euskalkultura.eus

Puerto Madryn, Argentina. Bi stand aurkeztu ditu aurten euskal kolektibitateak Puerto Madryngo Gizataldeen Jaian. Stand grastronomikoan, pintxoak eta kalimotxo eta txakolina eskaintzen zitzaien bisitariei; bestean, stand kulturalean, oro har euskaldunei eta Euskal Herriari buruzko informazioa. Bertan mapak, abizenen esanahiak, txapela eta lauburuari buruzko testuak eta Gabriel Arestiren 'Nire aitaren etxea defendituko dut' olerkia --munduko dozenaka hizkuntzetara itzulia izan dena-- irakurgai zeuden.

[Stand gastronomikoan pintxoak, kalimotxoa eta txakolina eskaini ziren]

Azokaren bi egunotan, Madryngo euskal kolektibateari buruzko bidea proiektatu zen standean: euskal asteko eta Immigrantearen Eguneko irudiak ikusi ahal ziren. Dantzariek ere euren paregabeko ekarpena jarri zuten jaian. Oholtza gainean, baita standen aurrean ere, Fandango eta Arin Arin dantzatu zituzten lekua alaitzeko.

[Maria Julia Ercoreca Landaluze senar-emazte euskal argentinarrarekin. Euskal Herritik etorri berriak, material frnago ekarri zuten standean ikusgai ipintzeko]

Igandeko banderen kabalkadan ere hartu zuten parte euskaldunek. Desfilean Wendy Mariezcurrenak, euskaldunen izenean, mezua irakurri eta luzatu zion bildutako jendeari.