euskalkultura.com

euskal diaspora eta kultura

Albisteak rss

Aurrera doa Patagonia argentinarreko euskal etxeen ekimen batua: 3. Topaketa Neuquenen izango da, 2017ko apirilean

2016/09/28

Patagonia Argentinarreko Euskal Etxeen II. Topaketaren bilera irailaren 24an izan zen

Puerto Madryngo Etorritakoengatik Euskal Etxeak antolaturik, Viedma-Patagones, Comodoro Rivadavia, Neuquen (Comahueko Euskal Etxea), San Martin de los Andes eta Puerto Madryn bertako euskal erakundeetako ordezkariek hartu zuten parte Patagonia Argentinarreko Euskal Etxeen II. Topaketan. Partaideen balantzea ezin hobea da eta datorrenaren egoitza eta data aukeratu dute dagoeneko: hirugarren Topaketa Neuquenen izango da, 2017ko apirilean, Comahueko Euskal Etxea antolatzaile.

Gehiago irakurri...


Giro alaia eta 150 lagun Montpellierreko Euskal Etxearen Festan, Frantziako beste euskal elkarteak partaide

2016/09/28

Frantziako euskal etxeetako ordezkariek bat egin zuten Montpellierko Euskal Etxearen festarekin (argazkia JL Bergara)

Iragan asteburuan Montpellier Frantziako euskal komunitatearen bilgune bihurtu zen, bertan egin baitzen Frantziako euskal etxeen urteroko bilkura. Bileran Paue, Paris, Bordele, Marsella eta Montpellierko ordezkariak izan ziren, elkarteen kudeaketari buruzko esperientziak trukatzen. Biharamunean, gainera, Montpellierko Eskualdunak elkarteak bere Urteroko Festa ospatu zuen, eta bertara bildu ziren Frantziako beste ordezkariak, giro alaian. Jarraian, bilkura eta festaren argazki sorta. 

Gehiago irakurri...


Euskal elikadurari buruzko hitzaldi bat izan da Rauch-eko Euskal Etxearen ekarpena “Arrazako Hegaztiaren Jai Nazionalera”

2016/09/28

Euskal elikadurari buruzko hitzaldi bat eskaini zuen Gure Txokoa Euskal Etxeak Rauch-eko “Arrazako Hegaztiaren Jai Nazionalean”

Erakundeko kide den Maite Salsamendi elikadura lizentziatuaren eskutik, Rauch-eko Gure Txokoa Euskal Etxeak euskal kulturaren presentzia bermatu du hiriko “Arrazako Hegaztiaren Jai Nazionala” izeneko elkarretaratzean. Euskal elikadurari buruzko hitzaldiaren ondotik, etxean eginiko arrozesnea eskaini zitzaion bertaratutako publiko ugariari.

Gehiago irakurri...


"Jai Alai Blues", "Amalur" eta euskal laburmetraia sorta ikusgai Frantziako Tolosako Zinemaldian

2016/09/27

"Jai Alai Blues" dokumentalak Ameriketako frontoien istorioa zirraragarri eta gazi-gozoa kontatzen du

Datozen egunetan Tolosako Zinemaldiak ("Festival de Cinema Espagnol de Toulouse") bi euskal luzemetrai eskainiko ditu: batetik, "Jai Alai Blues", Ameriketako frontoien istorio zirraragarria biltzen duen dokumentala; eta, bestetik, euskal zinemaren klasiko bat, "Amalur" (1968), Nestor Basterretxea artistak eta Fernando Larruquert-ek zuzendua. Horrez gain, Kimuak programako euskal laburmetraia sorta ederra ere izango da ikusgai. Ostiraletik datorren urriaren 9a arte. 

Gehiago irakurri...


Eusko Ikaskuntzak zabalik du azaroaren 18ra arte 2016ko ENE Sarirako hautagaiak aurkzteko epea

2016/09/27

2015eko ENE Saria, Iruñean, Erromako Associazione Culturale Euskarari emana

Zabalik dago dagoeneko ENE Sariaren edizio berri bat, hamaikagarrena hain zuzen ere, 2016an zehar euskararen alde egindako lanak aitortzeko. Sari honek Euskal Herritik kanpo euskararen sustapenean diharduten eragileen lana aitortzea du xede eta saria urtero abenduaren 3an banatzen da, Eusko Ikaskuntzaren Euskararen Nazioarteko Eguna (ENE) ospatzen denean, hain zuzen.

Gehiago irakurri...


