euskalkultura.com

euskal diaspora eta kultura

Albisteak rss

San Nicolaseko Euskal Etxeak bat egin zuen ipuin kontalarien nazioarteko deialdiarekin, 'irriak emendatuz'

2009/12/23

Ipuin kontaketa saioan parte hartutakoetako haur eta helduetako batzuk
Ipuin kontaketa saioan parte hartutakoetako haur eta helduetako batzuk

PUBLIZITATEA

Urte azken hau eta bizi dugun abenduak une egokia dirudi honelako ekimenak aintzat hartu eta Ipuin Kontalarien moduko hitzorduekin bat egiteko, irakurketazaletasuna haur, nerabe eta helduekin partekartzeko. Hala ulertu dute, behintzat, San Nicolaseko Euskal Etxekoek, Buenos Aires probintzia argentinarrean, eta "Ipuina konta... eta irriak emenda' lelopean euren deia egin zuten, Luciana Carolina Martín eta María Teresa Fernández bolondres eta Vilma Raquel Fontana koordinatzaile, haurren arreta ekarriz eta ipuinak antzeztuz eta guzti.

San Nicolas, Argentina. Deialdia, beraz, nazioartekoa zen, abenduaren 12an egin eta 18an errepikatzeko, eta ekimenarekin bat egitea erabaki zuen San Nicolase de los Arroyoseko euskal etxe argentinarrak, Belgrano 139ko bere egoitzean eginiko deiari eutsiz, nahiz eta eguraldiak horretarako batere lagundu ez zuen.

Euskal Etxeak eginiko gonbitapeneko koordinatzaileak Cuenta Cuentos atariari azaldu bezala, "nahiz eta biltzeko orduan hura eurijasa handi bat zen, txintxo bildu ziren gure herriko Euskal Etxera Luciana Carolina Martin eta Maria teresa Fernandez bolondresak".

Eguraldi gaiztoa guztientzat izan zen gaizto, ordea, eta ondorioz "haur gutxi inguratu ziren, ama eta amatxi batzuk lagundurik". Ipuinen irakurketak haurren interesa biztu zuen eta, kontatzaileek hala proposaturik, ipuinak irudikatu eta antzezteko ideiari baiezkoa eman zioten, bapatean asmatutako antzezpena eginez, honelako lan batek eskatzen duen sormena eta irudimena landuz.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.com

jaurlaritza gipuzkoa bizkaia