguna eta Gernikako Bonbardaketaren urteurrena. Berri honekin batera, Zazpirak Bat-ek jakinarazi du abiatu direla ddagoeneko euskal etxean dantza eta euskara klaseak eta baita Zine Zikloa ere. 

Gehiago irakurri...


Euskaltzaleok elkarteak argazki lehiaketa jarri du abian, "Euskal aztarnak Valentzian" gaiarekin

2015/05/04

Valentziako Euskaltzaleok elkartearen aurreneko Argazki Lehiaketaren afitxa

Valentziako Euskaltzaleok elkarteak argazki lehiaketa deitu du, eta iragan maiatzaren 1az geroztik irekita dago lanak bidaltzeko epea. Lehiaketaren gaia "Euskal aztarnak Valentzian" da, eta edonork parte har dezake. Argazkiak bidaltzeko azken eguna ekainaren 7a izango da. Partehartzaile bakoitzak gehienez 5 argazki aurkez ditzake.

Gehiago irakurri...


Frantziako euskal etxeek bilkura egingo dute bihar Paueko Lagunt eta Maita euskal elkartean

2015/05/01

Paueko dantzari gazteen taldea, elkarteak apirilean egin zuen Amicale festan (argazkia Pau EE)

Paueko Lagunt eta Maita euskal etxeak Frantziako beste euskal elkarteak hartuko ditu bihar. Pariseko eta Bordeleko euskal etxearekin batera bilera egingo dute, eta euskal etxeen proiektuei eta egunerokotasunari buruz mintzatuko dira. Bertara bilduko da baita ere Asier Vallejo, Kanpoan den Euskal Komunitatearentzako Jaurlaritzako zuzendaria, bere bulegoko Manu Meaurio teknikariarekin batera..

Gehiago irakurri...


Gardnervilleko Lekumberry familia, Douglas County Historical Society-ren ekimen berriko lehen protagonista

2015/05/01

Gardnervilleko JT euskal ostatua kudeatzen dute Lakumberrytarrek. Marie-Louiseren ustetan ohorea da bertakoen historia bere familiarenaren bitartez kontatzea (argazkia JT)

Nevadako Douglas County Historical Society-ren helbururik behinena, historia mantendu eta zabalduz, herritarren eta bisitarien bizitza aberastea da. Webgunean azaltzen duen pentsamolde honi jarraiki, igande honetan, maiatzaren 3an, historia programa berria hasiko dute, hiriko Lekumberry familia euskalduna protagonista. "Ohorea da guretzat", onartu dio euskaraz EuskalKultura.com-i herrian bertan jaioa euskaltzale aktiboa den Marie-Louise Lekumberry-k.

Gehiago irakurri...


Topaketa jendetsua antolatu zuen Euskadiko euskal-venezuelar elkarteak iragan astean Galdakaon

2015/05/01

2015eko Euskal Venezuelar Elkarretaratzeko bazkaria Galdakaon. Jatetxeko zenbait aretotan banatu behar izan zuten (argazkia EuskalKultura.com)

Ehun partaidetik gora bildu ziren joan den astean Euskadiko Simon Bolivar elkarte euskal-venezuelarrak antolatuta Galdakaon egin zen urteko bileran. Elkarretaratzeak iaz baino lagun gehiago bildu zituen, hiru belaunalditako kideak 90 urtetan zeudenak eta laupabost urtetakoak, euskal eta venezuelar sentimentuak lokarri. 

Gehiago irakurri...


Literaturak, hitzaldiek eta musikak bermatuko dute euskal kulturaren presentzia Buenos Aireseko 41. Liburu Azokan

2015/04/30

2009ko Liburu Azokako euskal standa (argazkia EuskalKultura.com

Urtero bezala, bere azken argitalpenen berri emango du 2015ean ere Juan de Garay Fundazioak Buenos Aireseko Nazioarteko Liburu Azokan. Euskal standa maiatzaren 11 arte egongo da ikusgai eta bertan bilduko dira idazleak eta Argentina zein Euskal Herriko hainbat argitaletxeren lanak. Ekitaldi nagusia, hitzaldiak eta kontzertua barne, datorren asteartean, maiatzaren 5ean, izango da, Azokako Domingo F. Sarmiento Aretoan.

Gehiago irakurri...


© 2014 BasqueHeritage S.L.

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia