euskalkultura.com

euskal diaspora eta kultura

Albisteak rss

Pariseko Maite Bedaxagar eta Bilboko Estitxu Otermin 2018 Diasporako Gutun Lehiaketako irabazle

2018/02/01

Epaileek esan dute ez dutela lan erraza izan irabazleak aukeratzea, baina azkenean hemen dira Valentziako Euskal Etxeek --Euskaltzaleok eta Laurak Bat-- antolatzen duten Diasporaren Gutunen 2018ko edizioko irabazleak. A kategorian --euskara ikasten ari direnena--, Pariseko Maider Bedaxagarri dagokio saria; eta B kategorian --euskara normaltasunez erabiltzen dutenena-- Bilboko Estitxu Otermini. Zorionak biei, eta baita parte hartu duten guztiei ere, bi euskal etxe antolatzaileekin batera.

PUBLIZITATEA

Valentzia, Espainia. Diasporaren Gutunen V. Lehiaketako sariak Valentziako Racó de la Corbellan eman ziren ezagutzera joan den asteko ostiralean, horretarako propio antolatutako ekitaldian. Irabazle gertatutako parte hartzaileen izenak esan eta euren lanak lanak irakurri ziren, azkenik bildutakoek askari batekin bukatzeko aurtengo saioa.

Honakoak dira irabazleak eta euren lanen izenburuak:

  • A Mailan: Maider Bedaxagar (Paris). Bere lanaren izenburua, "Agur aitañi maitea"
  • B Mailan: Estitxu Otermin (Bilbo) Izar izeneko lanarekin

Antolatzaileek adierazi dutenez, aurtengo edizioan hamarnaka gutun jaso dituzte, "gehienak euskara ikasleen mailan, gehienak goi mailakoak eta guretzat guztiak ederrak. Txapeldunak aukeratzeko lana korapilatsua suertatu zaie epaileei".

Laurak Bat eta Euskaltzaleok euskal etxeek eskerrak eman nahi dizkiete lehiaketan parte hartu duten guztiei eta baita ere Elkar Fundazioari, bere babes eskuzabalagatik. Zorionak, bistan da, bi txapeldunei, esan digute.



« aurrekoa
hurrengoa »

© 2014 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.com

jaurlaritza gipuzkoa bizkaia