euskalkultura.com

euskal diaspora eta kultura

Albisteak rss

Euskal-venezuelar komunitateak bere kideetako biren nazioarteko urrats garrantzitsuak azpimarratu ditu

2016/09/23

Jon Paul Rodriguez-en argazkia eta  Asier Cazalisen marrazkia

Elkarrekin euren euskal jatorria partekatzen dute. Bi alor arrunt desberdinetan nabarmendu dira, eta komunitate euskal-venezuelarreko bi eragile diferentek eman digute euren berri. Batetik, Jon Paul Rodriguez biologoa, Caracasko Eusko Etxeko betidaniko kide, Natura Zaintzeko Mundu-Batasuneko Espezieen Bizirauteko Batzordeko buru izendatu dute. Bestetik, Asier Cazalis musikaria 2016ko Grammy Latinoetarako bi izendapen lortu ditu, "Los Caramelos de Cianuro" bere taldearekin batera. Zorionak biei!

Gehiago irakurri...


Sao Pauloko Eusko Alkartasuna euskal etxeak Pintxo Eguna ospatu zuen eta abian du Argazki Lehiaketa

2016/09/23

Brasilgo banderarekin atondutako pintxoak, Eusko Alkartasuna elkartearen Pintxo Egunean (argazkia Eusko Alkartasuna EE)

Iragan irailaren 18an Pintxo Eguna ospatu zuen Sao Pauloko Eusko Alkartasuna elkarteak, giro ederrean eta euskal-brasildar sukaldaritza fusio jator eta koloretsuarekin. Elkartekideak orain, buru belarri dabiltza Argazki Lehiaketarekin, aukeratutako argazkiei botoa emateko epea ireki baita. Boto gehien jasotzen dituztenak 2017ko elkartearen egutegian agertuko dira. 

Gehiago irakurri...


Bigarren saioa izango du astelehenean Cordoban Fidela Bernat-en ohorez antolatutako Zinema Zikloak

2016/09/23

Elba Mocoroa Gerorako lehendakariak aurkeztu zuen ‘Orai Keben-Orain Hemen’ zikloa

Orain 25 urte hil zen Iruñean Erronkariko euskararen azken hiztuna. Hori gogoan eta euskararen lekukoa jasoz, Argentinan, Cordobako Gerora Euskal Elkarteak ‘Orai Keben-Orain Hemen’, honela, erronkarieraz eta batuaz, izendatu du, lau saiotan banatuta antolatu duen Xamar-en ‘Euskara Jendea’ dokumentalaren emanaldia. Lehenengo emanaldi "zinez arrakastatsu”aren ostean, bigarrena datorren astelehean izango da. Gerorak urtea bukatu arteko beste zenbait proposamen ere aukeztu ditu.

 

Gehiago irakurri...


Euskal asteburua Montpellier-en: Frantziako Euskal Etxeen Bilkura eta Euskal Etxearen Urteroko Festa

2016/09/22

Montpellierreko Eskualduna elkartearen aurreko besta bat (argazkia Basques de Montpellier Facebook)

Montpellier-ko Eskualdunak elkartea Frantziako euskal komunitatearen erdigune izango da asteburu honetan. Hasteko, larunbatean, elkarte honetan egingo delako Frantziako euskal etxeen urteroko bilkura. Aurten bertan izango da ere aurrenekoz Marsellako euskal etxe gaztea. Ondoren, igandean, Eskualdunak-ek urteroko Euskal Festa egingo du. Lagun asko bilduko dira bertara, gazte eta heldu, Jean Louis Bergara eta Beñat Chaubadendeguy musikarien doinuekin gozatzeko prest.

Gehiago irakurri...


Datorren astea azken epea iraileko zozketarako: Pintxoak Donostian, liburua, CDak eta DVDa

2016/09/22

Iraileko zozketako sari dira: Liburua, bi CD, DVD bat gehi bisita gidatua Donostian zehar pintxo dastaketa barne

Datorren aste du azkeneko epea EuskalKultura.com-en iraileko zozketak. Oraingoan honakoak dira sariak: bisita gidatua eta pintxo-saioa Donostian; haur-kantu disko bat; Boiseko 'Amuma Says No' euskal-amerikar taldearen 'Gatz eta berakatz' diskoa; Bernardo Atxaga idazlearen DVD bat; eta Magdalena Mignaburu eta Josu Legarretaren "Somos vasco-argentinos" liburua. Parte hartzeko muga, irailaren 30a, baina ez utzi azken egunerako eta eman izena oraintxe bertan!

Gehiago irakurri...


Arrakasta handia izan dute ‘Uzturre Munduan’ek bigarren urtez Argentinan eskainitako Dantza Tailerrek

2016/09/22

‘Uzturre Munduan’ elkarteko ordezkariek irailaren 17 eta 18an eman zuten dantza tailerra Buenos Airesen

Iazko esperientziak animaturik, lau tailer eskaini ditu aurten Euskal Herriko ‘Uzturre Munduan’ elkarteak Argentinan, horretarako propio etorritako hiru dantzariren eskutik. Tailerretako bi FEVAren babesarekin antolatu dira, Bahia Blancan eta Buenos Airesen, bertara hainbat euskal etxetako dantzariak bilduz. Beste biak, Mar del Platan eta Maipun emanak, tokian tokiko euskal etxeetako dantzariak bildu dituzte..

Gehiago irakurri...


Saint Pierre eta Miquelongo uharteek giro ederrean ospatu zituzten 2016 Euskal Jaiak

2016/09/21

Saint Pierre eta Miquelongo Euskal Jaietan parte hartu duten pilotariak sari banaketa ekitaldian (argazkia Pelote Basque SPM Facebook)

Urtero legez, Saint Pierre eta Miquelon uharteko euskaldunek 35. Euskal Festa ospatu zuten abuztuan, eta giro ederra sortu zuten Saint Pierreko plaza nagusian. Zazpiak Bat Euskal Etxeak eta Euskal Pilota Ligak antolatuta, abuztuaren 13tik 21era makina bat jarduera egin ziren, besteak beste pilota txapelketa, dantza erakustaldia eta gazte zein helduei irekitako herri kirol saioak. Gainera, Euskal Herritik etorritako Xutik taldeak dantzaldia eskaini zuen. 

Gehiago irakurri...


Pehuajoko Etxe Alai Euskal Etxeak haritza landatuko du gaur bere 60. urteurreneko ospakizunen baitan

2016/09/21

Pehuajoko Etxe Alai Euskal Etxearen 60. urteurren programa

Bi hitzordu izango dituzte gaur Etxe Alai-ko kideek. Goizean, Bakearen Nazioarteko Eguna dela eta, hiriko Bakearen Arkua izeneko gunean egingo den zeremonian euskal gizataldearen ordezkari izango dira. Arratsaldean, berriz, Euskal Etxearen urtebetetzea ospatzeko, euren egoitzan bilduko dira haritz bat landatzeko eta brindisa partekatzeko, euskal makumea eta bere lan eskerga omentzearekin batera.

Gehiago irakurri...


Eusko Ikaskuntzak egunbeteko gogoetaldi baterako deia egin du Diasporaz eztabaidatzeko ostiral honetan Baigorrin

2016/09/21

Irailaren 23ko gogoetaldiaren programa, Eusko Ikaskuntzak Diasporaz antolatua

Eusko Ikaskuntzak Diasporari buruzko gogoetaldi baterako deia egin du ostiral honetarako, irailaren 23rako, deialdi bat plazaratuz "Etorkizuneko diaspora: Zer-nolako harremanak nahi genituzke Euskal Diasporarekin?" izenburupean Baigorriko Bil Etxea gelan. Lekuak mugatuak dira, baina informazio hau idazterakoan azkenekoren bat geratzen da oraindik.

Gehiago irakurri...


Necocheako Euzko Etxeak 2017rako ‘Euskararen Kartel Lehiaketa'ren oinarriak plazaratu ditu Euskal Asteari begira

2016/09/20

2014ko Lehiaketaren kartel irabazlea

Azken urteetan egin den legez, Argentinako Euskal Aste Nazionalaren baitan erabakiko da datorren urteko euskara ikasturtea bultzatzeko erabiliko den kartel edo afixa. Jaiaren antolatzaileek kleratu dituzte dagoeneko Lehiaketan parte hartzeko oinarriak. Lanak bidaltzeko epea urriaren 27an bukatuko da eta saria, diploma, zabalkundea herriald osoan zehar eta kartela Argentina osoko euskara klaseen irudia izango dela jakitearen poza.

Gehiago irakurri...


© 2014 Basque Heritage Elkartea

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia