euskalkultura.com

euskal diaspora eta kultura

Albisteak rss

ENE: Euskararen Egunak irudi politak utzi dizkigu aurten ere Argentinan, Brasilen eta Uruguain (II)

2016/12/07

La Platako euskara ikasle eta irakasleak, banatutako diplomekin, Euskararen Eguna ospatzen

Mundu osoko euskaldunek ospatu zuten euren eguna; baita Argentina, Brasil eta Uruguaikoek ere. Jaiak mota askotakoak izan dira, batzuk oso jendetsuak beste batzuk ez hainbeste, baina guztietan gauza bera aldarrikatu dute: euskara ikasteko eta euskaraz hitz egiteko eskubidea, han eta hemen. EuskalKultura.com-eko artikulu honetan, 2016ko ENEren bigarren kronika.

Gehiago irakurri...


Eusko Legebiltzarrak bat egin du Uruguaiko Kongresuari Agirre lehendakariarekiko abegiagatik egin omenarekin (kus bideoa)

2016/12/07

Bakartxo Tejería, Euskal Legebiltzarreko lehendakaria

1941ean Agirre lehendakaria klandestinitatean heldu zen Uruguaira, naziek hartutako Europatik ihesi eta Uruguaik besoak irekita hartu zuen, bertako Ordezkarien Ganberak ohorezko harrera eginik gainera. Aurten, egun haren 75. urteurrenean, Montevideoko euskaldunek omenaldia egin diote Uruguaiko Ordezkari Ganberari. Eusko Legebiltzarrak ere bat egin du, Bakartxo Tejeriaren esker oneko bideo baten bidez, mezuan, Agirrek euskeraz Uruguaiko irrati euskaraz egindako hitzak entzun daitezkeela.

Gehiago irakurri...


Olentzero eta Galtzagorriren postalak bidaliko ditu Montevideoko Haize Hegoak Gabonak zoriontzeko

2016/12/07

2014. urteko lehiaketan aurkeztu ziren postaletako batzuk (argazkia Haize Hegoa)

Montevideoko Haize Hegoa Euskal Etxeak hiriko haur eta gazteek eginiko Gabonetako postalak bidaltzen ditu urtero munduan barrena, euskal pertsonaia mitologikoekin: Olentzero, Mari Domingi, Galtzagorri... Elkarteak euskal postalen lehiaketa bat egin ohi du. Aurtengoa datorren larunbatean izango da, elkartearen egoitzan. Bertaratzen diren haur eta gazteek euskal Eguberriei buruzko kontakizuna entzungo dute eta ondoren egin berako dituzte marrazkiak. 19. edizioa du ekimenak.

Gehiago irakurri...


Kirmen Uribe idazleak Peruko Arequipa Hay Festival-en aurkeztuko du "Elkarrekin esnatzeko ordua" eleberria

2016/12/06

Hay Festival bost herrialdeetan ospatzen da: Gales, Kolonbia, Peru, Mexiko eta Espainia

Kirmen Uribe idazle ondarroarra Peru aldera abiatuko da egunotan, Arequipako Hay Festival literatur jaialdia parte hartzeko. Arequipan Uribek azken eleberria aurkeztuko du "Elkarrekin esnatzeko ordua" ("La hora de despertarnos juntos", gaztelaniaz). Lan honetan Uribek Txomin Letamendi eta Karmele Urresti senar-emazteen istorio zirraragarria dakarkigu: Letamendi jazz musikaria zen eta gerra zibilaren ondoren Venezuelan erbesteratu zen. Hala ere, Agirre lehendakariak eskatuta Europara itzuli zen aliatuen alde espiatzeko Bigarren Mundu Gerran.

Gehiago irakurri...


Argentina eta Uruguaiko Euskal Etxeetako ikasle eta irakasleek badakite “euskara dela euskaldun egiten gaituena”

2016/12/06

Uruguaiko Euskara Ikasleak 2016ko Euskararen Egunean

“Ez al dakizu euskara dela euskaldun egiten gaituena?” dio ‘Euskal Herrian Euskaraz’ abestiak. Diasporako ikasle eta irakasleek ondo baino hobeto dakite hori eta sendo eusten diote euskara ikasteari, Euskal Herritik hamabi mila kilometrora bizi izan arren, euskaldunak sentitzen eta euskaldunak direlako. Ospakizuna egun batean egiten da; euskara, ordea, urte osoko erronka da Hego Amerikako euskaltzaleentzat.

Gehiago irakurri...


Oihane Pardo donostiarra Shanghaitik itzuli da antzinako kaikuak berritzeko "Amarenak" proiektuarekin

2016/12/05

Oihane Pardo, eskubian, Amarenak enpresako kolaboratzaileekin kaiku berriak erakusten (argazkia Amarenak)

Oihane Pardoren jantzirik kuttunena amonak utzitako aspaldiko kaiku bat zen eta harekin ibili zen urtetan, baita Shanghaira lanera joan zenean ere. Baina kaiku hura zaharkitu eta berri baten bila hasi zenean ez zuen bere gustukorik aurkitzen: "denak ziren edo kalitate txarrekoak, edo mozorroak bezala, oso folklorikoak", esan dio gazteak EuskalKultura.com-i. Halatan, jostorratza hartu eta berak berria egitea erabaki zuen. Eta bidenabar, kolore berriak erabili. Eta diseinua berritu... Eta ingurukoak kaikuak eskatzen hasi zitzaizkionez, Amarenak enpresa sortzea erabaki zuen. 

Gehiago irakurri...


Euskal dantzak eta pintxo donostiarrak Loretako Euskaldunak Euskal Etxearen 20. urteurren afarian

2016/12/05

Las Flores hiriko Loretako Euskaldunak Euskal Etxearen 20. urteurren afaria

Las Flores hiri argentinarreko Loretako Euskaldunak Euskal Etxeak 20 urte bete ditu aurten eta efemeridea ospatzeko jai bat antolatu zuen komunitateari begira. Afarian gastronomiari buruzko 2016ko Gaztemundu programan parte hartutako Tatiana Iparraguirrek Donostian ikasitakoa erakutsi zien bildutako lagunei. Dantza taldeak ere izan zuen zeregin bat ekitaldian: dantza erakustaldia eskaini eta publikoa gonbidatzea eurekin dantzatzera.

Gehiago irakurri...


Bihar arte aurrera darrai Durangoko Azokaren 51. edizioak, Diasporaren partaidetza barne

2016/12/05

FEVA eta euskal-argentinar gizataldearen stand-a atzo igandea Durangoko Azokan (argazkia EuskalKultura.com)

Iragan ostiralean hasirik eta bihar arte, abenduaren 2tik 6ra, zabalik dira Landakon Durangoko Azokaren 51. edizioko ateak, aurten ere Diasporaren presentzia bertan partaide, bai liburu eta produktuetan zein ekitaldi eta standetan ere. Azokako areto nagusian egin diren aurkezpen eta ekimenez gain, aurten bigarrenez euskal etxe edo komunitate batek kudeatzen duen Diasporaren stand-ean, FEVA eta komunitate euskal-argentinarra daude jendaurrean. Egon ez bazara, ez utzi gehiago, bihar baita azken eguna.

Gehiago irakurri...


Argentinako Euskal Echea Kultura eta Ongintza Elkarte historikoak bereganatu du 2016ko ENE Saria

2016/12/03

Euskal festa Llavallolgo Euskal Echea eskolako instalazioetan, bertako elizaren inguruan

Eusko Ikaskuntzak abenduaren 3an Euskararen Nazioarteko Egunarekin bat banatzen duen ENE Saria Argentinako Euskal Echea Kultura eta Ongintza Elkarte historikoari egokitu zaio aurten, "euskara eta euskal kulturaren alde iaz eta orain arteko 112 urteko ibilbide luzean eginiko ekarpenaren karietara". Euskal Echea Kultura eta Ongintza Elkartea 1904an sortu zen Argentinan, eta gaur Llavallol (Buenos Aires probintzian) eta Buenos Aires hiriburuan dauzkan bi zentruetan milaka ikasle dauzkan eskola da, bere jatorria ahaztu gabe euskara, euskal kultura eta dantza ikasgai maten dituena.

Gehiago irakurri...


Ikus Boise Ikastolako haurren bideoa, munduan Euskararen Nazioarteko Egunak dakarren alaitasunaren adierazgarri

2016/12/02

Boiseko Ikastolak 2016ko Euskararen Nazioarteko Eguna dela eta eginiko bideoko argazki bat

Atzo zabaldu zenetik hamaika ikusle eta jarraitzaile/datsegit-tzaile bildu ditu Facebook-en. Boiseko Ikastolako haurren bideoa da, bihar ospatuko den --baina askorentzat aste osoko ospakizunak ere biltzen dituen-- eta Euskararen Nazioarteko Egunaren inguruko gogo eta izpirituaren adierazgarri da. "Guk euskaraz zuk zergatik" kantuaren inguruan, gonbidapena luzatzen dute Boiseko haur eta helduek euskararengana gerturatu eta euskara, nonahi zaudela ere, barneratu eta biziarazteko. Hona bideoa!

Gehiago irakurri...


© 2014 Basque Heritage Elkartea

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia