euskalkultura.eus

euskal diaspora eta kultura

Albisteak rss

Sydneyko euskaldunek Gure Txokon piztu zuten suaren inguruan ospatu zuten San Juan gaua

2011/07/07

Gure Txokon egin zen suaren inguruan ospatu zuten San Juan eguna elkarteko bazkideek (argazkia SydneyEE)
Gure Txokon egin zen suaren inguruan ospatu zuten San Juan eguna elkarteko bazkideek (argazkia SydneyEE)

PUBLIZITATEA

Munduko euskal etxe askok ospatu zuten San Juan gaua iragan hilean, horien artean Australiako Sydney hiriko Gure Txokok. Elkarteak baina, ekainaren 24ean egin zuen jaia, ez 23an, ostiralean lagun gehiagok parte har zezakeelako ekitaldian. Orotara 30 bat bazkide bildu ziren, tartean Australian bisita egiten zegoen hondarribiar lagun bat ere. Marmitako afaria egin ostean, Sydneyko euskaldun talde honek San Juan sua piztu zuen Gure Txokoko frontoian, sasoi berrirako zorte ona eskatzeko.

Sydney, Australia. Ekainaren 24ean ospatu zuten Sydneyko euskaldunek San Juan Gaua, Gure Txoko elkartean antolatu zuten afariarekin. Hogeitamar bat lagun bildu ziren bertara, elkarteko Zaloa Arrietak EuskalKultura.com-i adierazi dionez. Afariaren menua honakoa izan zen: foie, hirugihar eta intxaur entsalada, marmitakoa eta postrea; ardo eta kafearekin. Afalostean elkarteko frontoian San Juan sua piztu zuten eta suaren inguruan sasoi berriari gurariak betetzeko eskatu zioten.

Zaloa Arrietak, bide batez, elkartearen hurrengo hitzordu garrantzitsuaren berri ere eman digu: San Fermin eguneko jaia. Datorren igande honetan egingo da, uztailaren 9an, eta dagoeneko 130 lagundik gora eman dute izena. Arrietak azaldu duenez, elkartean leku gehiagorik ez dago eta ezingo dute inor gehiago hartu bazkaltzeko, baina hala ere bazkalostean bertara bildu nahi dutenek ateak irekita izango dituzte. Bazkariaren menua bakailaoa 'ajoarriero' eran eta xerra txanpinoiekin izango da.

Beste ekitaldi aipagarri bat San Inazio eguneko bazkaria izango da, uztailaren 31an. "Egun horretan, Gure Txokon sukaldean aritzen garen bazkideok egun lasaia hartuko dugu eta hiriko jatetxe batean antolatu dugu bazkaria!", azaldu du Zaloa hondarribiarrak.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia