euskalkultura.com

euskal diaspora eta kultura

Albisteak rss

Euskal literatura, Ruper Ordorika eta Josu Okiñenaren kontzertuak, 2014ko NYeko Bernardo Atxaga Katedran

2014/09/30

CUNY Unibertsitateko Graduate Center eraikina (argazkia David Shankbone CC BY-SA 3.0)

Urriaren 6an abiatuko da Bernardo Atxaga Katedra City University of New York (CUNY) unibertsitatean. Etxepare Euskal Institutuaren sostenguarekin antolatutako katedra hau urriaren 11 bitartean luzatuko da eta azken 40 urteetako euskal literatura hartuko du aztergai. Nerea Arruti eta Mari Jose Olaziregi EHUko irakasleeta literatura adituak emango dituzte klaseak. Horrez gain, musikak ere tartea izango du Katedraren egitarauan eta bi kontzertu egingo dira The Graduate Center-en; aurrena, Ruper Ordorika eta Ben Monderrekin, eta bigarrena, Josu Okiñenaren kontzertu-hitzaldi bat izango da.

Gehiago irakurri...


Arrakasta handia ari dira izaten sarean EH sekula zapaldu gabeko Kolonbiako eta Greziako bi euskaldun berri autodidakten bideoak

2014/09/30

Abuztuan eskegi zuen Jose Miguelek lehenbiziko bideoa eta, hortik gutxira, erantzun egin zion Mariak. Milaka bistaratzen dituzte bien bideoak. (Irudia: YouTube)

Jose Miguel Ramírez Giraldo izan zen lehena. Pereiratik (Kolonbia) hasi zen hizkuntza desberdinetan grabatutako bideoak YouTube-n eskegitzen. Horietako batean, euskaraz berba egiten ikusi zuen Maria Spantidi greziarrak eta beste bideo batekin erantzutea erabaki zuen. 7.000 bistaratze inguru dituzte Jose Miguelen bideoek. 15.000tik gora Mariarenak. Biek ala biek egin dute berba Euskalkultura.com-ekin.

Gehiago irakurri...


Euskal Aste Nazionalaren baitan Nekazaritza eta Industria Erakusketa Euskal Argentinarra egingo da aurten La Platan

2014/09/30

Nekazaritza eta Industria Erakusketa Euskal Argentinarra egiteko akordio bat sinatu dute udalak, euskal etxeak eta La Plata Handiko Industria Elkarteak

La Platako Udalak, Euzko Etxea euskal etxeak eta La Plata Handiko Industria Elkarteak sinatutako hitzarmen baten barruan burutuko da Nekazaritza eta Industria Erakusketa azaroaren 7tik 9ra, Euskal Herriko zein Argentinako hainbat erakusle lagun. Ekitaldia Republica de los Niños izeneko parkearen lur-eremuan egingo da eta, iragarri denez,  bertan elkartuko dira, Argentinako agintariekin, Euskal Autonomia Erkidegoko, Nafarroako eta Pirinio Atlantikoetako Departamentuko ordezkariak. Euskal Astearekin bat, La Platako “Hargatik” euskal aldizkarian iragarkiak ipintzera gonbidatzen du euskal etxeak. 

Gehiago irakurri...


Bere 70. urteurrenean 2014ko Euskal Astea antolatu duen La Platako Euzko Etxeak jaiaren egitaraua jakinarazi du

2014/09/29

2014ko La Platako Euskal Aste Nazionalaren logoa

Azaroaren 1etik 9ra izango da aurten Argentinako euskal diasporaren festarik handiena, La Plata hirian. Behin-behineko programa, antolatzaileek azken orduetan jakinarazia, oparoa bezain zabala da eta ohiko ekintzak –erromeriak, hitzaldiak, dantza emanaldia eta euskara zabaltzeko aktibitateak– ez ezik, proposamen berriak ere badakartza, tartean Nekazaritza eta Industria Erakusketa. Hona behin-behineko programa.

Gehiago irakurri...


Amaya Beristain: "Urriaren 19an izango da Las Vegas-eko euskal jaia, hona etortzeko sasoirik onenean”

2014/09/29

Giro ederrean ospatu zuten piknika iaz Lagun Onak-eko kideek (Argazkia: LOBC)

Urriaren 19an, igandean, ospatuko dute Lagun Onak Euskal Etxeko kideek udazkeneko piknika. “Euskal etxe txikia da geurea eta piknika ere umila da, baina itzel pasatzen dugu”, esan dio Beristain-ek, Nevadako klub honetako zuzendariak, Euskalkultura.com-i. Spring Mountain Ranch State Park-en batuko dira kide eta lagunak, hiriko makina txanponjaleen zaratatik apur bat urrundu eta arnas hartzeko paregabeko lekuan.

Gehiago irakurri...


Hauteskundeak Buenos Airesko Iparraldeko EEan, Ernesto Cornejo lehendakari, Cesar Arrondo lehendakariorde

2014/09/29

Ernesto Cornejo Saravia da Buenos Airesko Iparraldeko Euskal Etxeko lehendakaria

Urteroko Batzar Nagusia egin du Buenos Airesen, hiriburu argentinarreko 'Iparraldeko Euskal Etxe' edo 'Frantses Euskaldun Etxeak', azken izen hau erakundearen gaztelaniazko eta frantsesezko deitura Txirritaren euskarara itzulita. Bilkuraren ostean, euskal etxea gobernatuko duen Zuzendari Taldeak Ernesto Cornejo Saravia dauka buru, orain arte bezala, berarekin buruzagi direla Cesar Arrondo, lehendakariorde; Norma Rios, idazkari; Juan Carlos Ibarrola, idazkariorde, Carlos Martinez, diruzain; eta Manuel Azpiroz, diruzainorde.

Gehiago irakurri...


Roberto Guerenabarrena, New Englandeko EEko lehendakari ohia: “Kanpokoei azaldu behar deutsegu euskara”

2014/09/26

Roberto Guerenabarrena (Argazkia: New England Basque Club)

Albiste garrantzitsua zekarren New England-eko (AEB) Euskal Etxeko azken buletinak: Roberto Guerenabarrenaren ordez Sergio Sotelo izango da, hemendik aurrera, lehendakaria. Kluba 2004an sortu zutenetik izan da presidente pilotari erretiratua baina, Euskalkultura.com-i esan dion legez, “bada ordua jende berria lanean hasteko”.

Gehiago irakurri...


Zuzendaritza berritu du Rio Grande do Sul-eko EE brasildarrak, Uruguaiana-ko I Euskal Topaketa iragarririk

2014/09/26

Rio Grande do Sul Euskal Etxeko zuzendaritza kideak (argazkia RGS EE)

Hiru urte bete ditu Rio Grande do Sul-eko Euskal Etxeak eta tarte labur honetan makina bat ekimen egin ditu jada, Brasil hegoaldean euskal kultura eta ondarea berreskuratu eta sustatze aldera. Orain elkarteak zuzendaritza batzordea berritu egin du, eginahala horretan indar eta gogo berberarekin jarraitzeko asmoz, eta jarduera berria iragarri du datorren urriaren 4rako: Mendebaldeko Mugako Lehendabiziko Euskal Topaketa. Uruguayana hiri eta inguruetako euskaldunei zuzendua da bereziki topaketa, eta bertan, besteak beste, Argentinatik etorritako lagunek ere parte hartuko dute, zehazki, Paraná hiriko Urrundik Euskal Etxeko dantza taldeko kideak.

Gehiago irakurri...


Euskal Jardunaldi arrakastatsuak General Madariaga herrian, Buenos Airesko Euskal Unibertsitatea elkartearen eskutik

2014/09/26

Guillermo Villate, Jorge Otaño, Carlos Irisarri, Txarito Naya, Marité Echegoyen eta Luis Luquez udaleko ordezkariarekin

Hirugarren urtez jarraian eta Gral. Madariagako Herriko Kultur, Hezkuntza eta Komunikazio Idazkaritzak deiturik ‘Buenos Airesko Euskal Unibertsitatea’ kultur taldeko irakasleek hitzaldi ziklo bat eskaini dute hiriko Kultura Zuzendaritzaren egoitzan. Euskal kulturari buruzko ikuspegia, hainbat gaitan islatuta, eskaintzeko asmoz antolatutako ekitaldi hau urtero errepikatuko dela iragarri diote antolatzaileek EuskalKultura.com-i.

Gehiago irakurri...


‘Dantza’ filma zinema aretoetan 2016an egotea espero dute Telmo Esnal, Koldobika Jauregi eta Juan Antonio Urbeltzek

2014/09/25

Telmo Esnal zinemagilea

“Ez da euskal dantzei buruzko dokumentala; istorioa dantzen bitartez kontatzen duen dialogorik gabeko fikzio lana da”, esan dio Telmo Esnal zinemagile zarauztarrak Euskalkultura.com-i. Berarekin batera Koldobika Jauregi eskultorea eta Juan Antonio Urbeltz dantzan aditua ari dira 2016an estreinatzea espero duten ‘Dantza’ filmean lanean.

Gehiago irakurri...


© 2014 BasqueHeritage S.L.

Portuetxe 51, 201. bulegoa
20018 Donostia / San Sebastian
Tel: (+34) 943 504477 / (+34) 943 316170

jaurlaritza gipuzkoa bizkaia