euskalkultura.com

euskal diaspora eta kultura

Albisteak rss

EuskalKultura.com-eko zuzendari Joseba Etxarrik NABOren Bizi Emankorra saria jaso zuen Boisen

2015/08/01

Joseba Etxarri, Bizi Emankorra saria jasotzen NABOren presidente Valeria Echarrenen eskutik

Atzo, North American Basque Organizations (NABO) elkartearen bilkuran, Bizi Emankorrak sariak eman zituen Ipar Ameriketako euskal etxeen fedeeazioak. Sari hauek AEBetako euskal komunitatearen alde egindako lana aintzat hartzen dute, eta aurtengo sarituetako bat EuskalKultura.comeko zuzendari Joseba Etxarri izan da. Beste sarituak Izaskun Kortazar, Benan Oregi eta John Ysursa izan ziren. Zorionak lauroi!

Gehiago irakurri...


Jaialdi 2015: NABO bilkura eta eskerrak AEBetako euskal jairik handiena antolatzen duten bolondresei (argazkiak)

2015/08/01

Al Erquiaga, Gerri Achurra eta Gaizka Malone, Jaialdiko antolatzaileen izenean Eusko Jaurlaritzaren esker ona jasotzen (argazkia EuskalKultura.com)

Jendez gainezka zegoen Boise atzo, Jaialdiren asteburu handiaren usainean. Atzo Eusko Jaurlaritzak AEBetako euskaldunei egin zien harrera ekitaldian omenaldia jaso zuten Diasporako euskal festarik handiena antolatzen duten bolondresek. Beste omenaldi bat, kasu honetan ezustekoa eta ahobatekoa, jaso zuen ere Grace Mainvilek, urte askotan NABOren diruzain izan denak, osasun arazoengatik kargua utzi beharrean dela azaldu zuenean. Besarkada bero bat, Grace! Jarraian, argazki kronika.

Gehiago irakurri...


Emanaldiak, bisitak eta aspaldiko ametsa --.baita ezkontza bat ere!-- betetzeko aukera Mar del Platako Beti Alai dantzarientzat

2015/07/31

Mar del Platako Denak Bat-eko dantzariak Gernikan (argazkiak Uzturre Munduan)

Uztailaren 25ean lurreratu ziren Mar del Platako Denak Bat euskal etxeko 26 gazte Euskal Herrian eta ordutik aurrera ez dira batere gelditu. Euren lehenengo emanaldia dagoeneko eman dute. Getxon, bigarrena gaur bertan izango da Zubietan eta programa Gorlizen eta Hendaian eskainitakoekin osatuko da. Bitartean, Euskal Herriko hiri nagusiak eta leku adierazgarrienak bisitatzen ari da talde argentinarra. 

Gehiago irakurri...


Jaialdi 2015: Erabakitzeko eskubideari buruzko mintegiak jakinmin handia piztu zuen Boisen

2015/07/31

Ibarretxe lehendakaria, Boisen, "Together or nothing at all" mintzaldian parte hartzen (argazkia EuskalKultura.com)

Aurrera darraite Boisen Jaialdi 2015en inguruan antolatutako makina bat euskal ekitaldi eta jarduerek. Atzo, uztailaren 30ean, festa eta kulturaz gain, politikarentzako tartea ere izan zen, "Together or nothing at all" (Elkarrekin edo ezer ez) izeneko mintegiarekin. Erabakitzeko eskubideari buruzko hausnarketa egin zuten Ibarretxe lehendakariak (ALC), Columbia Unibertsitateko Joshua Fisher doktoreak eta Gure Esku Dago ekimeneko Jon Camiok. Eguneko argazki kronika, jarraian.

Gehiago irakurri...


Colorado-ko Breckenridge herrian sukaldaritza profitatu dute euskal kulturara hurbiltzeko

2015/07/31

Ikasleek Euskal Herriaz ezer gutxi jakin izanak jo du, Buchanan sukaldari eta irakasleak, arrakastaren gakotzat (Irudiak: I.B. eta E.K.)

Ian Buchanan sukaldariak euskal jakiak prestatzen irakatsi zien, atzo, Colorado-ko Breckenridge herriko CM eskolara hurbildutako hamabi ikasleri. Lepo zegoen klasea, hori baita izan zezaketen ikasle kopuru gehiena, eta itsaski eta arrainean oinarritutako menua prestatu zuten. Irakasleak EuskalKultura.com-i adierazi legez, “euskal kulturaz ezer gutxi jakin izanak erakarri egin du jendea”.

Gehiago irakurri...


Musika, dantza, festa eta giro ederra Boisen Jaialdi 2015 euskal topaketaren bigarren egunean

2015/07/30

Amuma Says No talde boisetarra giroa berotzen Jaialdin

Asteazkean ekitaldi ugari egin ziren Boisen, eta guk egunero bezala, argazki kronika baten bidez bildu ditugu.  Euskal Ikasketen Mintegiaren inaugurazioa, "Meet the Basques" ekitaldia, musika eta dantza kaleetan, eta gurekin ez dauden hiru Jaialdi zale handiei agurra, gaurko irudietan. Horien artean dugu gure selfie lehiaketaren aurreneko irabazlea, Antonia Sangroniz. Zorionak!

Gehiago irakurri...


"The Basques in the United States" liburua aurkeztuko da Boisen, 10.000 euskal emigranteen datuekin

2015/07/30

"The Basques in the United States" ikerketa bi liburutan argitaratu da

Gaur aurkeztuko da Boisen "The Basques in the United States" liburua, Boiseko Unibertsitateko "Joan Etorria" Euskal Ikasketa Mintegiaren barruan. Lan hau Koldo San Sebastian kazetaria buru izan duen hamar urtetako ikerketaren emaitza da. Bertan AEBetako Oestera joan ziren 10.000 euskaldunen izenak jasotzen dira, argazki, jatorri eta datu biografikoekin batera.

Gehiago irakurri...


Mar del Plata hiria izango da 2015eko Nazioarteko Mus Txapelketaren egoitza urriaren 31tik azaroaren 8ra

2015/07/30

38. Nazioarteko Mus Txapelketaren webgunea

Argentinan jokatuko da aurten Nazioarteko Mus Txapelketa, Mar del Platako Denak Bat euskal etxea antolatzaile. Lehiaketaren 38. edizioa astebetez luzatuko da eta partiden programaz aparte, beste hainbat ekitaldi ari dira prestatzen anfitrioiak bikote parte-hartzaileentzat. Muslarien eta laguntzaileentzako voucherren prezioak eta aste osoko egitaraua, EuskalKultura.com-eko artikulu honetan.

Gehiago irakurri...


Hasi da Jaialdi 2015 eta Boiseko Basque Block-a munduko euskaldunen bilgune bihurtu da

2015/07/29

Boiseko euskaldunak Euskal Herritik etorritakoei harrera egiten Basque Block-en

Atzo abiatu zen Boisen Jaialdi 2015 euskal festa erraldoia, eta giro bikaina izan zen Basque Block euskal auzoan, musika, jan-edan  eta beste ekitaldiekin. Jende mordoxka bildu zen bertara, Boiseko euskaldunak agurtzera, beste estatuetako aspaldiko lagunak agurtzera, edo, besterik gabe "heldu gara!" esatera. Une eder eta zirraragarri honetako zenbait argazki heldu zaizkigu dagoeneko. Bidali zuk ere zurea (#Jaialdi2015 eta #EuskalKultura traolekin) eta sari ederrak irabazi ahalko dituzu!

Gehiago irakurri...


Boisera itzuli da Jone Goirigolzarri Garaizar, euskal gaien inguruko sinposioan parte hartzeko

2015/07/29

Pozarren dago Jone, bost urteren ostean, AEBetara itzultzeaz; modu horretan, doktoretza tesiaren zikloa zarratutzat jo du Deustuko Unibertsitateko irakasleak (Argazkia: J.G.G.)

Gaur eta bihar, Jaialdi 2015 programaren alsamenean, Boisen (Idaho, AEB) egingo den ‘Joan Etorri’ izeneko euskal ikasketa sinposioan hartuko du parte Jone Goirigolzarri Garaizar (Getxo, 1984) doktoreak. Berak defenditutako doktoretza tesiaren emaitzak aurkeztuko ditu bertan, bai eta lagunekin batu eta AEBetan urteak daramatzan Asueta familiarekin biziz. EuskalKultura.com-i esan dio “oso pozik" dagoela berriz ere hemen egoteaz. "(Doktoretzako) Proiektua CBSen idatzi neban, orain bost urte, eta tesia aurkeztera hona itzultzea ziklo bat ixtea modukoa da”.

Gehiago irakurri...


© 2014 BasqueHeritage S.L.

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia