euskalkultura.eus

euskal diaspora eta kultura

Albisteak rss

San Inazio eta Liburuzainaren Eguna ospatu ditu La Platako Euzko Etxeak, hitzaldi, taska eta omenaldi batekin

2010/10/05

Euzko Etxea euskal etxeko lehendakaria den Javier Cluak eta Liburutegiko Azpibatzordeko Alicia Bonicattok plaka eta loreak eman zizkioten Haydee Cervantes de Artolari
Euzko Etxea euskal etxeko lehendakaria den Javier Cluak eta Liburutegiko Azpibatzordeko Alicia Bonicattok plaka eta loreak eman zizkioten Haydee Cervantes de Artolari

PUBLIZITATEA

Ospatzeko bi arrazoi sendok bildu zituzten La Platako Euzko Etxeko kideak joan den irailaren 18an. Alde batetik San Inazio egunaren omenezko taska egin zen etxeko Toki Alai txokoan. Beste alde batetik, Liburuzainaren Eguna oroitzeko 'Euskaldunak eta Irlandarrak Bigarren Mendeurrenean' izeneko hitzaldia antolatu eta Haydee Cervantes de Artola Euzko Etxeko 'Matxin Burdin' liburutegiko lehenengo liburuzainari omenaldia egin zioten. Etxeko abesbatzak eta dantzariek ere euren artea eskaini zuten elkarretaratzean.

La Plata, Argentina. Momentu hunkigarriak bizi izan zituzten La Platako euskaldunek joan den irailaren 18an San Inazio eta Liburuzainaren Egunaren ospakizuna zela eta. 'Matxin Burdin' liburutegiko arduradunen omenean, María Eugenia Cruset historia irakasle, eta Euskal eta Irlandar Ikasgaietan adituak, “Euskaldunak eta Irlandarrak Bigarren Mendeurrenean” delako mintzaldia eman zuen Euzko Etxea euskal etxean.

La Platako San Inazio eta liburuzainaren eguna 2010 01

['Matxin Burdin' liburutegiko gaur egungo arduradunetako bat den Gladys Medina liburuzaina, Haydee Cervantes de Artola omenduarekin]

Hitzaldia bukatutakoan, euskal etxeko arduradunek Loiolako San Inazioren Taskan parte hartzera gonbidatu zituzten bildutako lagunak. Topaketari hasiera emateko, euskal etxeko abesbatzak kantu batzuk interpretatu zituen. Segidan, 'Aurreskua' dantzatu zen eta ondoren dantzari txikiek hartu zuten agertokia. Ertaineko dantzariek eta helduek ere euren ikuskizunak prestatu zituzten aukera honetarako. Ertainekoak 'Cuadrille'rekin eta helduak 'Fandangoa'rekin nabarmendu ziren. 

La Platako San Inazio eta liburuzainaren eguna 2010 02

[Euzko Etxeko dantzariek ere hartu zuten parte omenaldian]

Jaiaren testu-inguruan, omenaldia egin zitzaion 'Matxin Burdin' liburutegiko lehenengo liburuzaina izan zen Haydee Cervantes de Artolari. Erakundeko Artxibo Historikoak egindako bideo bat proiektatu zen eta ondoren, Javier Clua euskal etxeko lehendakariak plaka oroigarri bat eskuratu zion. “Hamabost urte eman zituen Haydeek gure liburutegian eta lan ederra egin zuen. Merezitako omenaldia da”, azaldu dio Maria Fernanda Astigarrak EuskalKultura.com-i. Jaia gaueraino luzatu eta erromeria batekin bukatu zen.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia