euskalkultura.com

euskal diaspora eta kultura

Albisteak rss

Arrakastaz burutu dira Argentinako Mendozan Euskara Munduan-en Barnetegia eta Irakasleen Trebakuntza

2016/07/26

2016ko Neguko Barnetegiko talde argazkia

HABEk kudeatzen duen Euskara Munduan programaren 2013-2016 tarteko zortzigarren barnetegia bukatu berria da Mendozako Denak Bat Euskal Etxea eta FEVA antolatzaile. Uztailaren 16tik 23ra kuzatu den Ikastaro trinkoa bukatuta, euskal etxeetan irakasle aritzen direnei begirako jardunaldi pedagogikoak ere egin ziren 23an eta 24an. Programako kideekin elkartu eta programari babesa adieraztearren, FEVAko lehend akari Hugo Andiazabal propio bertaratu zen Mendozara.

Gehiago irakurri...


Munduko euskal etxeek San Inazio eguna ospatuko dute: Boise, Santiago, Mexiko... eta beste asko

2016/07/26

Boiseko iazko San Inazio festetako dantza erakustaldia (argazkia euskalkultura.com)

Igande honetan, uztailaren 31n, San Inazio eguna ospatuko da. Euskal etxeetan tradizio handiko festa da Bizkaiko eta Gipuzkoako patroiaren eguna, eta elkarte askok hainbat ekitaldi eta jarduera antolatu dituzte. Aipagarria da bereziki Boiseko euskal komunitatearen festa, AEBetako hiri honetan hitzordu handia delako eta hiru eguneko luzapena izango duelako. Horrez gain, jarduerak egingo dira Txileko Santiagon, Mexikon, Argentinako Necochea, Arrecifes, Roldan, Corpus Christin... Jarraian, hitzordu horietako batzuk.

Gehiago irakurri...


Sukaldari baten bila ari da Bartzelonako Euskal Etxea; baita Buenos Airesko euskal jatetxe bat ere

2016/07/26

Irudian, Bartzelonako Euskal Etxearen jatetxea, nahiz eta kasu honetan lanpostu-eskaintza Txokoarentzako den.

Euskal sukaldarientzako bi lanposturen berri iritsi da EuskalKultura.com-en erredakziora azken egunotan, Bartzelonatik bat eta Buenos Airestik bestea. Bartzelonakoa bertako Euskal Etxetik dator eta 2016-2017 ikasturterako deia da, dagoeneko dauden langileekin batera Euskal Etxeareen Txokoa gobernatzeko. Bigarrena, berriz, Buenos Airesko Montserrat auzoko euskal jatetxe sendotu baterako da, eta sukaldaria eta sukalde-laguntzailea eskatzen ditu, bereziki arrainetan iaioak. Ikus gehiago.

Gehiago irakurri...


Ostegun honetan bukatuko da epea EuskalKultura.com-en liburu, CD eta eranskailu zozketan parte hartzeko

2016/07/25

Etzidamu, osteguna, azkeneko eguna da EuskalKultura.com-en uztaileko zozketan parte hartzeko. 5 sari: bi liburu: "Modern Basque History: Eighteen century to the present", Cameron Watson egile (Renoko Unibertsitatea) eta "Aita deitzen zen gizona", Joan Errea egile eta Pello Salaburu prestatzaile (Pamiela); bi CD, Burgaintziren "Dantzaz-eke" (Agorrila) eta Sonia de los Santos-en "Mi viaje: de Nuevo León to the NY Island"; eta ikurrinak eta euskal diseinuak dauzkaten eranskailu edo itsasgarri sorta bat. Ez utzi gerorako eta eman gaur bertan izena!

Gehiago irakurri...


Ekin Harriari: Venezuelan jaiotako Itxaso Uzkangak euskal diseinuak egiten ditu Zornotzan

2016/07/25

Itxaso Uzkanga

Valencia hiria hiriburu duen Venezuelako Carabobo estatuan, bertako euskal komunitatearen eta Eusko Etxearen baitan jaio zen Itxaso Uzkanga. Aita Begoñakoa eta ama Bediakoa, bederatzi urte dira 'itzuli' zela Euskal Herrira, amodioaren deiari jarraituz. Urko bere senarrarekin bizkien guraso, Ekin Harriari izeneko diseinu enpresako burua da. Euskal Herriko, eta bereziki Bizkaiko sinbolo eta irudi tradizionaletan oinarritutako irudien egile da, tartean elastikoak, pitxiak, poltsak edo bestelako osagarriak.

Gehiago irakurri...


Euskal dantzari buruzko aplikazioa aurkeztu dute Azkue Fundazioak eta Euskal Kultur Erakundeak

2016/07/22

Soka aplikazioaren aurkezpenean, Jakes Larre eta Pantxoa Etchegoin (EKE), eta Iurdana Acasuso, Lorea Bilbao eta Ana de Castro (Bizkaiko Foru Aldundia) (argazkia Azkue Fundazioa)

Euskal dantzari buruzko ezaguera zabaltzeko asmoarekin sortu du Azkue Fundazioak "Soka" aplikazioa. App honen oinarrian dago Euskal Kultur Erakundeak egin duen "Soka, euskal dantzaren urratsetan" erakusketa, eta www.dantzan.eus webguneko edukinak ere baliatu dira aplikazioa garatzeko. Bi atal ditu aplikazioak: batean, Euskal Herriko dantza emankizunen mapa eta egutegia, eta bestea, dantzari buruzko galde-erantzunen jolasa. Doakoa da eta iOS eta Android sistementzako eskuragarri.

 

Gehiago irakurri...


Lorea Bilbao: "Esan daiteke txantxangorriak euskaltasunaren hegoak astindu dituela uztail honetan Washingtonen"

2016/07/22

Euskadiko hainbat paisaia eta jarduera Washingtonen ibili dira uztail honetan. Irudian, Lorea Bilbao uztailaren 8an 'Smithsonian Folklife Festival'en (argazkia EuskalKultura.com)

Bukatu zela ia pare bat aste pasatuta, sarean etengabe segitzen dute agertzen ekitaldiko argazki, bideo eta iruzkinek. Euskal Herrikoentzat berezia, euskal-amerikarrentat oso berezia izan zen. Lorea Bilbaok barrutik bizi izan zuen.

Gehiago irakurri...


Valladolideko Gure Txoko elkarteko koruak ikasturteari amaiera eman zion Toron egin zuen emanaldiarekin

2016/07/22

Gure Txoko Euskal Etxeko kantariak Toron egin zuten kantaldian (argazkia Valladolid EE)

Oporretara joan da Valladolideko Gure Txoko Euskal Etxea, baina udaran ateak itxi baino lehen azken jarduera bat egin zuen ekainean, San Juanetako bazkari bat. Aurretik, koruak ikasturteko azken emanaldia egin zuen Toro hirira egin zuen txangoan. Koruak kantaldia eman zuen Toroko San Julian elizan, eta emanaldiaren ostean bazkaria egin zuten elkarteko bazkideek, inguru horretako ardo ezagunak dastatuz. 

Gehiago irakurri...


Datorren ostegunean bukatuko da epea EuskalKultura.com-en liburu, CD eta eranskailu zozketan parte hartzeko

2016/07/21

Datorren asteko osteguna, gaur zortzi, azkeneko eguna da EuskalKultura.com-en uztaileko zozketan parte hartzeko. Sariak: bi liburu: "Modern Basque History: Eighteen century to the present", Cameron Watson egile (Renoko Unibertsitatea) eta "Aita deitzen zen gizona", Joan Errea egile eta Pello Salaburu prestatzaile (Pamiela); bi CD, Burgaintziren "Dantzaz-eke" (Agorrila) eta Sonia de los Santos-en "Mi viaje: de Nuevo León to the NY Island"; eta ikurrinak eta euskal diseinuak dauzkaten eranskailu edo itsasgarri sorta bat. Eman gaur bertan izena!

Gehiago irakurri...


Washingtonen jo ostean, Korrontzi taldeak Ingalaterran amaituko du etzi 6 herrialdetan barrena egin duen bira

2016/07/21

Korrontzi taldeko kideak Washintongo Kapitolioaren aurrean, Smithsonian museoaren Folklife Festival jaialdian (argazkia Korrontzi)

Aurtengo uztaila benetan mugitua izan da Korrontzi folk taldearentzat; izan ere, makina bat herrialdetan izan dira bizkaitarrak euren musika aurkezten. Uztail hasieran Washintonen izan ziren, Smithsonian Museoaren Folklife Festivalean, AEBetako euskaldunekin batera, eta harrezkero Kroazian, Italia, Eslovenian eta Hungarian izan dira. Etzi Warwick-en itxiko dute bira.

Gehiago irakurri...


© 2014 Basque Heritage Elkartea

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia