euskalkultura.eus

Montevideo, Uruguai. Pakea Bizkaia ontzia Montevideora heldu zen iragan otsailaren 17an eta Haize Hegoa elkarteak harrera beroa egin zien ontziko marinelei. Montevideora heldu aurretik Kepa Acero suflariak bat egin zuen eskifaiarekin, Antartikako olatuak surfeatzeko asmoz.

Azkenean Acerok ez zuen olaturik hartzeko aukerarik izan, itsasoa bare bare baitzegoen, baina hala ere esperientzia ahantzezina izan zen, bideo honetan ikus daitekeenez (Aceroren bidaiei buruzko bideo gehiago, kepaacero.com webgunean):

 (Antartikan surfean pinguinoekin)

[Haize Hegoako Maite Bengoa, eskifaiko kide Andrearekin (argazkia Haize Hegoa)]

Montevideon, Haize Hegoa-koek Montevideo erakutsi zieten Pakeako lagunei, eta euskal etxean euren omenezko afaria egin zen. Aipagarria da ere otsailaren 18an Montevideoko Intendente Ana Oliverak harrera egin ziela Pakea Bizkaiako marinelei hiriburuko udeletxearen egoitzan. Bertan izan ziren ere Haize Hegoa eta Centro Euskaro elkarteko ordezkariak.

Haize Hegoak blog bat sortu du eta bertan jaso ditu egun hauetako argazkiak eta kronikak. Pakea Bizkaiaren bidaiari buruzko informazio osoa hemen: www.pakeabizkaia.com.