Gernika, Bizkaia. Gaur ostirala, apirilaren 26a, Gernikako Bonbardaketaren 82. urteurrena gogoratuko da. Munduan zehar barreiaturiko euskaldunek eta euskal etxeek egingo dute eta baita ere, nola ez, Gernikan eta Euskal Herrian, bertako egungo herritar eta autoritateek. Gernikak, 1937ko bonbardaketan herritarrek erabili zuten babeslekuetako bat zabalduko da, zaharberritze lanak egin ostean bisitagai ipinita, eta Bakearen eta Berradiskidetzearen aldeko XV. Gernika sariak emango dira, horietarik bat Diasporako euskaldun bati, Xabier Irujo historialariari, Gernikako Bonbardaketa ikertu eta gaiari zabalkunde akademiko eta bestelakoa ere eman dion pertsona.
Xabier Irujo Ametzaga (Caracas, Venezuela 1967), Nevada-Renoko Unibertsitateko Euskal Ikasketa Zentroko zuzendaria da, euskal erbestea gertutik ezagutzen duen pertsona, eta saria beste saridun hauekin batera jasoko du: Gizatiar Laguntza eta Krisi kudeaketa europar komisario Christos Stylianides; Paul Preston hispanista, eta Madrilgo Konplutense Unibertsitateko katedradun emeritu Angel Viñas.
Bestalde, eta arratsaldez, George Steer-Gernika bakearen aldeko kazetaritza Mikel Ayestaran kazetariari emango zaio.
Eguna Gernikan, 21:00etan kandelekin egingo den ibilbide isilarekin bukatuko da Foruen Plazan.
Lagun bati bidali
Komentarioa gehitu