25 artisten lanek osatzen dute Santa Rosan “Dora Valsechi Sarratea” Arte Biurtekoa, Zelaiko Euskal Etxea antolatzaile

2016/09/27

“Dora Valsechi Sarratea” Pampako Arte Bienala irailaren 23an inauguratu zen Santa Rosako Udaleko Kultur Gunean

La Pampa probintzia argentinarreko Santa Rosa hiriburuko Udal Kultura Etxea du egoitza joan den ostiralean inauguratu eta gaurdaino ateak zabalik izango dituen 'Imágenes Bascas' (Euskal irudiak) erakusketak. Bertako Zelaiko Euskal Etxeko buruzagiek adierazi dute, jardueraren sustatzaile nagusia izandako Dora Valsechi Sarratea bereziki omendu nahirik, aurrerantzean Biurtekoak haren izena hartuko duela. Izendapen horren berri Dora Valsechiren seme-alabek jaso zuten bertan, ama osasunez ahul baitabil.

Gehiago irakurri...


Gaur abiatuko da Massachusetts-eko Unibertsitatean William Douglass Euskal Ikasketa Katedra

2016/09/26

William A. Douglass Katedraren inaugurazio ekitaldiaren afitxa

Estatu Batuetan euskal katedra berri bat abiatuko da gaur: Massachusetts-Amherst Unibertsitateko "William A. Douglass Chair in Basque Cultural Studies" delakoa. Etxepare Euskal Institutuak sustatua, katedra honek William A. Douglass euskaltzale eta antropologo estatubatuarra omentzen du, euskal ikasketen alorrean egindako lanagatik. Douglass berak parte hartuko inaugurazio ekitaldian eta baita ondoren egingo den nazioarteko mintegian: “William Douglass, Basque Studies and the Anthropology of Europe”.

Gehiago irakurri...


Berrogeitik gora artista oholtza gainean Paranako Urrundik elkarteak antolatutako antzoki Ikuskizunean

2016/09/26

Paranako Urrundik Euskal Elkarteak bere Dantzaldia eskaini zuen irailaren 18an

Argentinako Entre Rios probintzia aldean euskal kulturaren erreferentea da Urrundik Euskal Etxea eta hilabete honetan urteroko bere dantza ikuskizun nagusia eskaini dio bertako publikoari. Erakundeko dantza taldeekin batera, tango dantzariek eta folklore abeslariek ere osatu dute gau-programa. Zinez arrakastatsua izan den funtzioak, antzokia betetzeaz gain, zabalkunde handia lortu du paranatarren artean prentsa, irrati eta telebista bidez.

Gehiago irakurri...


EuskalKultura.com-en zozketa: azken egunak parte hartzeko: Pintxoak Donostian, liburua, CDak eta DVDa

2016/09/26

Iraileko zozketako sari dira: Liburua, bi CD, DVD bat gehi bisita gidatua Donostian zehar pintxo dastaketa barne

Datorren ostirala azken eguna du parte hartzeko EuskalKultura.com-en iraileko zozketak. Honakoak dira sariak: bisita gidatua eta pintxo-saioa Donostian; haur-kantu disko bat; Boiseko 'Amuma Says No' euskal-amerikar taldearen 'Gatz eta berakatz' diskoa; Bernardo Atxaga idazlearen DVD bat; eta Magdalena Mignaburu eta Josu Legarretaren "Somos vasco-argentinos" liburua. Parte hartzeko muga, irailaren 30a, baina ez utzi azken egunerako eta eman izena oraintxe bertan!

Gehiago irakurri...


Euskal-venezuelar komunitateak bere kideetako biren nazioarteko urrats garrantzitsuak azpimarratu ditu

2016/09/23

Jon Paul Rodriguez-en argazkia eta  Asier Cazalisen marrazkia

Elkarrekin euren euskal jatorria partekatzen dute. Bi alor arrunt desberdinetan nabarmendu dira, eta komunitate euskal-venezuelarreko bi eragile diferentek eman digute euren berri. Batetik, Jon Paul Rodriguez biologoa, Caracasko Eusko Etxeko betidaniko kide, Natura Zaintzeko Mundu-Batasuneko Espezieen Bizirauteko Batzordeko buru izendatu dute. Bestetik, Asier Cazalis musikaria 2016ko Grammy Latinoetarako bi izendapen lortu ditu, "Los Caramelos de Cianuro" bere taldearekin batera. Zorionak biei!

Gehiago irakurri...


© 2014 Basque Heritage Elkartea

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia