euskalkultura.eus

euskal diaspora eta kultura

Albisteak rss

Sarean irakur daiteke Caracasko eta Caraboboko San Ferminen berri, Jazoera buletinaren azken alean

2012/07/23

Gazte asko ausartu ziren Caracaseko entzierroan parte hartzen, Triviño ganadutegiko bi zezenen aurrean korrika (argazkia Jazoera)
Gazte asko ausartu ziren Caracaseko entzierroan parte hartzen, Triviño ganadutegiko bi zezenen aurrean korrika (argazkia Jazoera)

PUBLIZITATEA

Caracaseko Euzko Etxeak ekainean eta uztailean egin dituen jardueren berri ematen du Jazoera buletinaren azken alean. Bi hilabete oso biziak izan dira eta ekintza eta jai ugari egin dira bai Caracasen eta baita Caraboboko eta Puerto La Cruzeko euskal etxeetan ere. Amatxuen jaia, San Juanak, San Ferminak (zezen eta guzti)... horien guztien berri dakar Jazoerak, eta orain, gainera, sarean irakur daiteke, Caraboboko Euskal Etxearen webgunean.

Caracas, Venezuela. Caracasko Euzko Etxeak argitaratzen du Jazoera buletin digitala, eta bertan Venezuelako euskal elkarteen ekimenen berri ematen du. Azken aleko kontaketa ekainaren 23an egin zen Amatxuen eta Aiten jaiarekin hasten da. Egun horretan bertan ospatu zen ere San Juan Gaua eta elkarteko kide asko, gazte zein nagusi, suaren gainean saltoka ibili zen, aro berrirako zori ona eskatuz.

Baina udako eta urteko ekitaldirik garrantzitsuenetako bat San Fermin jaia izan zen. Caracasen uztailaren 14ean egin zen, eta entzierroa eta guzti izan zuten euskal etxean. Trivillo ganadutegiko bi zezen izan ziren eguneko protagonista nagusiak --Corralon eta Apretado-- eta elkarteko kide kementsuenak korrika ibili ziren 200 kilo baino gehiagoko piztitzarren aurrean. Ondoren, indarrak berreskuratzeko eta eguna behar den moduan ospatzeko, babarrun jana egin zen elkartean. Jazoerak entzierroko eta bazkariko argazki kronika ederra dakar.

Horrez gain, albistariak Valenciako Carabobo Euskal Etxean egin zen jaiaren berri dakar ere. Caraboboko euskaldunek uztailaren 7an, San Fermin egunean bertan, egin zuten jaia eta EuskalKultura.com-en horren berri eman genuen. Hala ere, merezi du Jazoerako kronika irakurtzea eta, batez ere, albistariak dakartzan argazki berriekin gozatzea.

Carabobo San Ferminak 2012

[Bigantxek emozioa jarri zuten Caraboboko San Fermin jaian (argazkia IllargiUzcanga)]

Jazoeraren ale hau eta aurrekoak irakurtzeko, jo hona.


« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia