euskalkultura.eus

Saladillo, Argentina. "2011 lan askoko  urtea izan da Euskal Etxearentzat", esan du Altamirak. Abenduaren 3an, Euskararen Eguna ere ospatzeko deitu zen eta azkenean bertan behera utzi zen afariari buruz herrian aldiberean deituta zeuden beste zenbait ekitaldiren tenore berean kointziditzen zuelako, lehendakariak dio ezin izan dela gerora berrantolatu, baina bai egin dela Euskal Herrirako bidaia sari zuen bonoaren zozketa, eta horretan 056. zenbakia zeukan Julio Wright hauna atera zela garaile, eta berak hautatu beharko duela orain 2012ko zein egunetan joan nahi duen, beti ere sasoin baxuan.

Euskal Etxearen egoitza eraikitzeko lanei buruz, esan du Hector Altamirak  dagoeneko ipintzen hasiak direla teilak eta aurrera darraitela sukaldeko lanek iturgintza lanak barne. Aipatu du baita ere heldua dela Eusko Jaurlaritzako dirulaguntza, 35.000 peso hain zuzen, eta espero diren gainerako 15.000k fakturak zuritzerakoan iritsiko direla.

2012rako helburu gisa, argitu zuen Altamirak, Dantzari Taldea berrabiatzearena aipa daiteke, 2011 honetan ezin izan baita, irakasle zena herriz aldatu baita; euskal sukaldaritza eskolei ere berriz ekin nahi zaie eta oraindik ixteko dauden beste hitzaldi batzuk ere nahi dira antolatu.

Egoitza lehen bait lehen amaitu eta inauguratu ahal izatea beti ere xede den zerbait da, Altamiraren esanetan. "Amets bat gauzatzea da", egin zuen gogoeta, dirua heltzen den arabera eta jendeak materiala, orduak, lana eta bestelako ekarpenak ekarri ahala gauzatzen ari dena. Gero eta gutxiago falta delarik, argi dagoena laster bukatuko dutela dela erizten dio. "2012an ez bada, 2013an inauguratuko dugu", baiesten du batere zalantzarik gabe Saladilloko Euskal Etxeko presidenteak.