euskalkultura.eus

euskal diaspora eta kultura

Albisteak rss

San Juan suarekin aro berri bat puxatu zen Necochean, Chivilcoy-n eta Buenos Airesen (irudiak)

2010/07/06

Necocheako Euzko Etxean hiru metrotik gorako sorgin bat erre zuten. Buenos Airesen eta Chivilcoyn ere ez ziren atzean geratu (argazkia EE)
Necocheako Euzko Etxean hiru metrotik gorako sorgin bat erre zuten. Buenos Airesen eta Chivilcoyn ere ez ziren atzean geratu (argazkia EE)

PUBLIZITATEA

Euskal Herriko antzinako ohiturari jarraiki, munduko hainbat euskal etxetan San Juan Gaua suarekin lotutako ekitaldiak egin dira azken egunotan. Udako solstizioa (neguko solstizioa hego hemisferioan) eta udari (neguari) ongi etorria egiten dion jai honetan eguzkiaren boterea eta suaren indar garbitzailea gurtzen dira. Hori dela eta, gau magiko hori ospatu duten euskal etxeetan sua piztu eta panpinak erre ziren, izpiritu gaiztoak aldendu eta denboraldi oparo bati ekiteko asmoarekin. Necochea, Chivilcoy eta Buenos Airesko hiru adibide argentinar ekarri ditugu lerrootara.

Necochea, Argentina. Bertako euskal komunitatean gero eta sendotuagoa dagoen ohiturari segituz, hiru metrotik gorako sorgin bat erre zuten Necocheako Euzko Etxea-ko kideek pasa den ekainaren 26an San Juan Gaua ospatzeko. Jaia egoitzaren aurrean egin zen, eta suak gaitzak kiskali eta aldentzen zituen bitartean, EEko Gazte Alaiko dantzariek euskal dantzak interpretatu zituzten suaren inguruan .

Beste hainbat ekitalditan ere egiten duenez, Necocheako euskaldunek komunitate osoari zabaldu zizkioten euren etxeko ateak, plater tipikoak eskainiz eta ohiko erromeria batean parte hartzeko aukera eskainiz.

San Juan Gaua Necochean 2010 01

[Necocheako Gazte Alai Dantza Taldeko kideek euskal dantzak egin zituzten suaren inguruan (argazkia EE)]

Buenos Airesko Iparraldeko Euskal Etxea

Buenos Aires hiriburuan ere ospatu zen San Juan Gaua, joan den ekainaren 26an. Urtetik urtera gero eta jende gehiago hurbiltzen da Iparraldeko Euskal Etxera Sorgin Afarian parte hartzera. Aurten bildutako ehun bat lagunek pintxo goxo-goxoez gozatu ahal izan zuten otorduarekin hasteko. Gero, Cristina Cordarak prestatutako babarrunek ohi duten arrakasta berretsi zuten; gauak berak, hotza eta euritsua, gonbidatzen zuen platerkada bat jatera.

San Juan Gaua Iparraldeko Euskal Etxean 2010 01

 [Iparraldeko Euskal Etxean desioak eskatu zituzten jaiko partaide izan zirenek (argazkia EE)]

Ondoren, Kultur Azpibatzordeko kide den Carlos Martinez-ek, ospakizunari buruz hitz egin zien Moreno kalean dagoen erakundera berturatutakoei. Behin sua piztuz gero, gonbidatuak gauzak botatzen hazi ziren sutara, gehienbat paperetan haiek idatzitako desioak. Erritoa gauzatzen zen bitartean, euskal etxeko txalapartari Adrian Castell-ek musika jarri zion gaueko momentu garrantzitsuenari. Musikak eraman zituen gonbidatuak hurrengo ekintzara. Oraingoan Kultur Taldeak “Jondane Johan” izeneko bralea dantzatu zuen. Norma Rios-ek izan zuen segidan bildutako guztiei Iparraldeko dantzak irakasteko ardura. Euskal etxeko lagunek ongi jarraitu zituzten Normak markatzen zituen erritmo eta pausoak.

San Juan Gaua Iparraldeko Euskal Etxean 2010 02

  [Desioak eskatu ondoren, abestu eta dantza egin zuten gonbidatuek euskal etxeko trinketean (argazkia EE)]

Eta abesteko momentua ere heldu zen, karaoke batez. Horrekin batera, euskal abestien musika entzunez eta letrak irakurriz osatutako taldeek lehiaketa batean hartu zuten parte.

Chivilcoyko San Juan festa eta erreketa arrakastatsua

Buenos Aires probintziako Chivilcoy herrian, ekainaren 21ean egin zen San Juan Jaia. Prestakuntzak, ostera, egun batzuk lehenago hasi ziren, panpin erraldoiak egitearekin. Sorgin bat eta 8 metroko 'Iñaki' izeneko panpina egiteko garabi baten laguntza behar izan zuten Beti Aurrera Euskal Etxeko kideek. Gogor lan egin ondoren, festarekin hasteko momentuan, erraldoiak prest zeuden.

San Juan Gaua Chivilcoy-n 2010 01

[Chivilcoy-ko Beti Aurerra Euskal Etxeko kideek Iñaki panpina eraikin zuten (argazkia EE)]

Dantza taldeak, hogeita hamar bat dantzari partaide, Euskal Herriko pieza batzuk eskaini zituen ekitaldiari hasiera emateko. Euskarak ere bere leku berezia izan zuen ospakizunean; gela batean, publikoan zeuden txikiei, ipuin batzuk kontatu zizkieten euskal etxeko kideek euskaraz.

San Juan Gaua Chivilcoy-n 2010 02

[Beti Aurrera-ko dantzariak Chivilcoyko Euskal Etxean (argazkia EE)]

Ilunabarrean, euskal etxetik ondoko Gernika Plazatxora abiatu ziren euskal etxeko kide eta lagunak eta panpinei sua emateko trenorea heldu zen. Programak su artifizialak ere bildu zituen eta argi-ikuskizun honekin eman zioten Chivilcoy-koek Beti Aurrera Euskal Etxeak antolatutako jaiari.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia