euskalkultura.com

euskal diaspora eta kultura

Albisteak rss

Agurtu, animoak eman edota zure sentimenduak adierazi nahi dituzu? Orain euskal emotikonoekin egin dezakezu!

2017/07/21

Euskalmoji zure mugikorrean

Berri-berria da mugikorretako euskal emotikonoak dakartzan aplikazioa. Euskalmoji izeneko aplikazioa Android eta iOS sistema eragileetan erabil daiteke, doan, eta oso erraza da jaitsi, instalatu eta erabiltzea. Euskal emotikonoek euskal kulturaren alde anitzak irudikatzen dituzte, hala nola kirolak, sukaldaritza, jai tradizionalak eta euskarazko esamoldeak, eta edozein aplikaziotan eta sare sozialetako aplikazioetan sar daitezke.

Gehiago irakurri...


2017ko Euskal Argentinar Astean parte hartzeko voucherren prezioak jakinarazi ditu San Nicolaseko Euzkal Etxeak

2017/07/21

San Nicolaseko Euskal Etxeko patioa eta euren paella tipikoak (argazkia Maru Maiztegui)

Azaroaren 6tik 12ra izango da aurten Euskal Aste Nazionala eta egoitza, lehenengo aldiz, San Nicolas hiriko Euzkal Etxea izango du. Programa bideratuta dago eta EuskalKultura.com-en dagoeneko jakinarazi dugun legez izen handiko artisten emanaldiak eta politika erreferenteen hitzaldiak ere badira tarteko, besteak beste. Orain, Euskal Etxeak voucherren kostuak zabaldu ditu: prezioak merkeagoak izango dira ordainketa irailaren 15a baino lehen egiten bada.

Gehiago irakurri...


Gaur hasiko dira Wyoming-eko Buffalon 2017ko NABOko Biltzar Nagusiko eta bertako Euskal Festen programa

2017/07/20

Buffaloko azken NABO Biltzar Nagusi eta Festetakokabalkada (argazkia EuskalKultura.com)

Guztia prest dago Wyoming-eko Buffalon 2017ko NABOko Biltzar Nagusiko eta bertako Euskal Festen programaren txupinazuari ekiteko. Gaur abiatuko dira lehenengo ekitaldiak, musikari lotuak, hainbat musikari eta musika talde euskal-amerikar partaide. Estatu Batu Mendebaldeko herriska tipiko hau, bertako biztanle euskaldunak eta euskal etxe eta komunitatea, baina baita Udala eta gainerako herritarrak ere gogor aritu dira lanean guztia prestatzeko. Emaitzak, gaurtik igandera bitartean ikusiko dira.

Gehiago irakurri...


AEBetako presidenteordea, Nevadako fiskal nagusi Adam Laxalt-en "Basque Fry" festan partaide izango da abuztuan

2017/07/20

Adam Laxalt Nevadako fiskal nagusia, 2016ko Basque Fry ekitaldian hizlari

Jaia eta politika elkartzen dituen "Basque" marka daraman ekitaldi honetako antolatzaileek Mike Pence presidenteordearen partaidetza baieztatu dute abuztuaren 28an Gardnervilleko arrantxu batean egingo den "Basque Fry" ekimenera. Urterokoa izateko bokazioz 2015ean sortutako hitzordu hau oihartzuntsua izan da oso orain artean, eta proiekzioa eman dio 2018ko hauteskundeetan Nevadako gobernadoretzara aurkeztu nahiko lukeen egungo Nevadako fiskal nagusi Adam Laxalt-i.

 

Gehiago irakurri...


Deabru Beltzak euskal konpainiak antzerkia eskainiko du Montreal-en, hiriaren 375. urteurreneko ospakizunetan

2017/07/19

Deabru Beltzak-ek aste honetan Montrealen eskainiko duen Les Tambours de Feu ikuskizuna

Deabru Beltzak euskal kale-antzerki konpainia Montrealen (Quebec, Kanada) egongo da gaurtik uztailaren 24ra, hiriaren 375. urteurrenaren harira antolatu diren ekitaldietan parte hartzeko. Euskal antzerkilariek Les Tambours de Feu kaleko ikuskizuna eskainiko dute egunero bertako hiri erdigunean.

Gehiago irakurri...


