euskalkultura.eus

Seattle, Estatu Batuak. Bakoitzaren ametsak bide desberdinetatik zihoazen eta azkenean dibortzioa etorri da. Negozioan ere eta bakoitzak egin nahi zuena ez omen zetozen bat. Negozioan gauzak aurrera ari baitziren, eta Carolinek hedatzeko eta gauzak berritzeko asmoa zeukan. Bikoteak izan ere leku berri bat hartua zuen Belltown-en, eta interes batzuk hartuak zituen Hego Frantzian, ardoa egiteko chateau txiki batean. Txori eurekin denbora daraman enplegatu bati errentatu behar zioten, eta eurak bestetik negozioa zabaldu. Hemendik aurrera, planak bai, baina ez dituzte elkarrekin egingo.

Seattle-k ez ditu bere euskal sukaldaritza mota honetako tokiak galduko eta denbora gutxi barru bat zabalduko da. Carolinek Harvest Vine-ri eutsiko dio. Eta Josebak aholkulari gastronomiko lana hartuko du, utzi gabe noizbehinka gastronomia eskolak eta 'euskal moldeko' bazkari edo afari aurkezpenak egitea ongi jatea eta diferente jatea maite dutenentzat, horiek baitira hiri kosmopolita honetan daukaten ingurua eta dauzkaten bezeroak.

Aurten 'birkokatze' urtea izango dute, baina badirudi hiriak ez duela galduko orain arte euskal jatekorako zeuzkan aukerak. Zai geratuko gara eta segituko dugu esaten zer nolako bihurguneak hartu dituen bideak, handiak ala txikiak.

-Txoriren webgunea: www.txoribar.com
-Harvest Vine-ren webgunea: www.harvestvine.com
-Seattle-ko Euskal Etxearena: www.seattleeuskal.org