euskalkultura.com

euskal diaspora eta kultura

Albisteak rss

Hitzaldi bana emango dute EH Bilduko Jasone Agirrek eta Gure Esku Dago-k ‘Buenos Aires Celebra’ren bezperan

2018/04/25

Maiatzaren 5ean hitzaldi bana eskainiko dute Buenos Airesen Jasone Agirrek (EH Bildu) eta Angel Oiarbidek (Gure Esku Dago)

'Buenos Airesek EH ospagai' (BAC) kale-ospakizuna, maiatzaren 6an, Argentinako eta munduko euskal diasporaren datorren hitzordu handia da, aukera ederra Euskal Herriko eragileak bertaratu eta euskal argentinar diasporakideekin biltzeko. Honela, Iruñea eta Gasteizko gobernuetako ordezkariez gain, iragarria dute euren presentzia argentinar hiriburuan Jasone Agirre EH Bilduko Diasporarako idazkariak, eta Gure Esku Dago ekimeneko partaide eta ordezkari diren Angel Oiarbide eta Iñigo Urrutiak.

Gehiago irakurri...


Euskadik eta Kolonbiak esperientziak partekatuko dituzte bakearen, elkarbizitzaren eta giza eskubideen aldeko hezkuntzaren alorrean

2018/04/24

Kanpo Harremanetarako idazkari Marian Elorza, Urkullu lehendakaria eta Txile, Peru eta Kolonbiarako Euskadiren ordezkari Rafael Kutz

Eusko Jaurlaritzaren Gobernu Kontseiluak gaur astearte goizeko bileran baimendu du hezkuntzaren, elkarbizitzaren eta giza eskubideen arloko esperientziak partekatzea sustatzeko Kolonbiako Gobernuaren eta Eusko Jaurlaritzaren arteko Asmoen Gutuna. Lehendakariak 2017ko maiatzean Kolonbiara egindako bidaia ofizialaren baitan izandako harremanen eta Kolonbiako Hezkuntza Ministerioaren Gatazka Ondorenerako Hezkuntza Planaren emaitza da ekintza.

Gehiago irakurri...


Bonbardaketaren 81. urteurrena: Buenos Airesko CCK Kultur Guneak jardunaldiak hasiko ditu bihar Agirre Lehendakariari buruz

2018/04/24

'Agirreren bidaia' zine zikloa CCK Kultur Gunean

Buenos Airesko Centro Cultural Kirchner (CCK) kultur guneak --Hego Amerikako handiena eta modernoena, Postetxe Zentraleko eraikin ohian-- Gernikako Bonbardaketaren urteurrena gogoratzeko helburua izango duen ekitaldia baitaratuko du bihartik hasita apirilaren 25etik 27ra. Ekitaldiak Jose Antonio Agirre lehendakariaren erbesteratzean sakontzen duen ‘Agirreren Bidaia’ zinea zikloa hartuko du ardatz, zenbait mahai ingururekin, Buenos Airesko euskal etxeetako ordezkariak partaide.

 

Gehiago irakurri...


Zabalik ‘Hator Honan izena emateko epea: deia EHko gazteei Argentinara etorri eta partaide izan daitezen

2018/04/23

Badator 2018ko 'Hator Hona'

Gonbitea 18 eta 30 urte arteko Euskal Herriko zazpi lurraldeetako gazteei dago zuzenduta. Necocheako Euzko Etxeak bultzatzen duen truke programa honen aurtengo edizioa uztailaren 13tik abuztuaren 3ra luzatuko da eta interesatuek maiatzaren 18ra arte bidal dezakete eskaera. Gazteek Necochearainoko bidaia ordaindu beharko dute eta Euskal Etxea gazteen alokairu eta otorduez arduratuko da. Haututakoek euskal kulturari lotutako tailerrak emango dituzte hiru astez euskal etxeko eta auzoko jendea partaide.

Gehiago irakurri...


Etxepare Institutua, Agirre Lehendakaria Center eta McGill Unibertsitatea lankide Montrealen euskal katedra bat sortzeko

2018/04/23

Sinadura ekitaldian Juan Jose Ibarretxe (ACL), Bingen Zupiria (EJ), Irene Larraza (Etxepare Institutua) eta Philip Oxhorn (McGill) (arg. Irekia)

Kultura eta berrikuntza soziala izango ditu ardatz, eta Quebec eta Euskal Herriaren arteko ikuspegi konparatua landuko du. McGill Unibertsitateko eta Euskal Herriko ikerlari eta akademikoen elkartrukea sustatuko du. McGill Unibertsitateko CRIEM (Centre de recherches interdisciplinaires en études montréalaises) zentroan egongo da kokatuta, eta kultura eta berrikuntza soziala izango ditu ardatz.

Gehiago irakurri...


Euskal migrazioa atzerrian aztergai uda ikastaroetan, Kanpoan den Euskal Komunitatearentzako Zuzendaritzaren eskutik

2018/04/20

"Migrazioa eta mugikortasuna kanpoan den Euskal Komunitatean" udako ikastaroa Azkoitiko Intsausti Jauregian egingo da (arg. Mapio.net)

Kanpoan den Euskal Komunitatearentzako Zuzendaritza antolatzaile, uztailaren 12an (osteguna) eta 13an (ostirala), eta 2018ko EHU/UPVko Udako Ikastaroen baitan, Azkoitiko Udalarekin eta Euskalerriaren Adiskideen Elkartearekin lankidetzan, "Migrazioa eta mugikortasuna kanpoan den Euskal Komunitatean" izeneko ikastaroa egingo da, Azkoitiko Intsausti Jauregian.

Gehiago irakurri...


Gero eta gertuago dago ‘Buenos Aires Celebra’: euskal erakusketa erraldoia maiatzaren 6an izango da, Etxe Arrosa ondoan

2018/04/20

2018ko Buenos Airesek Euskal Herria ospagai maiatzaren 6an izango da

Argentinako euskal kultur adierazpen ugari bilduko ditu aurten ere ‘Buenos Aires Celebra’ (BAC) edo ‘Buenos Airesek Euskal Herria ospagai’ erakustaldiak. Egun osoko ekitaldia maiatzaren 6an izango da, Mayo etorbidean –Etxe Arrosatik metrotara– eta milaka bisitari espero ditu Laurak Bat Euskal Etxeko antolatzaileek. Euskal Herritik etorriko dira, besteak beste, Kanpoan den Euskal Komunitatearentzako zuzendari Gorka Alvarez Aranburu, Jasone Agirre parlamentaria eta Gure Esku Dago dinamikako ordezkariak.

Gehiago irakurri...


Mercomus 2018 amaitu da Montevideon: Mar del Platako argentinarrak txapeldun eta bikote peruarra bigarren

2018/04/19

2018eko MercoMus-eko irabazleak

Hamasei bikotek hartu dute parte aurten Montevideon jokatu den MercoMus lehiaketan. Txapela, ordea, bakarrari egotzi zaio eta Argentinara joan da, Mar del Platako Juan Gonzalez eta Luis Mari Vicente bikotearen eskutik. Uruguaitar hiriburuko Euskaro Euskal Etxe anfitrioiek zein muslari partaideek ekimenaren balantze ezin hobea egin dute eta euren burua bertan, Uruguain, jokatuko den 2020ko Mundu Txapelketari begira jarri dute.

Gehiago irakurri...


Valparaisoko Euskal Etxeak "Gernikako Bonbardaketa" erakusketa abiatu eta "Markak" dokumentala emango du apirilaren 26an

2018/04/18

Viña-Valparaisoko Eusko Etxearen liburutegia zabaltzeko festa joan den urtarrilaren 26an

2018 urte osorako bere programa bidali digu Valparaisoko Euskal Etxeak, Txilen, eta bertan datorren astean nabarmentzen da Gernikako Bonbardaketaren urteurreneko egun berean Valparaisoko Udaletxean zabalduko duten "Gernikako Bonbardaketa" erakusketa eta pantailaratuko duten "Markak" dokumentala, Euskadiren Ordezkaritza eta Valparaisoko Alkatetza bera lankide antolatua. Euskal Etxeak urtean zehar eratu dituen bestelako proposamen dira Iñaki Deuna, Diasporaren Eguna edo Euskal Astea-Euskararen Eguna baita ere euskara, zinema, musa, dantza, gastronomia...

Gehiago irakurri...


Euskal kolektibitatea, gizatalde partaide bakarra Concepcion del Uruguaiko 2018ko ‘Expo Concepción’ erakustaldian

2018/04/18

Concepcion del Uruguayko Ibai Txori Euskal Etxea 2018ko 'Expo Concepcion'en

Bi urtean behin egiten da Concepcion del Uruguay hiri argentinarrean eskualdeko sektore produktiboen erakustaldia den ‘Expo Concepción’. Antolatzaileek gonbidaturik, Ibai Txori Euskal Etxeak ere parte hartu du aurten, kultur eta sukaldaritza stand baten ardura harturik. Urte osoko ekitaldiak zabaltzeko aprobetxatu dute Euskal Etxeko kideek, tartean, datorren astean bertan, Handia filmaren emanaldia, apirilaren 27an, erakundearen Zine Zikloaren baitan.

Gehiago irakurri...


© 2014 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.com

jaurlaritza gipuzkoa bizkaia