euskalkultura.com

euskal diaspora eta kultura

Albisteak rss

EuskalKultura.com: buletina irailaren 1ean itzuliko da, bitartean abian da zozketa berria

2016/08/26

Zozketagai dira irudiko liburua, bi CDak, DVDa eta bisita gidatu bat Donostiara

Gutxi geratzen da abuztua amaitzeko eta, askorentzat Euskal Herrian, opor garaiari agur esan eta irailarekin bat ikasturte edo lanurte berriari ekiteko. Urtero bezala, EuskalKultura.com-en abuztuan ez dugu buletina emititu eta epe hau baliatzen ari gara barne lanak egin eta ikasturte berriari begirakoak prestatzeko. Astebeteko oporrak ere hartu ahal izan ditugu, geuk ere iraila arnas berriez hasteko. Datorren astean itzuli bitartean, zozketa berri bat ere antolatu dugu. Hona arauak:

Gehiago irakurri...


Eusko Ikaskuntzak lanpostua deitu du Baionan, Eusko Diaspora eta beste zenbait ardura kudeatzeko

2016/08/05

Eusko Ikaskuntzaren logoa

Zabaldu berria du deialdia Iparraldeko Eusko Ikaskuntzak, Baionako bere egoitzan lan egin eta bertatik Eusko Diaspora proiektuaz, komunikazio alorraz eta beste lan batzuen koordinazioaz okupatzeko. Asmoa, irailaren batetik aitzina lanean hastea da. Hautagaiek euskara eta frantsesa behar dute menperatu, baita gaztelania ere eta ingelesa. Orain arte Maialen Zamponi zen zeregin hauetan, baina aurretik zekarren bere proiektu pertsonal batean murgiltzea deliberatu duela esan dio EuskalKultura.com-i.

Gehiago irakurri...


Manuela Souto: "Hango edo hemengo euskaldun, AEBetako Udalekun Etxean bezala sentiarazi naute"

2016/08/04

Manu Souto euskal-argentinarra NABOren Udalekuan ibili da begirale laguntzaile bi astez (argazkia MM-EuskalKultura.com)

16 urte dauzka eta argentinar eta euskalduntzat dauka bere burua. Manuela itzuli berria da Pampara, sorterri duen Macachinera, bi aste eman ondoren Salt Lake Cityn, NABO Ipar Ameriketako euskal federazioaren Udalekun begirale laguntzaile ibili ondoren. Diasporaren balioa eta munduko euskaldunen arteko elkartasuna bizi eta dastatu duela dio, Estatu Batuetako euskaldunek besoak zabalik hartu baitute. "Sinestezina izan da", dio.

Gehiago irakurri...


Gernikako Arbolaren kimuak eskaintzen dizkiete Argentinan, zainduko dituzten euskal etxe edo erakundeei

2016/08/03

Buenos Airesko Juan de Garay Plazatxoko Gernikako Arbolaren kimua,Etxe Larrosa ondoan (argazkia EuskalKultura.com)

Aurretik ere eskaintza eskuzabala egina du Gernikako Arbolaren kimuak etxean zaintzen dituen Salvador Oria euskal-argentinarrak. Oraingoan euskal arbolaren lau ale banatuko ditu, dituen azkenak. Jatorria, Buenos Airesko Juan de Garay plazatxoko arbola daukate. Ale bat nahi duen euskal-argentinar erakundeak, bere egoitzan  emailez eska dezake info@euskalkultura.com-era idatziz eta guk berehala jarriko dugu harremanetan Oria jaunarekin.

Gehiago irakurri...


Chascomuseko alkateak aurten 25 betetzen ari den Zingirako Euskaldunak EEko ordezkariak hartu ditu

2016/08/03

Chascomuseko Javier Gaston alkatea zinegotzi Santiago Mucarellorekin eta Ignacio Cazaux, Gustavo Armendariz eta Ana Maria Sallenaverekin (argazkia El Fuerte Diario)

Buenos Aires probintzian, Chascomuseko alkateak herriko 'Zingirako Euskaldunak' Euskal Etxeko ordezkaritza bat jaso zuen. Euskal elkarteak aurten 25 urte beteko dituela-eta, festa kaleetara ere zabaldu nahi dute euskal etxekoek, kalejirak eta desfile moduko bat ere antolatuz, musika eta dantzariekin batera, ospakizunak herri osoa uki dezan. Juan ignacio Cazaux, Gustavo Armendariz eta Ana Maria Sallenave elkarrizketatu ziren Udaletxean.

