euskalkultura.eus

Vitoria-Gasteiz. Eusko Jaurlaritzak gaur eman du aditzera Argentina, Brasil, Paraguai eta Uruguaiko ordezkariaren izendapena: Sara Pagola Aizpiri elgoibarrak hartuko du Euskadi Mercosur guneko herrialdeetan ordezkatzeko ardura.

Pagolak AZTI erakundean hasi zuen lan-ibilibidea, kudeaketa munduan, ISO 9000 eta EFQM metodoak elikagai-enpresa handietan eta estatuan ezartzen, ordezkariak berak 2011ean Elgoibarren.net aldizkariari azaldu zionez.

Zeregin horrek eraman zuen Buenos Airesera, Instituto de Calidad Alimentaria Vasco-Argentino erakundea martxan jartzera. Euskal Herrira itzuli eta bi urtera, ELIKA Fundazioaren zuzendaritza eskaini zioten. 2011an Cristobal Balenciaga Fundaziora heldu zen, Getariako Balentziaga Museoa abian jartzeko ardurarekin. Museoak emaitza bikainekin hasi du bere bidea, eta Pagolak 2012an utzi zuen postua. 

Elgoibarren.net aldizkariak Sara Pagolari eginiko elkarrizketa osoa, hemen.