euskalkultura.com

euskal diaspora eta kultura

Albisteak rss

Quebec-eko Euskaldunak elkartea Kanadako irrati entzunenean protagonista izango da asteburuan

2012/01/31

Quebec-eko Euskal Etxearen 2012ko Ihauterietako egitaraua
Quebec-eko Euskal Etxearen 2012ko Ihauterietako egitaraua

PUBLIZITATEA

Euskaldunak elkarte quebectarrak indartsu hasi du urtea eta Kanadan euskal kultura zabaltzen egiten duen ahaleginean pauso berri bat emango du igandean, Radio Canada irratiak Euskal Herriari eta euskal etxearen jardunari eskainiko baitio tartea. "Babylone Café" izeneko irratsaioak elkarteko presidentea, Adelaide Daraspe, elkarrizketatuko du eta euskal etxean ematen diren euskara klaseetan ere izango da. Igandetik goiti, ordubeteko saio hau internet bidez entzun ahal izango da. Horrez gain, elkartea Inauterietarako ekitaldi berezia ari da prestatzen, eta otsailaren 10ean mozorro lantegia eta jai honen jatorriari buruzko solasaldia egingo dituzte euskal etxean.

Montreal, Québec. Euskaldunak euskal etxeko bazkideak belarria irratiari itsatsita izango dira igande honetan, eta ez da harritzekoa. Elkartea Kanadako irrati entzunena den Radio Canada-ko Babylone Café saioko protagonista izango da. Irratsaioa Euskal Herriari buruzko emankizun berezia prestatzen aritu da azken asteetan, eta Quebec-n bertan dagoen euskal elkartearengana jo dute kazetariek informazio bila.

"Benetan oso gauza ona da gure euskal etxearentzat, halako irrati saio ezagun batean pasatzea oso publizitate handia baita", azaldu dio EuskalKultura.com-i elkarteko presidenteak, Adelaide Daraspe urruñarrak. "Espero dugu gure ekitaldietara jende gehiago ekar-araziko ditugula horri esker".

Irratsaioan 15 minutuko elkarrizketa egingo diote Darasperi, elkarteari buruz eta, orohar, euskal kulturari buruz. Horrez gain, iragan astean kazetari bat izan zen euskal etxean, elkarteko euskara klase bat grabatzen. Irratsaioa igandean, arratsaldeko ordu bietatik hiruak arte aireratuko da eta, horren ostean, internet bidez izango da entzungai helbide honetan.  

Ondoren, Inauteriak

Euskaldunak datozen egunetarako ekitaldi berri gehiago ari da prestatzen eta datorren otsailaren 10ean Inauteriak ospatuko ditu elkarteak. Horretarako, arratsaldeko bostetatik seietara euskal mozorro lantegi bat egingo da elkartean eta nahi duenak parte hartu ahalko du bertan (aldez aurretik izena emanik).

Ondoren, zazpietan, Adelaide Daraspek berak "Le Carnaval au Pays Basque/Ihauteriak Euskal Herrian" izeneko solasaldia eskainiko du.

 



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.com

jaurlaritza gipuzkoa bizkaia