Leon Giecoren ‘La memoria’ kantuaren euskarazko bertsioa dakar Argentinan argitaratu berria den 'Memoria AMIA' liburuak

2017/07/19

'La memoria' abestiaren euskarazko azpitituluak Buenos Aireseko Euskaltzaleak-ek egin du

Argentinako elkarte israeldarra da AMIAk eta argitaratu berria du ‘Memoria AMIA’ liburua, Leon Giecoren ‘La memoria’ abesti ezagunaren bideoa nola filmatu zen azalduz. Gogora dezagun bideoan 1994ean Buenos Aires kolpatu zuen AMIAren kontrako atentatuaren biktimak oroituz egin zela eta hainbat sari garrantzitsu lortu dituela, 5 milioi erreprodukziora iritsiz. Lana 15 hizkuntzatan azpititulatu dute, tartean euskara. Euskal bertsioa Buenos Airesko Euskaltzaleak-eko ikasle eta irakasleek egina da.

Gehiago irakurri...


Euskal etxeetako banderadunek bat egin dute Independentzia Eguneko desfileetan, ikurriña eta argentinarra eskuetan

2017/07/18

Uztailaren 9ko Tandilgo desfilean Gure Etxea Euskal Etxeko ordezkariak

Independentzia Argentinarraren 201. urteurrena ospatu berria da aurten, uztail honen hasieran, eta urtero bezala herrialde osoko udalek desfile zibiko-militarrak antolatu dituzte 1816ko uztailaren 9an Tucuman hirian jazo zen Independentzia Adierazpena gogora ekartzeko. Independentzia prozesu horretan euskal jatorrizko jendea egon zen bezala, kabalkadetan ere hartu du parte euskal kolektibitateak oraingoan, gainera, bandera argentinarren ondoan ikurrinari ere gogor eutsiz.

Gehiago irakurri...


Javier Martija ajangiztarra, jai-alai plazetan Marti izenez jokalari izan zena, egoera kritikoan, istripu baten ostean

2017/07/18

Miamitik, bertako Euskal Etxearen eta euskal bizitzaren animatzaile eta sustatzaile nabarmen den Boni Guenetxeak idatzi digu berri txarra emateko: Javier Martija lagun ajangiztarra, zesta-punta kantxetan Marti izenez jokatu zuen pilotaria, egoera kritikoan dago, Bridgeport (Connecticut) inguruan, lan-istripu gogor bat izanda, eskilara batetik txarto jausi ondoren. Bereziki pilota munduan eta New England aldean zein Floridan dauzkan lagunak atsekabetuta daude, eta hobetu eta aurrerabiderako desira eta agiantza zibtzoak bidali eta animoak igortzen dizkiote bere familia eta inguru hurbilenari, fededunei bere alde otoitz egitea eskatuz.

Gehiago irakurri...


Zortzi filmeko euskal ziklo bat ari da eskaintzen uztailean Frankfurteko Deutsches Filmmuseum zine museoa

2017/07/18

Frankfurt-eko Zinema Museoa uztail honetan eskaintzen ari den Euskal Zinema Zikloko kartela

"Euskal Zinema - Filme aus dem Baskenland" izenpean Euskal Herriko zortzi izenburuko zinema zikloa ari da garatzen uztailean zehar Frankfurten bertako "Deutsches Filmmuseum" Zinema Museoa. "Azken 50 urteko euskal filmagintzaren zenbait artelan esanguratsu ikusle alemanei gerturatzeko" asmoz, ekimenak babesle izan ditu Etxepare Institutua, Frankfurteko Udal Kultura Bulegoa, Berlingo Euskal Etxea, Euskadiko Filmategia eta Goethe Unibertsitateko Hizkuntza eta Literatura Erromanistikoen Institutu, Lourdes Izagirre eta Petra Palmer koordinatzaile.

Gehiago irakurri...


Abian da ‘Hator Hona’: ostiralean egin zien harrera Necocheako Euzko Etxeak Euskal Herritik etorritako sei gazteei

2017/07/17

Necochekoa gazteek agurra dantzatuz errezibitu zituzten Euskal Herritik etorritako gazteak

Euskal Herriko sei gazte izango dira aurten Necochean Hator Hona-ko protagonista eta tailer-emaile. Seiek bizi dute hurbiletik euskal kultura eta jotzen dute instrumenturen bat, edo praktikatzen dute eta partekatu nahi dute sakonago eagutzen duten euskal kulturaren diziplinaren bat. Izan ere, beraiek eskutik emango dira tailerrak Euzko Etxean, tartean musika, dantzak, herri kirolak eta euskara bera. 2017ko Hator Hona joan den asteburuan hasi eta hiru bat astez luzatuko da, abuztuaren 4ra arte, ‘Aitona-amonen jaia’ delakoarekin eta Andra Mari Zuriaren eguneko ospakizunekin bat bukatzeko..

Gehiago irakurri...


© 2014 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.com

jaurlaritza gipuzkoa bizkaia