Gehiago irakurri...


Arsenio Zubkovsky, euskararekin maitemindutako siberiar bat euskara ikasten Kaliningrado hiri errusiarretik

2016/08/02

"Kaixo, zer moduz?". Honela, euskaraz, agurtzen du Kaliningrado hiri errusiarrean bizi den 22 urteko Arsenio Zubkovsky gazte siberiarrak. Krasnoyarsk-en jaioa, txapela buruan ikus daitezke, Baskoniako bufanda lepoan eta elastiko jai-alai irudiduna soinean; jantzi hauekin ez da zaila berari erreparatzea, batez ere ikurriña aipatzen denean. "Euskal Herrira bidaiatzeko ametsa nuen", esaten du, begirada eraikin sobietar zorrotzetara galduta. Gauzatu zuen, baina, ametsa.

Gehiago irakurri...


Datorren astean bukatuko da Gaztemundu 2016erako izena emateko epea: aurtengo gaia, Gastronomia

2016/08/02

Basque Culinary Center, Donostian, lotua 2016ko Gaztemunduri

Datorren asteko ostegunean, abuztuaren 11ean, bukatuko da Eusko Jaurlaritzaren 2016ko Gaztemundu programan izena emateko epea. Gogoratu aurtengo edizioak Gastronomia izango duela ardatz eta, beraz, parte hartzaileak sukaldaritzaren mundu ingurukoak beharko dutela izan eta, besteak beste, izena ematerakoan bideo bat bidali beharko dutela euren plater proposamen bat eginez. 25 dira antolatu diren lekuak. Izena emateko asmoa baduzu, ez utzi azken egunerako eta bidali paperak agudo.

Gehiago irakurri...


Unai Azpiritxagaren "Porru xaflak piperradaz berbeteak" pintxoa irabazle Caracasko Eusko Etxean

2016/08/02

Epaile zorrotzak mahaian eserita eta partaide pintxogileak atzean San Fermin Pintxo Lehiaketaren irudian

"Porru xaflak piperradaz berbeteak" izeneko pintxoak, Unai Azpiritxaga etxeko bazkidea egile, irabazi du Caracaseko Eusko Etxeak San Fermin ospatzeko programaren barnean antolatutako pintxo lehiaketa pasa den uztailaren 16an. Saria,bi pertsonarentzako afari bat da venezuelar hiriburuko Casa Urrutia euskal jatetxe famatuan. Bigarren eta hirugarren, hurrenez hurren, Ekaitz Lacasa eta Josune Zubizarreta geratu ziren.

Gehiago irakurri...


Lanpostua eskaintzen du Etxepare Institutuak: Euskal Kultura Sustatu eta Hedatzeko zuzendaria

2016/08/01

Deialdia Etxepare Euskal institutuaren webgunean

Etxepare Euskal Institutuak Kultura Sustatu eta Hedatzeko Zuzendaria hautatzeko prozedura abian jarri du. Institutuaren zuzendaritzapean, bere xedea euskal kultura sustatzea eta hedatzea izango da. Arloak honako eremuak hartzen ditu: musika, arte eszenikoak, ikusizko arteak, zinema, literatura, arkitektura eta diseinua. Unibertsitate titulua, kultur kudeaketan esperientzia, hizkuntzak eta nazioarteko kultur proiektuetan eskarmentua eskatzen da. Epe muga aurkezteko, abuztuaren 10a.

Gehiago irakurri...


Eusko Jaurlaritzak Basque Global Network sare sozial berria sortu du, munduko euskaldunen elkarrekiko lokarri

2016/08/01

Basque Global Network-en azala

Plataforma berriak elkarrekin harremandu eta lotu nahi ditu euskaldunak, nazioartean dabilen euskal loturarik duen jendea, euskal gaiez interesatutakoak edota orokorrean Euskal Herriarekin edota edozein euskal alorrarekin erlaziorik duen jendea, munduan edonon bizi izanda ere, sare sozial berri honetara biltzeko gonbitea eginez, bertan informazioa, egutegia, kezkak, iruzkinak eta proposamenak bana ditzaten. Hala azaldu dute aurkezpenean Marian Elorza Kanpo Harremanetarako idazkari nagusiak eta Asier Vallejo Kanpoan den Euskal Komunitatearentzako zuzendariak.

Gehiago irakurri...


Irakurrienak

Azken komentarioak

© 2014 Basque Heritage Elkartea

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia