euskalkultura.com

euskal diaspora eta kultura

Albisteak rss

Euskal sukaldaritza oinarri hartuko duen Aatxe jatetxea zabalduko dute gaur San Frantziskon

2015/04/17

Aatxe jatetxeko chefa Euskal Herrian ibili izan da trebatzen; sukaldaritzarekin batera koktel zerrenda luzea ere eskainiko du barran

San Frantziskoko biztanleek gune berria izango dute gaur arratsaldeaz geroztik euskal jakiez gozatzeko: Aatxe jatetxea, hiriko The Castro auzoan. Ryan Pollnow chefa izango du buru, jabeek Hoodline.com webguneari adierazi diotenez, “Donostiako pintxoen kulturaz” maitemindutako sukaldaria. “Eragin euskalduna izango duen Kaliforniako sukaldaritza” izango omen da historikoki euskal tradizio luzea duen San Frantziskon jatetxe berriak eskainiko duena.

Gehiago irakurri...


Euskal Komunitatearentzako zuzendari Asier Vallejo FIVU, FEVA eta euskal etxeekin batuko da Argentina eta Uruguain

2015/04/17

Asier Vallejo Euskal Komunitatearentzako zuzendaria artxiboko irudi batean (argazkia EuskalKultura.com)

Atzo abiatu zen Asier Vallejo Itsaso, Eusko Jaurlaritzako Kanpoan den Euskal Komunitatearentzako zuzendaria Uruguai aldera. Asteburuan Montevideon izango da eta bilerak egingo ditu herrialde honetako euskal etxeetako arduradunekin. Datorren astean Argentinara joan eta zenbait euskal etxe bisitatu eta apirilaren 25ean FEVAk Buenos Airesen egingo duen Urteroko Batzarrean parte hartuko du.

Gehiago irakurri...


‘Esne saltzailearen Bira’ lasterketak, esnearen bideko herriak lotuko ditu Buenos Aires aldean, Zazpirak Bat antolatzaile

2015/04/17

 ‘Esne saltzailearen Bira’ zabaltzeko afixa

Parte hartzaileek auto klasikoak gidatuko dituzte eta Cañuelas eta General Las Heras herrien artean dauden 50 kilometroak egin behar izango dituzte. Behin lasterketa bukatuta, Gral. Las Herasen bertan egingo da sari-emate ekitaldia eta euskal bazkaria eskainiko zaie gidariei. Hitzordua igande honetan da, goizeko 9etan, eta elkargunea, 205. errepidearen hasiera, Cañuelasko Golf Klubaren parean.

Gehiago irakurri...


Argentinako gero eta euskal etxe gehiago ari dira bat egiten ‘Erabakia Ehuntzen’ ekimenarekin

2015/04/17

San Nicolaseko Euskal Etxeak egindako oihala

‘Erabakia Ehuntzen’ egitasmoaren baitan apirilaren 25ean egingo den Ehuntze Eguna izeneko aktibitateari begira, euskal etxe ugari ari dira euren ekarpena prestatzen La Platara bidaltzeko, euskal etxeetatik helarazten ari diren berrien arabera. Gogora dezagun Gure Esku Dago dinamikak luzatutako deialdiaren bidez, Diasporako atxikimenduek ere osatuko dituzte ekainaren 21ean Euskal Herrian eraikiko diren hautestontziak. 

Gehiago irakurri...


32 baleazaleen hilketaren 400 urteurrena: Islandia eta Euskal Herriaren arteko harremana, igandetik aurrera aztergai Reykjaviken

2015/04/16

Holmavik herrian gertatu zen euskaldunen sarraskia, 1615ean (argazkia Jay Kumar/Creative Commons)

Islandia eta Euskal Herriaren arteko harremanak ez dira beti tenore onekoak izan; are gehiago, ekintza lazgarri batek markatu zituen 1615an: Islandiako kostaldean ontziak galdu zuten 32 euskal baleazaleen hilketa. Orain, gertaera haren 400 urteak betetzen direnean, nazioarteko mintegi batek bi herrialdeen arteko harrremana aztertuko du Reykjavik-en. Horrez gain, bi nazioen arteko adiskidetze ekitaldi sinboliko bat egingo da sarraskia gertatu zen Holmavik herrian.

Gehiago irakurri...


Argentina, Peru, Txile, Venezuela eta Uruguai partaide, gaur hasiko da Montevideon VIII. Mercomus Txapelketa

2015/04/16

2011n ere Uruguain izan zen Mercomus Txapelketa, Euskaro EEak antolatua Piriapolis-en. Irudian, elkarteko Arin lehendakaria inaugurazio ekitaldian (argazkia Irekia)

Bikote parte hartzaileak Argentina, Peru, Txile, Venezuela eta Uruguaitik etorriak dira eta gaur ostegun goizean hasiko VIII. MercoMus Txapelketa honetako partidak jokatzen, edizio honetan euskal etxea antolatzailea Montevideoko Euskaro EEa delarik. Bikote partaideak eta delegazioak atzo arratsaldean iritsi ziren hiriburu uruguaitarrera eta ongi-etorri ekitaldi eta topa-egite batean hartu zuten parte gaur goizeko 9etan lehian hasi aurretik. Norgehiagoka larunbatean afaldu bitartean egingo den sari ematearekin bukatuko da.

Gehiago irakurri...


Sonia Hernandez, Valladolideko Gure Txoko: "Pozgarria da ikustea zure euskara ikasleak aurrera ari direla"

2015/04/16

Sonia Hernandez Albistegui

Eibartarra da Sonia Hernandez Maiztegui eta 39 urte dauzka. Hamazazpi urte zituela atera zen etxetik Alacanteko Unibertsitatera Optika eta Optometria ikastera. Gero pare bat urte Palentzian eta duela 15 urte Valladolidera iritsi zen. Hiri gaztelar horretan bizi da geroztik, optika batean lanean bazkide. Familia ere bertan sortu du, Valladoliden jaio baitzaizkio bi alabak. "Ane eta Iraia bertakoak dira... eta euskaldunak, nik ezin baitiet beste hizkuntza batean hitz egin", zehaztu digu.

Gehiago irakurri...


Necocheako Euzko Etxeak 70 bete ditu gaur, plaka eta ekitaldi batekin oroiturik, jai nagusia astebururako utziz

2015/04/15

Necocheako Euzko Etxearen sarrera nagusia artxiboko irudi batean, Korrikaren aurreko edizioan

Necocheako Euzko Etxeak 70 urte beteko ditu gaur. Historikoki Argentinako euskal etxe handienetako bat den honek instalazio zabalak eta pisu handia dauka, izena ere euskal jatorrikoa duen Necochea Buenos Aires probintziako hegoaldean dagoen kostaldeko hirian, Mariano Jose Necochea guraso nafarren generalarengandik hartua. Urtebetetze eguna gaur izanik, ekitaldi sinboliko bat eta plaka desestaltzea egingo da egoitzako hall-ean, baina festa ekitaldia asteburura pasatu da.

Gehiago irakurri...


Korrika munduan zehar nola ibili zen ikusi nahi? Hona hemen aurtengo bideoen bilketa!

2015/04/15

Buenos Aireseko Euskal Echea ikastetxeko gaztetxoak ere Korrikaren alde! (argazkia Euskal Echea)

Valentziatik Habanara, Korrika 19 munduan barrena ibili da aurten, euskal etxeek eta etxetik kanpo diren ehunka euskaltzalek antolatutako ekitaldiei esker. Azken egunotan, ekitaldi horiei buruzko hainbat argazki eta kronika argitaratu ditugu; orain, berriz, kontaketa hori osatzeko munduan zehar izan diren Korriken bideoak bildu ditugu. Aurten, inoiz baino gehiago, Korrika mundiala izan delako!

Gehiago irakurri...


Zirrara handia eta etorkizunerako apustua Viedma eta Patagones hirien euskal etxearen inaugurazioan

2015/04/15

Beti Aurrera Aberri Etxea euskal etxearen inaugurazioa martxoaren 27tik 29ra burututako ekintzen programa batekin ospatu zen (argazkia EE)

“Zalantzarik gabe, egun ahaztezina izango da hau gure herrientzat; euskal etxearen aurreko batzordekideen ametsa bete dugun eguna”, adierazi zuen inaugurazio hitzaldian Beti Aurrera Aberri Etxea euskal etxeko egungo lehendakaria den Maria del Carmen Elzaurdiak. Egoitza berrian sartzeko zerrendak moztu eta gero, otordu bat eskaini zitzaion ehundik gora gonbidaturi.

Gehiago irakurri...


© 2014 BasqueHeritage S.L.

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia